قربك بداية جرح ونهاية اضروف

[مجري خضر]

تعال يالمحبوب والحب منصوف=ورد الغرام الي معك لاتذبه
ترى فراقك موت وغيابك اسيوف=لاناشت الضلع القصير تجبه
تسعى بصدري طول الايام وطوف=وعيش نار الشوق في وسط غبه
اودع الامان وستقبل الخوف=وانثر دموعي من فراق الاحبه
قربك بداية جرح ونهاية اضروف=وبعدك عذابٍ وسط قلبي تصبه
خليتني ياشاغل البال ملهوف=اطفي لهيب الشوق ونته تشبه
وبيت الغلا الي داخل الصدر مكشوف=ريح الجفا من كل بابٍ تهبه
ليتك علي تحن وترق وتروف=وتشوف محبوبك وش اللي لعبه
وليتك بعد قفيت سويت معروف=اما وعد ولا نهاية محبه
كل العلل تبرا سوى علة الجوف=على السمان من العلل ماتشبه
تبيني اعلمك من غير مكلوف=يمكن مع الايام فرقاك طبه

[خالد بن رمثان]

حجز 1 يا مجري خضر

[ناصر العسكر]

السلام عليكم ورحمه الله وبركاته


صح لسانك يا مجري وابيات جزله في معانيها


الله لا يهينك علي القصيده الجزله

وفي انتظار جديدك

[(سعد بن محمد)]

صح السانـــــــــــك

ولاهنـــــــــت

وبانتظــار جديــــــدك

[» ά6L8ħM]

كل العلل تبرا سوى علـة الجـوف
على السمان مـن العلل ماتشبـه

إنششهد


صح منطووقك

وتسلم يمنآإك

[نايل الظفيري]

وبيت الغلا الي داخل الصدر مكشوف
ريح الجفـا مـن كـل بـابٍ تهبـه


الله عليك يامجري . بيت وصوره جميله ,

صح السانك ولاهنت يامبدع

[ناصر بوجما]

مجري / يـشهد آلله إنـك مـبدع ,

نـص فآخر من آلعيآر آلـثقيل وقليل إلـي يـجيده ,

صح آلله إلــسآنـك يـ ، آلامـير !!

[الفريض]

صح لسانك

والله يعطيك العافيه

لاهنت

[محمد العزام]

وليتك بعد قفيت سويـت معـروف
امـا وعـد ولا نهـايـة محـبـه


الله الله يا مجري

اتحفتنا بالجديد



صح الله لسانك

رائعه و بنتظار الاروع

بإنتظارك دائما


دمت بحفظ الرحمن