. . . . شَامخَه شيخَة عَرب مِتعاليَة حسّاسَة ~

[سـمـآويـه]

الغلا يصعب على راع الغلا تحجيمه
انت ريح اللي بقى من واقعي واحلامي

علم عيونك تشوف ان للمشاعر قيمه
لا تسولف من وراي وتبتسم قدامي

[سـمـآويـه]

مشتاق جداً لوصلك والحقيقة
للشوق لون وطعم واحساس ثاني

اشتاق ( 90 ) مرّه ، بالدقيقة
شف بالدقيقة تعديت الثواني !

[سـمـآويـه]

يِشره عَلي عَقلي و يبكي ضميري
إليا ذكرت إنّي جرحتِك بلا أسبَابْ

تقول ليتْ الجَرحْ مِن شخص غيري
و أقول أنا هذا بلا أبوكْ يَ عقاب

[سـمـآويـه]

قالو لي إن زينش لحاله ، وجيتش
وعز الله إن زينش بـ زينش مكمّل

صدّي ، عشان أقدر أسولف فديتش
الزين ما يرحم و أنا ماااااتحمّل

[سـمـآويـه]

الكِبر في الانسان ذنب وسماجه
من جد اعاملهم على انهم مساكين

الناس ما تبغى من الناس حاجه
غير الجناب الزين والمنطق الزين

[سـمـآويـه]

أجاوب أصعب لـ أسئله لو توالت
و أضرب مثال لما أقوله و أشبّه

بس أعجز آجاوب عليها ، لا قالت :
تكفى وش أكثر شي فيني تحـبّه ؟!

[سـمـآويـه]

على علوم الغلا مانيب متجرّي
قلبي لك لحالك وقلبك لي لحالي

للي حصل بيني وبينك رقم سرّي
مثل ما رقمك رقم سرّي لجوّالي

[سـمـآويـه]

و شلون رحت بلا موادع و لا بنت !
و في غيبتك فجّرت ينبوع عيني

في راسي استفهام للحين ما أيقن
وشْ سبّه غيابك و زفرة أنيني ؟

ودّي مجرّد يوم واحد أكون إنت
و أعرف تفكيرك و نظرتك فيني !

[سـمـآويـه]

ترجع بي الذكرى على ذيك الأيام
و تسري بي فالقمرا مرارة كلامة

و تخنقني العبرة و ازيد التّبسام
و أقول خيرة لو خسرت إهتمامة

[سـمـآويـه]

سلّم على اللي يعتبر عقلة لباس
و يلبس على قدّه لباسٍ يكفّية

من كبّر لباسَة صغر فيه و انحاس
يكتف يديه و تنعثر فيه رجليه