هنا إجابات شعراءنا في موضوع ( جوابك شعر ) ..! متجدد ..!

[خالد بن رمثان]

السلام عليكم ورحمة الله وبركاته

....................................


مثل ما وعدتكم بـ مشاركات مميزه و زحمة إبداع في موضوع ( جوابك شعر )

الموجود في هذا الرابط


http://www.alajman.net/vb/showthread.php?t=110786

بدينا مع أول الشعراء المشاركين و هو شاعرنا ( سلمان بن ضيدان ) ..


صدق إني ثقلّت عليه بالأسئله لكنه كفو



1- من هو سلمان بن ضيدان ؟

شاعر ولي في ساحة الشعار والقلطه إسم = وأبيع في سوق المعاني بالمعاني وأشتري
أمرر الألغام للشعار واللي مافهم = لا يدحم الشعار في جنبه وهو جنبه طري
واللي مكذبني من أهل المعرفه ياكل شحم = الملعبه تعدل لو العربان قامت تفتري
أسعى لفعل الطيب لين يقال ( سلمان ونعم ) = وأشوم دايم عن مخاواة الردي والسرسري

2-أوصف لنا حال الشعر و الشعراء ؟

ما عاد به شاعر ولا به مشاعر = ما فيه غير اللي يغث الكبودي
لا قلت له تراك منته بشاعر = قال أنت يعني اللي بترقى سنودي ؟
ما كنه ألا سارحً فالأباعر = خارج نطاق التغطيه والحدودي
جاهل ودربه لا مشى درب واعر = ما يارد ألا ناشفات العدودي

3- (فمان الله يا أغلا من سكـن بيـن الضلـوع وهـام
فوادي فـي غـلاه .. بحاضـر الدنيـا وماضيهـا )

لو كان البيت هذا مهوب لك و جاك مسج على جوالك وش بيكون ردك عليه ؟

فمان الله يامن في فراقك ما قدرت آنام = فمان الله والنيران تاكل رجل واطيها
أيمم وجهي القبله لو أنها ما تبي يمّام = وألاقي صورتك قدام عيني يا محلّيها
وأغيّر يمّتي وألد عيني شرق ولا شام = أبنساها .. أبنساها وأنا مانيب ناسيها
طلبتك لا تراسلني مدام أن السلام .. ختام = بلاش أرسل لك الأبيات و( العشره ) بننهيها

4- نفرض أن اللاعب السعودي محمد الشلهوب كلفك بكتابة أبيات بلسانه تعتذر فيها عن البلنتي اللي ضيعه في مباراة الكويت و السعوديه ، أطربنا يا بو ضيدان بالعذر ؟

الله اللي كاتب وهذا قراره = والبلنتي ضاع وش حيلة محمّد ؟
الوعد قدام وأولها شراره = نارنا يالعارفه ماهي تخمّد
السعوديه تراها فالصداره = شبّت النيران لين الكل رمّد
والله أن تبطي الكويت امن الخساره = ما لقت لجروحها طب و مضمّد

5- تكلم عن أهمية الصلاه في حياة المسلم ؟

الرسول يقول صلى الله عليه وسلم = من تركها كافر وعن ديننا مرتدّي

6- جمعت مبلغ مليون ريال و شريت فيه ناقه و توفت ثاني يوم ، أوصف لنا شعورك ؟

بقول الله يعوّضنا بدلها = بمليونين دينار ً كويتي

( مع أني ضد اللي يشترون بهذا السعر ) !

7- أمنيتك في الحياه ؟

لا شفت إبي راضي علي وأمي بعد = يهون لي شي ً تمنيته يصير !

إجابات جزله و ممتعه صح لسانك يا سلمان و لاهنت

[خالد بن رمثان]

اليوم مع إجابات شاعرنا الثاني :


( الشاعر : منصور اللغوي )



1-من هو منصور اللغوي ؟

شخص طيّب .. لكن الطيبه تراهـــا
ما توكل عيش في وقت المصالـــح

2-أوصف لنا حال الشعر و الشعراء ؟

" الشعر موضه " بآخر الوقت .. والناس
يـــــــــــــهمها (قبل القصيد) .. المناظر

3- (محتاج اشوفك يالغلا واسمع الصوت
اللي يخدرني بحاله غريبه )

لو كان البيت هذا مهوب لك و جاك مسج على جوالك وش بيكون ردك عليه ؟

قلبي غدا من طاري الشوق " تابوت "
يحفظ غلا غايب .. عسى الله يجـيـبه


4- رايح تراجع في إحدى الوزارات تقدم على وظيفه و معك جميع أوراقك و مستنداتك المطلوبه فجأه عند باب المدير شفت واحد تعرفه شهادته أقل منك مستوى لكن تم قبوله و أنت تم رفضك ، تدري ليه لأن معه واسطه و أنت ما معك وش بيكون ردك ؟

الواسطـــه ضيّـعـتنا داخـــل الديـــره
مادام شفنا " ضياع المبدع الخبـره "



5- تكلم عن أهمية الصلاه في حياة المسلم ؟

الصلاه ان فاتت المسلم .. خساره
ما تساوي فقد طفل و فقــد مالي



6- لو كنت حاضر في ندوة أم الهيمان و صعدوك على المنبر وش بتقول بلسان أهالي منطقه ام الهيمان عن المشاكل البيئيه اللي يعايشونها ؟

ما بين مجلسنا و بين الحكومـــــه
تــــــــوقفت كل الخطط و المشاريع !

والمصنع المسموم ينشر سمومه
في منطقتنا .. والبشر منه بـتضيع !


7- أمنيتك في الحياه ؟

الأمنيه : ما اغيب عن بال غالي
ولا عن عيوني تغــــــــــــيب الحبايب

.
..



إجابات جزله و ممتعه يا منصور صح لسانك و لاهنت

[خالد بن رمثان]

اليوم مع إجابات شاعرنا الثالث :


( lexus )


1-من هو lexus ؟


أنا عديم ماكره راس سنجار
صيده من الجزلات ماجاء هزلها
عون الخوي لاثورّ الجو بغبار
وإن كبرت القالات فأنا جملها



2-أوصف لنا حال الشعر و الشعراء ؟
الشعر مايعْرف وش آخر مصيره
عدّوه ناس بالبشر مايعدّون
( تعبّجوا فيها قلال البصيره
إاللي لتصريف الحكا مايعرفون )


3-(ياهيه ياللي من ورى حدب الأضلاع
اللي جرالي بالهوى هو جرالك ؟؟)


لو كان البيت هذا مهوب لك و جاك مسج على جوالك وش بيكون ردك عليه ؟

جيتك مهيم فيك خاضع ومطواع
وفدوة عيونك خضت كل المسالك
أثرك تطّبع يالغلا بزين الأطباع
وغرّيتني لين إشبكتني حبالك
رحلت عنك منصدم منك مرتاع
ولاني بمستوعب وش اللي جرالك




4- بعد الأحداث اللي صارت في ديوان النائب د.جمعان الحربش بين القوات الخاصه و نواب مجلس الأمه ، ما هو تعليقك عليها كمواطن ؟


بين الحكومه هي والأعضاء غدى الشعب
ولاعاد يدري الشعب ويش آخرتها
الناس صاروا بينهم وضعهم صعب
الله يستر ويش هي عاقبتها

5-تكلم عن أهمية الصلاه في حياة المسلم ؟
الصلاه تورّدك خضر الجنان
ومن تركها قاله الله قد كفر
هي نجاة العبد لاجاء الإمتحان
إغتنمها والعمر رحلة سفر


6-الأمير الراحل ( جابر الأحمد الجابر الصباح ) ، عطنا أقل ما يقال عنه رحمه الله؟

مرحوم ياجابر العثرات ياجابر
عساك في الخلد ياريف المساكيني
وقْفتك ماتنّسى يوم الزمن غابر
أرهيت للشعب وأبعدت المعاديني



7-أمنيتك في الحياه ؟

الأمنيه لو إنّها بالتّمني
ترجع ليال الوصل مابين الأحباب
ويزول حزن فراق من هو عزلني
عن مجتمع فيه القرابه والأصحاب




إجابات جزله و ممتعه يا lexus صح لسانك و لاهنت