يافلاح للتواصل

[سالم الرتيبان]

السلام عليكم ورحمة الله وبركاته


مساء الخير جميع

هذي الابيات قلتها قبل 4 ايام وحنا كاشتين

بعد ماارسل لي رساله فلاح ابن ملبز يشكي الاشواق

تهيضت

جائت هذه الابيات الي اهديها لكم

يافلاح الله يعين العاشيقنا = مثل ماعيني هوت شوف الصحاري
الخزامى من يسار ومن يمينا = قطعتين امن البلد ويا الحواري
والزهر يلعب يردد ماعلينا = جر صوتك دامك بوسط البراري
يافلاح الحب في صدري دفينا = كاتمه بين الحنايا وانت داري
لاطرالي نظرته مع مبسمينا = روحوني ياجماعه للطواري
ياوجودي يافلاح لشوف عينا = مبعدن عني وانا ذى الليل ساري
زادت الاشواق ثم زاد الحنينا = جالسن ياصاحبي واشب ناري
الهوى والعشق محنا كاتمينا = يافلاح اسمع وابصدرلك قراري
اعشقه واموت في مسك اليمينا = لاشبكني بصبعه صرت انتحاري
والحسود يموت من زود الغبينا = يشرب امن البحر ولاامن الخباري

وسلامتكم

[احمد بن جوفآن]

وعليكم السلام ورحمة الله وبركاته

.

يا مرحبا ومسهلا يابو عيــد ..

.. وصح لسااانك ولاهنت على هالقصيـده

وجعل فلااح يرسل لك كل يوم ويهيـَضك ولا تقطع علينا <

.


لاهنت ولاتبطي علينا بجديدك

إخيك ومغليك

[عبدالرحمن العقيلي]

اخوي الشاعر/سالم الرتيبان
صح لسانك قصيدة ممتازه اهنئك عليها وبانتظار جديدك
وتقبل مروري

[أبو حسنة]

صحـ ـآللسآنكـ وـإعتلآ شآنكـ

لآ هنت عآلجزلة

وجعل فلآح دوم يشكيلكـ ـآشوآقه

تقبل مرور

ـإخيكـ :. ألو حسنة

[محمد المجول]

الله الله

يابوعيد


صح الله لسانك جزل ومبدع


لاتحرمنا من جديدك الرااائع نفداك


تقبل مروري المتواضع


أخيك

[فهيد العازمي]

صح الساانك واعتلا شانك وخل فلااااح كل يوم يهيضك ويجي الجديد انشالله وننتظر منك الكثير انشالله وتقبل مروري واحترامي

اخووووك // الله يجازيك

[سعوود العجمي]

صح الله للسانكــ يابوعيد


ولاهنت على الجزله



تقديري

["..عـَـذْبـًة الأطْـبـَآآآآع.."]

.
صح لسسـآنك ,ْ~
ولاتبطي علينـآ بـ جديدك
.

[مـــدهـــآل]

صح السانك يا ذيبان

ولاهنت

[فلاح بن ملبز]

آررررررحب يا ابو عيد

وصح لسانك على ذا الابيات الزينه جعل يزين حآلك

وسمعنها بصوتك فالصابريه ما ازين منها

لو انك منزلها صوت يا سلام سلم

ولا عاد تبطي يا السنافي

ولاهنت