جيتي من الله حظ و الحظ جابشْ
و حطيت لش في خافقي قصر و فراش
قصرٍ ليا جيتي زهى في جنابشْ
و ضلعٍ ليا نمتي عَلى القَلبْ غطاشْ
شوفي جروحي بين سارحْ و غابشْ
جرحٍ يعيشْ و جَرح بِ الجَرح يعتاشْ
غرّش حلاش و خرّبشْ و ابتلى بشْ
و انا بلاني الهَم [ جعله ما يبلاشْ ]
غرنوقة / طرقآ و زينشْ عَثى بشْ
يَ زبدة يِجرَح طرف خدها الشّاشْ
حناشْ ما هو اللي يزيدْ الحَلا بشْ
كفّشْ من تزينْ مناقيشْ حناشْ
عيبشْ / دَلع خِلقه لَو انّه ما عابشْ
و عيبي/ ليا اقفيتي ما اعرفْ اترجاشْ
حتى لو اني شاقيٍ في عذابشْ
متبـسمْ و كَبدي تضايق مِن الجآشْ
عَديتش انشْ ( مآي عيني ) وأرى بشْ
تخيرين الزيّن .. وآشوف لـ رضآش
اكف سمعي من عذول وشا بشْ
و اغضْ طَرفي مِن عيونٍ تحلاشْ
أخاف لا اوقّف على طور بابشْ
ثُم آحرجشْ مِن بَعد ما آنا آتحآشاشْ
مَنتي بـ خَطيمْ كل من جاء غدابشْ
يَ حرةٍ .. عودشْ عَلى العِز رباشْ
مالشْ لوى حتى لو القلب شابشْ
شاللي مشيبني سوى بحّة حكاشْ
اخطي علي وارهي ب قلبي صوابشْ
و حقّشْ عَلي من العَتب يُوم ينصاشْ
قَلبي مهوب ايّاه سبـّة غيابشْ
و الحينْ بصرش فيه لَو ماتْ يفداشْ
ذقتْ الجروح و خافقي ما هَنى بِشْ
لكَن .. كلامٍ ياصلشْ و يتعداشْ
كَانشْ حسَبتي للمفارقْ حسابشْ
روحي و تَكفينْ استِري كِل ما جاشْ
أكبَر قَهر / لا ماتْ قلبٍ " حيا بشْ
و راحَتْ مشاويرَه و حُبّه على مآشْ
غِيرْ الله الله دامني عِندْ بابِشْ
و الراي رايِشْ بينْ وَصلش و فَرقاشْ
اما بـ عذرِ صِدق يَعفي غيابشْ
و الا تَناسيني و لِشْ منّي انساشْ
29-05-2011, 01:18 PM
العرض العادي
