محاوره رائعه

[ماني ع فراق ناوي]

السلام عليكم مساكم الله بالخير جايبلكم محاااااااااااوره علي الكيف



وهي بين كلأ من الشاعر
/ سعيد ابن رحمه المري والشاعر
/ راشد السحيمي

امل ان تنال على رضاكم



سعيد بن رحمة



سلام تسليمـه لهـا معنـى ومعناهـا كبيـر===تسليمـه هـذى مواقفهـا وهــذا حلـهـا

ياراشد شرايك نغوص شوي في البحر الغزير===امـا تـروح كلـهـا ولا تـعـود كلـهـا



راشد السحيمي


يامرحبا يا اصحابنا والله يمسيكم بخير ===ترحيبة يطلع لها الرجال ما ينزل لها

بسم الله الرحمن روحنا يصير اللي يصير ===واللي تطاوع هاتها واللي تدقر خلها



سعيد بن رحمة



انته يابورامي معاندنا لجل شـي صغيـر===عطني علومك كلها واحفر لها وادفن لهـا

الطير لولى الريش والجنحان مايقدر يطير===خلك معي واللي عقد روس الحبال يحلها



راشد السحيمي



ماهو عناد الله يسامحكم ترى الموضوع غير ===اكيد فيه امور بعض الناس مايفطن لها


تسمع هدير الزمل ماتدري عن اسباب الهدير ===الزمل لعضت بعضها جد وش نعملها




سعيد بن رحمة



اعلومكم مانقصت من قدرنا حبه شعيـر===علم هل الاخبار تقعد في المكان احسن لها

ترا بعير مايشيل الحمل مايحسـب بعيـر===وبعيرنا سمحان لاثقلـت حمولـه شلهـا



راشد السحيمي

كلام ابو ثوبٍ طويل يغث ابو ثوبٍ قصير ===امسك يابن رحمه امطولت الثياب وقلها



ماهي قضيه هينه تترك للامر الاخير ===يا اهل الجمل سمحان باقي الزمل وش حاصلها



سعيد بن رحمة



انتم من البارح تشوفون الرحي اللي تستدير===وبعض السوالف تدبل اكبود العرب وتعلها

قد لك ثلاث سنين وايقودك لنا سلك الحرير==والله يبارك في الجبال اللي يظلـل ظلهـا




راشد السحيمي



برجع على روحي واحاسبها واصلي واستخير ===الله يرجع كل حاجه ياسعيد امحلها


الفتنه اللي داخله من بيت امير لبيت امير ===لاعاد تدخل في بيوت الطيبين احسلها




سعيد بن رحمة


الفتنـه ام الشـر خلوهـا تريـح فالسريـر===لو تكبر الفتنه تغيـر فـي البشـر وتذلهـا

ياراشد الحربي ترى الدعوى عبوس قمطرير===وان كـان ربـي حلهـا لعلـهـا لعلـهـا






راشد السحيمي



انته حضورك فيه اء ثاره صح واغيابك مثير ===عندك حقيقه غامضه كيف العرب تاصلها


لو كل ما اسمع عنك كلمه عابره جيتك مغير ===جيتك وقلت اللي بعينه دمعتين يهلها

[عبدالله الميع]

انا اشهد انها رائعه

ولاهنت

[ماني ع فراق ناوي]

لاهنت اخوي ع المرور

[(سعد بن محمد)]

السلام عليكم ورحمة الله وبركاته

لاهنت على النقل المميز

وصح السان كل من

الشاعر سعيد المري

الشاعر راشد السحيمي