. . . . . . . . . . . . . وين عهدگ بـ آلوفآ لـ آلخفوق آللي يبيگ . . . !!

[محمد آل غانم]

ياصقر واهنيك لك جناح تطير =لى طرى لك نزعت وطرت يم الهوى
/
بين قلبي وبينك فرق والله كبير =لى كفخت انطلقت ولى كفخت التوى
/
انت حايم وانا بالقاع دوبي اسير =في صحاري زماني ذيب ليلي عوى
/
فوق جوك سحاب وحدر جوي هجير =القدم فوق رمضا والخفوق التوى

;

[محمد آل غانم]

;

يامعجبه قفلي وانسي تليفوني =انا على خوتك ماعاد يمديني
ان كان لك في الهوا شوط ماراثوني =لي في اوله خطوه وحده وتكفيني
بيني وبينه وكان الله في عوني =مثل مابين اليهودي والفلسطيني
سموه حرب او ضياع او فلم كرتوني =لا الدم دمي ولا السكين سكيني
سهم تعداني وسهم قصر دوني =وناس مياسيري وناس مياميني
مثل ماعشتي بدوني عيشي بدوني =ماكل من راح للبحرين بحريني
من كثر ماضاقت من احبابي عيوني =ماعاد شفت الطريق اللي يوديني
شريت ببكاي ضحكتهم وبكوني =إلا احرقوا دم قلبي في شراييني
مروا على مثل الاشباح وتعدوني =لا ضيعوا عقلي ولا غيروا ديني
صديت عنهم ورحت أمشي على هوني =وأن جيت أدورهم الله لا يحييني
من رخصهم لو من دموعي شحب لوني =مع كل دمعه يطيح أثنين من عيني

;

[محمد آل غانم]

خايف يطول البعد وتسج مني=وياخذ مكانك شخص ماهوب يسواك
/
وش عاد أسوي يومك أقفيت عني=لا أنا أتبع المقفي ولا أحب فرقاك

;

[محمد آل غانم]

;

الزعل ماهوب لايق على الوجه البشوش =ياخلف وقتن يضيع هقـاوي مـن هقـا
/
والله انه ماجعلني من العقـل امخـروش =غير ضحكس تو عيني ودمعس في التقـا
/
دمعس اللي تنثرينه على عكش الرمـوش =لو نفخ فيـه الله الـروح لا حـول رقـا
/
غير جعله مايعود ماهوب اغلى الطروش =من قرادة حظه وطيـب حـظ اللـي بقـا

;

[محمد آل غانم]

أتعبتي الصورة مشاوير
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت أطرافها
وبجروحها راحت لمين .. لبروازها الثاني
مسكين .. بيسجنك ويبقى سجين
تشبهلك أقداره خانته
وصورتك يجي يوم وتخونه
حبيبتي .. أو للأسف حبيبته
لا صرتي الصورة وجفونه البرواز
وشلون ينسى

[محمد آل غانم]

;

من يلوم المنتظر و الا يلوم الهاوي =كل ماهب الهوى طالت عليه دروبه
/
والقهر لاشفت مضنونك ولا إنت بقاوي =عزتك تطغي عليك وغلطتك محسوبه

;

[محمد آل غانم]

;

الشوق كل الحكي لو قلت ابحكي لك =سوالف الشوق تلهب قلبـي الظـامــي

;

[محمد آل غانم]

;

يامعرضٍ قلبي على شـيٍ وصولـه مستحيـل = عزيت قلبي من هـواك وشيّعـت مراسمـه
/
ماكنت أظن إنّ الفـراق يغيّـر العقـل الثقيـل = حتـى عرفـت إنّ الربيـع أتغيّـره مواسمـه
/
حطيت لك بأقصى الحنايا شيّ ماحطّه نزيـل = وبنيت لك قصرٍ قوامك فـي علـوّه راسمـه
/
واكبر دليل إنّك مغيّبني وأخـذ منـيّ دليـل = حبّك لحال ومن جنابك حبّ غيرك ( قاسمه )

;

[محمد آل غانم]

;

بـري حالـي مابقـى للمغربـل وسـع بــال = كـلّ ماحـصّـل لــه ادروب .تقفيـبـه ادروب
/
يالله إنّــك لاتخـلـيّ وجــودي راس مـــال = غير ميزني علـى الغيـر فـي حلـوّ السلـوب
/
شرهـة الأيـام .تـزعـل عذيـيـن المـجـال = خـصّ لا سـاوت صـدوق الحقيقـه والـكـذوب

;

[محمد آل غانم]

;

قلبي الّلي لواه من الصواديف لاوي =جرَّحته الليالي و الحظوظ الرِّديَّه
/
و الله انّي بوسط النّاس كنّي خلاوي =من يلوم المفارِق عقب فرقا خويَّه
/
أنا اشهد انّ المفارَق من عظيم البلاوي =مير هذا نصيبك يا العيون الشِّقيَّه
/
اتصبّر و اقول انّي على البعد قاوي =و الله اعلم بقلبٍ فيه الاشواق حيَّه

;