.....@@(( مع غازي قلم ))@@.....

[غازي الرسمان]

ياشبيه الريم لاتمشي سفور
........... إحذر العالم يحسدون الجمال

نظرة عيونك تسبب لي فتور
........... رمشها مظلم ومن فوقه هلال

دلعوك اهلك ورابي بالقصور
........... عود موزٍ هزه الغربي ومال

كم حبٍ ضاع تخفيه الصدور
............ ليه تبخل بالموده ياغزال

[غازي الرسمان]

http://www.youtube.com/watch?v=3Iuob...eature=related


الله قديم ولحد الحين اتابعه

[غازي الرسمان]

انا إليا عرض علي صافي الخد
................ غصبٍ علي العين يمه تصدي

يابوعيونٍ ناعسه يمنا صد
............. وفي مشيتك ارجوك يازين هدي

خل الذي في حبكم صار مجهد
............ يملا نظر عينه وبعدين عدي

اقول له بابك معي ليه منسد
............ ويقول ليته ياحبيبي بيدي

ابغي سلامٍ يلمس اليد باليد
............... مهو كلامٍ بس وانت متعدي

الترى الصبر يازين شيٍ محدد
.............. وترى الهوى مافيه لعب وتحدي

حيرتني والقلب ناره تزايد
.................. صارت ظروفك يا اريش العين ضدي

انت الذي في حبك القلب يشهد
................ وانا الذي معذور لو باح سدي

[غازي الرسمان]

عند المطار اللي بدت منه الاسفار
............. في موقفٍ يصعب على الخلق حله


هذا الوداع اللي به الناس تحتار
............. احدٍ يكن الدمع واحدٍ يهله


خيم سواد الليل واظلم على الدار
.............. وراح الحبيب اللي حوى الزين كله


حاولت اهدي روعة القلب بعذار
.............. لقيت قلبي ضايقٍ به محله


ياقلب هدي يوم صار الذي صار
.............. منت الوحيد اللي مشى عنه خله


كم واحدٍ قبلك من الحب منهار
................. يشكي من الفرقى ثلاثين عله


ولا انت محبوبك تجي منه الاخبار
............... وحتى مكانه لابغيته تدله


إحذر لهيب الشوق يفضي بالاسرار
................. وتفقد حبيب الروح من شان زله


إصبر ولاتسبق تصاريف الاقدرار
.............. لوكنت توجس بالنوى حر مله


ابوعيونٍ ماتعمد للانظار
.............. سودٍ هدبن باسفل العين ظله


وابوجديلٍ ماشكى فوح سشوار
................ اسعد حظيظ اللي بيده يفله

واللي خديده تقتبس منه الازهار
................... والله ثم والله منساه لله





والله

ثم

والله

منساه لله

[غازي الرسمان]

يالله ياللي من ترجاك ماضاع
............ ياللي لك المعبود حتم الرجوعي

طالبك انا التوفيق في كل الاوضاع
............ وانا على المقسوم دايم قنوعي

راضي على المكتوب ماني بطماع
............ وقلبي على المحتاج ماهو قطوعي

وماني من اللي للردي دوم سماع
.............. اغضي عن الزلات وامدح ربوعي

وماني من اللي يبلج السن لاجاع
................ وليا شبع يصبح لهرجك جزوعي

كم واحدٍ لاجيت من مجلسه فاع
................ يعطيك مايملك ونفسه تجوعي

وكم واحدٍ ياخذ من المال بالصاع
................ ومن شوفة المحتاج قلبه يروعي

لوطرت يابن ادم مردك على القاع
................ لازم تذوق الموت عقب الطلوعي

وتمت وصلى الله على زين الاطباع
................... اللي له المعبود دايم شفوعي

[غازي الرسمان]

عزي لمنهو راح لفوه بالخام /// وخلا الليالي السود للي بغاها

[غازي الرسمان]

القمر يكتمل في نص الشهر


هويت بالماضي ترى بعمر قمره
............... مدري ابتليت الحب ولا ابتلاني

والي بجوي تظهره حيل حره
............ مبكي عليها ليه احس واعاني


كني عديم احساس حتى بذره
............... واحساسي والله فاق كل المعاني

علمني افهم لاكسا الليل قمره
.............. مقطع ترى والله فيك الاماني


وعلمني اصبر لو تلحفت جمره
............... لو صبحي المقبل صد ونساني

[غازي الرسمان]

شي غريب دخل علي احد الاصدقاء بالماسنجر وسالني هل تعرف غازي الرسمان قلت لا مجرد اقرى له اشيا بالمنتدى واشاهده
هل تدرون ماذا رد صديقي قال نعم امره غريب هذا الشاعر قليل الكلام وكثير الكتابه


صبر صبر ادري منصدمين ماعمركم شفتو احد يمدح نفسه



الكلام عليج ياجاره



غريب هناك بعض من الناس تمدح نفسها انني اعلم لن تتقبلو الامر لان اقبح شي ان شخص يكتب عن نفسه ويمجد نفسه
لان النفس امارئ بالسؤ وانت من تدير نفسك وليست نفسك تديرك
اذا جلسنا مع النفس فقط اجلس مع الذات واعاتبه واحاسبه وليس اجلس وامتدح النفس بل لا ثم لا النفس لاتمتدح بل اسيرها

[غازي الرسمان]

ياهل الرنج انا برسل سلامي
........... سلمولي على ترفٍ تجونه

سلمولي على حلو الكلامي
........... واقرو الشوق في نظره عيونه

ساهر الليل انا عفت المنامي
............ حارب العين نومٍ تذكرونه

غيبته يوم عندي كن عامي
.......... راح عني وقلبي في شجونه

[غازي الرسمان]

الى الان لم ياتي احد يفهم ماذا اقصد بالقصيده مع العلم انها ليست غزليه


حمامةٍ ياللي من الضيم نايحه
........... خليتي دموعي على الخد سايحه

باين عليك من الزمن شفتي العنا
........... من ايوم اصبحتي من العش رايحه

قالت انا من عقب ماكنت مسالمه
............ في مسجدٍ ينعش ريحه روايحه

جاني غرابٍ اسود اللون شدني
............. وخلا شتات العش بالقاع طايحه

وفكيت عمري طرت في عالي الفضا
........... وخليت صغاري بين الاغصان نايحه

وشاخ الغراب وحط عشه على الجبل
............ يامر على غيره وينشر قبايحه

وربعي صقورٍ فوق الاشجار ثابته
............. تفزع ولكن بس الاصوات صايحه

قلت انتهينا واكتفينا توقفي
........... لاتكثرين الشرح بانت فضايحه

القلب همه عقب الافكار شايحه
.................. لاشك سد الروح ماهو مبايحه

اثر الحمام اللي يرفرف بدارنا
............ من القهر والغيظ يصفق جنايحه

مهما جراله مابيح بسدها
............. لو كان همه من محانيه كايحه

ياروح كفي واستبيحي من الشقى
........... ترى هموم الوقت ماهي بزايحه

كيف الغراب يرز في الضلع هامته
............ والصقر يصبح واحدٍ من منايحه

والسلم عنا ابعد من الشمس والقمر
............. متى نطوله ثم نلبس وشايحه

وختامها غض النظر واكتم الخبر
............. الحق يبقى والمخاليق رايحه

وتمت وصلى الله على هادي البشر
............. اللي ترك دعواه بالمسك فايحه