قصيدة اعجبتنى ونشا'للة تعجبكم
وهى للا خ عبد العزيز
للمتعة اقرو القصيدة كاملة
البارحه كنـي مـن الهـم مخنـوق
سلـط علـي الله همـومٍ كثـيـره
هم الغرام اللي كـوا كـل معلـوق
وغيره همـومٍ مرمسـاتٍ خطيـره
اثر الهوا شره على كـل مخلـوق
يوقد بقلـب اللـي مشابـه سعيـره
انـا غرامـي وحـدةٍ كلـهـا ذوق
ماهيـب لا فاتـن ولاهـي سميـره
اشوفها مثل القمـر فالسمـاء فـوق
فيها الجمـال وبالوصايـف نظيـره
ريانـةٍ بالعـود والعنـق منـتـوق
في خدهـا للخـال حبـه صغيـره
عنقا شعرها فوق الارداف مفهـوق
نوطا تضيع ابها الوصوف الكثيـره
عفيفـةٍ مادوجـت داخـل السـوق
بنت الاصول اللي تحـب الستيـره
لقيتهـا قاهـرةٍ الحشـو للـنـوق
فـي ديـرةٍ مامثلهـا ايـات ديـره
في خايعٍ نبتـه خزامـا ورقـروق
تنقل شحم من حلو عشبـه فطيـره
ووقفت مثل اللي على الخد مصفوق
مذهول من شوف المها المستذيـره
حاولت اكلمها وابي علـم موثـوق
وسالتهـا يابنـت ويـن الزبـيـره
قالت اضنك شخص فاضي ومطفوق
قلت العفو يابنت انـا مـن عشيـره
قالت توقع كـل مطـرود ملحـوق
واقلـط لبويـه فالبيـوت الكبيـره
ودقيت سلف الجيب وازريت لاسوق
مدري علامي لكـن انـي بحيـره
وعرفت وسم البل وانا اغيب وافوق
وامسيت مثل اللي عظامـه كسيـره
ماهيب من برقا ولا هيب مـن روق
من لابةٍ وقـت المواجـه شريـره
واليوم ابنخا طيب الصيت مـرزوق
ابيـه يسـرج كـل قبـا ظهـيـره
كوده يوفق بين عاشـق ومعشـوق
بالجـاه والا بالسيـوف الشطيـره
13-07-2005, 05:52 PM
العرض العادي
