. . . . . . . . . . . . . . . . تذكرّته .. وياليتني .. ماتذكرّته !

[[ عسّاف خيل ]]

,

كرهت الشعر يوم ( كثرو الشعّار )
..................................... وانا الشاعر إلي يبدع الشعر ويحبّه ,

عسى الله يرحم حالته و القلوب تغار
..................................... على نظمٍ ( قلال البصيره ) تلاعبّه ,

انا لو رصيدي , بيت واحد من الأشعار ؟
..................................... غدى من عيون الشعر .. والناس تعجبّه ,

هذا الشاعر المجرم , وهذا الشاعر المغوار
..................................... ماخلوّ لـ ( أبو العتاهيه ) , بالشعر قبّه !

يقولون لي : وش فيك ؟ تضحك ودمّعك حار !
..................................... وانا أقول : مبطي .. وضحكتي ( مالها سبّه ) ,

عليك البرا .. سويتها ! يازمن غدّار
..................................... وخليتني بين العرب ( حكي , ومسبّه )

سلآمي على ( قيس الملوّح ) سلام أحرار !
..................................... على إبداعه .. اللي لايوصّف ولا يشبّه ,

وقد يجمع الله ( الشتيتين ) بالأقدار !
..................................... وهم .. ماهقوا ( ريح التلاقي ) لها هبّه ,

لعب في فوادي ( صويحبي ) مثل لعب الطار
..................................... إليا فرح يشمّل به , ولا ضاق يجنّب به !

خفوقي .. مثل طيرٍ جريح بيديه إحتار ؟
..................................... وهو مثل طفلٍ .. في يده طير ويلعبّه ,

( ف ) لا الطير مطلوقٍ جناحه , ولاهو طار ؟
..................................... ولا الطفل ( يفهم ) علّه الطير ؟ ويكبّه !!

الا ليت لي قلبٍ محرّر ولا له دار
..................................... او ان لي خليلٍ بـ الهوى ( يخاف من ربّه )

لو ان لـ الصدور قبور ؟ مافضحت الاسرار
..................................... مع ان البحر .. له سرٍ , مكتوم في غبّه !

لو المطرقه ( تحس ) في علّه المسمار ؟
..................................... ماحس الجدار .. إلي المسامير في لبّه !

أبوصيك ياخالد وصيّه ؟ وهي ( تذكار )
..................................... نصيحه ؟ من ( صروف الليالي ) تغيّبه

تخيّر رفيقك .. والرفاقه ؟ لها معيار
..................................... ولا تقول أربّه .. مثل ما أظنّه ( أربّه ) ؟

ياما تنزّل المقدار ؟ أو ترفع ( المقدار )
..................................... لكن ؟ خوّه الطيب .. ( دوا ) من يبي طبّه !

( سقى الله ) يومني صغيّر / وحولي صغار ,
..................................... ولا همّنا ألا .. نبني الطين ؟ ونذبّـه ,

كبرنا وعشنا لين شفنا همومنا ( كبار ) !
..................................... وكلٍ معه ( همّه ) .. يطفيه و يشبّه !

أردد فِ بالي بيتٍ لـ ( إبي فهد ) وأختار
..................................... معاني تجسّد .. قيمه البيت .. وتصبّه !

( كرهت الصقاره ) ! يومن كلٍ غدا صقّار !!
..................................... وانا من أول ( أشفق ) على الطير ؟ وأحبّه ,













سعود عبدالله بن مهدي العجمي

[[ عسّاف خيل ]]

.










نكتم ونشكي .. من الاحزان في خلوه
......................................... واليوم .. في صمت / لا نكتم ولا نشكي !


لو إن دنيا الشقا ياصاحبي ( حلوه ) ؟
......................................... ماكان شفت الطفل يولد ؟ وهو ( يبكي ) !

[[ عسّاف خيل ]]

تحكمّنا الليالـيَ والعوايـد .. ظلم بالاجمـاع=ولا عندي ولاعندك / صبر يالجادل الطرقا
ترانا مثل من يبحر بلا فكـر وبـدون شـراع=نعيش احلام وردية لو ان دموعنا زرقا
غرقنا والبحر ياخذك .. من قلب ٍ عشق وإلتاع=نبي ننقذ بعض ! نمسك بعـض/ لو كلنا غرقا
ياقلبي لاتضيق من الليالي والفجوج وساع=ولامن ضقت ؟ دور لك على قمة جبل ..وأرقا
تبي تتأكد ان واقعي طالع ثلاث ارباع = قصايدنا / عن البعد وعن الشوق وعن الفرقا

[[ عسّاف خيل ]]

,







وين أنت بـه ؟ يالصاحب إلي كل ما روّقت , أروق !
.......................... وإن كشّرت غبر السنين ؟ .. أكفتني ( إبتسامتك ) ,


لبيـه .. ياللي فيك عن جميع خلق الله ( فروق ) !
.......................... من عقلك لـ منطوقك .. ومن رجلك إليا هامتك ,


لبيه .. ياخدٍ لامنّي خلت به ؟ ناضت بروق !
.......................... ولا يزوّد زينه إلا ؟ .. شوف دقــّة شامتك ,


خليتني ضامي وروّحت , ودبلت الشوق / شوق !
.......................... وأنادي بـ صوتي !! .. لكن : رافع بـوجهي ( جامتك ) ,


أرجوك ., من بعد وصلك ! لاينقلب وصلك / عقوق !
.......................... أدخل عليك من ( القطاعه ) ! .. لآ تقوم قيامتك ,


مادام تدري عقب عرفك ! قام سوق / وطاح سوق !
.......................... وش له تدرهم منّي !! .. ولا وقفّت .. ( درهامتك ) ,


تعال : يابعد القصيد .. ويا بعد عسر الطروق !
.......................... ولا تكدّر ( عاشقك ) ! .. ولا تفرّح .. ( شامتك ) ,


إن جيتني .. بجيك ( مشتاق ) وعلى شوفك ( شفوق ) !
.......................... بس أنت !! لا تبخل ؟ .. وخصّص يوم بـ ( رزنامتك ) ,


( ف ) إن كانها وصلتْ لـ ( قدرك ) بالذبايح و الحقوق ؟
.......................... كرامتك ( قلبي ) ! .. وقوم ( إقلط ) على كرامتك !!

[[ عسّاف خيل ]]

..





ياوجودي وجد من لاح في عارضه شيب !
........................ قل شوفه .. إلين ماصار يمشي الا بـقدي ,


لا طرت له بيض الايام .. وعلوم الصحيب !
........................ والمساري لا غدا الليل .. ليلٍ ( سرمدي ) ,


صفق الوسطي على راحه الكف الرطيب ,
........................ وهز راسه .. وعقبها قال : ( ياوقتٍ ردي ) !


صرت أبعد من مدى الشمس ! وانت أقرب قريب
........................ أقرب من ( أهل الصباحيّه ) لـ أهل ( الأحمدي ) !

[[ عسّاف خيل ]]

.,











المشهد الأول :






وحده مزيونه بالحيل ..... وحبيبه !
بس تخون !!!
وش أسوي بجمالها ؟
بياخذها الزمان .. وبتصير عجوز !


عااادي ... طاح الحطب .... وحلوه الحياه








المشهد الثاني :




ملتزم !!
يصلي كل الفروض ...
واذا تعب !! .. فوّت صلاه الفجر ,
واذا شبع ... راحت صلاة العصر !!
وعنده دش .. ويكذب كثييير !
وإذا صحى الصبح ..... مشّط اللحيه



عاااادي ... طاح الحطب ... وحلوه الحياه






المشهد الثالث :




غني و ظالم !!
يطرد المساكين ... ويستغل الضعوف !!!!
مغرور و فاسق ...
ومجلسه عااامر ,
كلٍ يبهّر له !!

ومع ذلك
يجمع الحسنات ...... من كثر إللي يسبونه !


عااادي ... طاح الحطب ... وحلوه الحيااه






المشهد الرابع :




يكد ويدرس ويشتغل !!
لاجل يبني مستقبله ....
تزوج وجاب عيال ....
ثم تقاعد !!
صار يسكن في مكان ...
وأم عياله ... في مكان !!
والسبب .. العيال ..
صار دار المسنين بيتهم ..


عادي ... طاح الحطب .. وحلوه الحيااااه





المشهد الخامس :




تغازل ... وتاخذ أرقام ...
وتطلع مع هذا ... وتواعد هذااااك !!
ويوم طاح الفاس فِ الراس !!!
بكت ...
ورااحت تشتكي لـ امها .. غدر الزمان !!
طبطبت عليها امها وقالت :
ولايهمك ... سفره لـ مصر ... وشويه سيوله
وترجعين .. بنت !!


عااااادي .. طاح الحطب .... وحلوه الحياه





المشهد السادس :




مرفوع الكفن أبيض ...!
وصاحبه .. وسط البياض ...
بعضهم يبكي ... وبعضهم عادي !!!
دفنوه ... وتبكبكوا .. شوي !
وآخر الليل .. سكاااااارى !!!


عادي ... طاح الحطب ... وحلوه الحياه





المشهد السابع :




أهم شئ الثوب نظيف .... والشماغ مكوي !!
والقلم ماركه .... والساعه تضوي .... !!
والجزمه جلد .... والسياره عجب ,,
وتلفونه .. مايسكت !!
إما البنات .....
او البنوك ... تبي فلوسها !!!


عادي .... طاح الحطب ... وحلوه الحياه





المشهد الثامن :




سطحيه .... ومغروره ... !
غبيه ... ومتكبّره !! ... وياريتها حلوه !!!
تبي زوج مواصفاات !
مايقول لا ..... ويكره الاستراحات !!
لازم وسيم .... وأنيق ... ومتعلم ... ودخله ممتاز !!
ويحب السفر ....
وبعد سنيين ... تلاقي نفسها في الأنترنت ...
تدور واحد يقبل بها ... !!


عادي طاح الحطب ..... وحلوه الحياه





المشهد التاسع :




فتح الكمبيوتر !!
ودخل المنتدى ..... وكلامه مايتعدّى ان الموضوع رهيب وروعه !!!
وهو ماقراه .... ولا يعرف منهو كاتبه ..
بس .. يبي يزيد المواضيع .. موضوع !!
ويزيد همومنا ... همّ !!!!
علشان يصير صاحب .. الألف موضوع !!
ويتميّز !!
والمشكله انه يتميّز ....


عادي .. طاح الحطب .. وحلوه الحياه






المشهد العاشر :





الكذب أثم !! .. ومع ذلك نستخدمه ..
وندري ان هذا حرام ؟! .. ومع ذلك نجرّبه ..
نتذكر السهره و الفرح و السفر ...
وننسى الجالسين .. على كتوفنا !!
وننسى .. ان معاهم كتاب يسّجل نياتنا .. وأفعالنا !
كل شئ محسوب ...
حتى النظر !!
نسنينا .. ان ورانا يوم ... علاماته قرّبت !!!
ومع ذلك ... كلنا ناسين !!
إن بقيت على حالك تتناسى .. لازم تعرف !!
إن ذاك اليوم ... مهوب بـ عادي !!
وإنت الحطب ...
ومابه حياه !!!!!










عادي ... طاح الحطب !!

وحلوه الحياه : ) ,

[[ عسّاف خيل ]]

.





مسج :-





طبيعي أني في نظامك , أخالفك !
دامك على تفاهه الشئ ؟ تحقد ,

رجال .. وش كبرك وهذي سوالفك ؟
إستح على وجهك , ترى الناس تنقد !

[[ عسّاف خيل ]]

.






لكل شيعي / يفكر . . . يشعل آلثوره !
.....................آلدآر هذي بعون آلله . . . محميه

حنآ فدآ للوطن ونطيع . . . . آخو نوره
.....................آلموت للي [ يتضآهر ] بآلسعوديه

يآهل [ آلقطيف ] آلنوآيآ آلعوج مخبوره
......................مآعندنآ شعب ثآير لـ / جل حريه

مآعندنآ آلآّ سيووووف وروس مبتوره
.......................وآلعلم يوصل لكل شيعي وشيعيه




.

[[ عسّاف خيل ]]

.

* حقيقه

أصد عنهـآ .. كل ما شفتهـآ جـــــات !!
........... وأنّبْ عيوني .. وعيّت تأنّبْ ,



( مرآت ) .. أقول اني أبيهـآ ؟ .. ومرآت :-
......... لا شفتهـآ قدآم عيني ؟ .. ( أجنّبْ ) ,

[[ عسّاف خيل ]]

تموت الأحلام فصدور الفقارى قهر = ويملا هدبها الدموع وتصفق كفوفها
تصبر لكن صبرها ماهوب يوم وشهر = من جوعها يمكن انها تاكل كتوفها
وتعيش الأحلام عند أهل الدراهم دهر = و (تكبر) أحلامها وتزيد مصروفها
ان كان ما خافت الله فالخفا والجهر = تاكل بعضها حرام وعينك تشوفها
زرعت في كف غيري من جميلي زهر = وجنيت جحد الرجال وقل معروفها
خطبت شيمة عزيزٍ ساق دمه مهر = وطلّقت خوة بعض الأجناس وضعوفها
أصبحت اهوجس واشك أن النقاء والطهر = ضغينة صدور ناسٍ ما برا جوفها
على جدار الزمن كتبت بيت وشهر = حسب معاناة بعض الخلق وظروفها
فالوقت ذا ما تعيش أن كان مالك ظهر = الايام قوما" علينا تومي سيوفها
وكتبت لي كلمتين من الغبن والقهر = والله كتب .. وأمطرت .. وانمسحت حروفها