[ دِنْيـَاكْ ] هذي , لا تغيِّر مباديك
________ مهما إستِطَعت الظُلم خلْني أضمّك !
ماهي غريبه من يذمِّك يماشيك
________ لكن غريبه يمدحِك من يذمّك !!
ما كل واحد غاب معناه ناسيك
________ بعض البشر ينساك لو كان يمّك !
أدري تعِزْني .. اللـه يعِزْ : غاليك
________ وإن كان لي عندك معزَّه بـ أشمّك !
في خاطري كم كلمةٍ عن تجافيك
________ ولا شفت دمعاتي إنزَلَت حط كمّك !
إسمك حبيبي ويا كثِرها أساميك
________ وقلبي يفز ، إن شاف حزنك وغمّك !
ليتك تحس في ضيقتي يوم أحاتيك
________ أحرق لك أعصابي .. وما حَس دمّك !
02-03-2011, 02:10 AM
العرض المتطور
