من خوفي ذي وامثال ذي زدنا من الدبا عسل &&&هذا المثل معروف لاكن ويش كان اسبابها

[محمد المحلكم]

بسم الله الرحمن الرحيم


اقرب شاعر عجمي من الوزن الثقيل

سلام للعجمان والي زارها راعي محل=ينصى الرجال تعز ضيوفها واصحابها
من خوفي ذي وامثال ذي زدنا من الدبا عسل=هذا المثل معروف لاكن ويش كان اسبابها

[مـشـهـور]

لا هنت تقبل مروري وفي انتظار اي شاعر عجمي

[المسك الاذفر]

صح لسانك يالمحلكم ..


لازم عجمي مايصير نايب؟؟



وبانتظار العجمي

[محمد بن عرار]

المشاركة الأصلية كتبت بواسطة محمد المحلكم

بسم الله الرحمن الرحيم


اقرب شاعر عجمي من الوزن الثقيل

سلام للعجمان والي زارها راعي محل=ينصى الرجال تعز ضيوفها واصحابها
من خوفي ذي وامثال ذي زدنا من الدبا عسل=هذا المثل معروف لاكن ويش كان اسبابها

مرحبا يا محمد ..

عند الرجال اللي نباهم بالوفا عدّا زحل=يا مرحبا ترحيبةٍ بين العرب يحكى بها .

أوّآه يا طعم العسل و أحّيه يا لسع النحل=غار المهم السالفه مدري وش اللي جابها .

[HADI_ KW]

الله الله


صح السانكم وتسجيل متابعه

[محمد بن عرار]

مرحبا يا هادي صح بدنك ولاهنت على المرور .

وعلى فكره تراك مطلوب للتحقيق أمنياً


تحيّاتي .

[محمد المحلكم]

المشاركة الأصلية كتبت بواسطة مفراص الحديد

مرحبا يا محمد ..

عند الرجال اللي نباهم بالوفا عدّا زحل=يا مرحبا ترحيبةٍ بين العرب يحكى بها .

أوّآه يا طعم العسل و أحّيه يا لسع النحل=غار المهم السالفه مدري وش اللي جابها .

دام البقاء بك يابطل تبقى على الساحه بطل=نسل الرجال الي هل الوادي تحسب احسابها
لو كان غيرك قلت له ويش العجب في ذا المثل= لكنك غير الناس يابن الناس وانت ادرابها

[محمد المحلكم]

مشهوووووووووووووور حياك الله وقايل مايهون




المسك حياك اللله وانا طلبت العجمان للسبب ما وانت ابشر بالعوض



hadi_ kw هلابك ولاهنت

[محمد بن عرار]

المشاركة الأصلية كتبت بواسطة محمد المحلكم

دام البقاء بك يابطل تبقى على الساحه بطل=نسل الرجال الي هل الوادي تحسب احسابها
لو كان غيرك قلت له ويش العجب في ذا المثل= لكنك غير الناس يابن الناس وانت ادرابها

انت البطل وانت الرجل تبقى على الساحه رجل=ومن الرجال اللي ورى نجران فيض شعابها .

أنا بشر مثل البشر ما ني نبيٍّ من رسل=ارفع عمود الخيمه البيضاء و آدق أطنابها .

[محمد المحلكم]

المشاركة الأصلية كتبت بواسطة مفراص الحديد

انت البطل وانت الرجل تبقى على الساحه رجل=ومن الرجال اللي ورى نجران فيض شعابها .

أنا بشر مثل البشر ما ني نبيٍّ من رسل=ارفع عمود الخيمه البيضاء و آدق أطنابها .

حنا على قمة جبل نبقاء على قمة جبل=نتعب عل الكايد وقمة عزنا نبقابها
حنا المصادر فزعة الي عن منابعنا رحل=فزعاتنا للي رحل مارابها مارابها