يا مل قلب

[الجـــــــــادل]

مل قلب يشـف الهـم ويخمـه = خمة عجوز ولدها بيـن روحينـي

قدام تزهق حياتـه قـال يـا يمه = ثم صفقة من عظيم الوجـد كفينـي

طاحت على صدره اللي واقف دمه = يوم اذهنت جرة الونـه بصوتينـي

وقامت تخمخم يديه وجـودة كمـه = تبيه وافخـت وزاد الهـم همينـي

وعلى النعش يوم قفو به بني عمـه = طاحت وقامت وهامت والهيم شيني

تدوي على ثوبه المنطول وتشمـه = وتسقي جثاث الشحوم بدمعة العيني

من حر فرقاه ما تمشي على يمـه = ولا تعرف الأحد من يوم الأثنينـي

وما ترقد الليل من حزنه ومن همه = والقلب كنـه يطعـن بالسكاكينـي

كن المعزي يشوف عيونهـا يمـه = تغيب وتذهلـلا جوهـا المعزينـي

جابو لها اللي قرا بالمصحف وتمه = يقرا عليها مـن القـرآن ياسينـي

وأنا مع الناس كني من وراء الحمه = الناس عندي ولا ادري من يحاكيني

أوحٍ بالعلم لكن مدري كيف باضمه = الله على مي هاجوسـي مودينـي

آرد على الهم ضامي وأطلب الجمه = عليك ياللـي تروينـي وتضمينـي

وتشوف حالي عقب ما غبت منسمه = ودواي بيديك لكـن مـا تداوينـي

أما وفاء والوفا تبـرى بـه الذمـه = ولا جفا والجفـا مـوت يبارينـي

[ابن مكتوم]

الله لا يهينش يا الجادل على القصيده الاكثر من رائعه






بن مكتوم

[عزوف]

أما وفاء والوفا تبـرى بـه الذمـه = ولا جفا والجفـا مـوت يبارينـي



روووعه رووعه يالجادل صح لسانج ولسان قايلها

[عبدالله المعيضي]

احسنتي يا الجادل على اختيارك لهذه القصيده الفخمه


اختي الكريمه كنت اتمنى لو انك ذكرتي اسم قائل القصيده

فصاحب القصيده له حق ادبي علينا


من هو قائل القصيده ؟؟


@ ا ح ت ر ا م ا ت ي

[عيد بن شدقان]

وما ترقد الليل من حزنه ومن همه = والقلب كنـه يطعـن بالسكاكينـي

قصيده رائعه وصح السانش يالجادل

[اطياف الماضي]

وتشوف حالي عقب ما غبت منسمه = ودواي بيديك لكـن مـا تداوينـي

أما وفاء والوفا تبـرى بـه الذمـه = ولا جفا والجفـا مـوت يبارينـي


صـــــح لســــانك اختي الجادل قصيدة رااااااائعة
يعطيك العافية ,,

تحياتي لك ,,

[ابوحمد الشامري]

جزى والدين الجنة عواطف الام المسكينة بفقد ولدها وحزنها عليه لا توصف.

لاهنتي يالجادل قصيدة حزينة جدا جدا.

تحياتي

[الجـــــــــادل]

اشكر مرووركم الكريم

اما بالنسبه للشاعر القصيدة

اخي الفاضل لا اعلم من هو قائلهااا ولو كنت اعرفه

يستحيل انكر حقه

[أبو الوليد]

صح لسانك يالجادل

قصيده جدا رائعه وصدقيني من اجمل ما قريت

أخوك أبو الوليد

[راكان الظفيري]

مل قلب يشـف الهـم ويخمـه = خمة عجوز ولدها بيـن روحينـي


قصيدة حزينة جدا جدا جدا ... الله المستعان ... هذي احوال الدنيا ... مافيها واحدن معمر ..

راح اللي اغلى من الوالد والوالد والموت حق على جميع الخلايق حتى نبي الهدى محمد صلى الله عليه وسلم مات وشيوخ الاسلام ابوبكر وعمر ...

يالله حسن الخاتمه



ملاحظة نتيفه للعزيزة الجادل : اتمنى لو تذكرين اسم قائل القصيدة حفظا للحقوق وانا علرف انه ماهوب قصدتس انتس ماتذكرين الاسم لكن جل من لايسهو



وسلامتس

اخوتس

راكان الظـفـيري