قلبي سألته

[خالد بن جفن]

عسى أن تنال أعجابكم

لك جيت لهفه بالهوى قلبي سألته = وش حيلة اللي بالهوى قلبه يهوله
يسهر على جفن العنى حلمٍ حملته = نبراس شوقٍ خاضعٍ لك هو يقوله
يرجي من اللي لك خلق شين أملته = قرب الوصل من قلبكم أو بسّ حوله
لو هي على قولة سلامٍ كان قلته = بس البلا كيف الفراق اللي تقوله
جرّيت من دنياي لك شوقٍ جهلته = يكسر حنايا الجوف لو هي لك خجوله
أرفق ترى ما عاد به شين عملته = هي وقفت كل الهقاوي يا جفوله
منك دموع العين هملن لك زهلته = يجري على خدّ المشقى في هموله
ينضح على صحراء الجفا منك نهلته = كثر الصبر من صوبكم ماني بطوله
أحسب دقاق الوقت لك حلمٍ سملته = هو في عيون الليل ساهرلك بطوله
يقطف زماليق الوفى وجدٍ نقلته = لك في حنايا الجوف ساكن في سهوله
يجري غلا صبره كما نهرٍ عزلته = ينضح رجاء يرجي كرم منك حلوله
أن كان بعدك حبّ له عذرك قبلته= وأن كانها له بالجفا ماهي رجوله
ربك حسيبك يوم حظك به ظلمته = بين المخادع من شهد لك بالعموله

10/03/2012
جريدة الراي

[الاصيله]

صح لساانك وعلى شانك


ولاهنت ع القصيده الجميله

[●• Ŝђǿǿq •●]

اللًه اللًه
أبيآت جزله ..
تسلم يمينكـ ..~

[الـعـابـر]

صح لسانك

[خالد بن جفن]

المشاركة الأصلية كتبت بواسطة الاصيله

صح لساانك وعلى شانك


ولاهنت ع القصيده الجميله

صح الله ابدانش

ومرحبا بش

[خالد بن جفن]

المشاركة الأصلية كتبت بواسطة ●• Ŝђǿǿq •●

اللًه اللًه
أبيآت جزله ..
تسلم يمينكـ ..~

الله يسلمش

وشاكر الحضور

[خالد بن جفن]

المشاركة الأصلية كتبت بواسطة الـعـابـر

صح لسانك

صح ابدانك

ومرحبا بك