اقلط يا شـــــــــاعر لاهنت ..

[AL-M7NK]

صح بدنك يابو رامي وجايزتنا متابعتك لنا يالامير

[محمد بن عرار]

المشاركة الأصلية كتبت بواسطة al-m7nk

مريكا مايزعزعها كلام ٍ مرسلته الروس = وعلى راحة يديها تاجدون الشر والخيره

تهرج يامحمد ودي ادرسك بعض ادروس = على شان الحكي تعرف موازينه وتسعيره

مريكا من عيال العُرب شفنا صرحها منكوس=تشبَّه كان تبغى العز بأهل الدين و الجيره .

نحنّي لحيتك و إن طالت اللّحيه نجيب الموس=تحاكا و أنت عارف ثم تسمّع و أنت في حيره .

[محمد بن عرار]

المشاركة الأصلية كتبت بواسطة سهيل اليمانيndn

مرحبا يابو عرار
لاجيت احضروا الصفوف كلهم والجمهور

وماعليك زود وافي نفداك. وأنت ملك المحاوره ونجمها

حقيقه وأنا ماأحب اجامل وخصوصاً ف الشعر

حضورك يجبر المتابع على المرور

متابع وماسك الصف

مرحبابك يا الأمير ..

جعل والديك في الجنه, مرورك الشامخ يكفي طال عمرك .





تحياتي .

[سحر الغروب]

سلمتم جميع
امتعتونا ,,, واصلوا ونحن متابعين

[العــــديم]

صح الله السنتكم ياشعار

محاوره عنوانها " عندما يتصارع العمآلقه "


متآبع

[AL-M7NK]

تراني بشتري لك موهبه وادفع عليها فلوس = على شان ان كتبنا شي تعرف ويش تفسيره

تبي تفرس والى جيناك ترجع خايب ومفروس = وعليك من المواري مايكمل باقي السيره

[AL-M7NK]

مرحبا بك سحر الغروب وسلمتي



مرحبا بك يالعديم وصح بدنك

[محمد بن عرار]

المشاركة الأصلية كتبت بواسطة al-m7nk

تراني بشتري لك موهبه وادفع عليها فلوس = على شان ان كتبنا شي تعرف ويش تفسيره

تبي تفرس والى جيناك ترجع خايب ومفروس = وعليك من المواري مايكمل باقي السيره

أثرك الشاعر المجنون أثرك الشاعر الملحوس=لمن ضيّقت بك فالكذب مالك حيلةٍ غيره .

تحسّس برطمك لدنى وذا فمّك بدون ضروس=ولك عينٍ كسيره يوم الأخرى تلحظ بنيره .

[محمد بن عرار]

المشاركة الأصلية كتبت بواسطة العــــديم

صح الله السنتكم ياشعار

محاوره عنوانها " عندما يتصارع العمآلقه "


متآبع

صح بدنك ولا هنت

و انت عملاق الطيب يا الأمير




تحياتي .

[محمد بن عرار]

المشاركة الأصلية كتبت بواسطة سحر الغروب

سلمتم جميع
امتعتونا ,,, واصلوا ونحن متابعين

مرحبا يا الأميره ..


سلّمش الله على هذا المرور العطر.



تحياتي .