المواقف رجاجيل

[شاوييش]

الشعر واهس والمواقف رجاجيل=
ومعنى الرجوله من معاني هدفها
ولاصارت الفكره مثل مهرة الخيل=
ان طاوعت بالطيب والا نعسفهـا
والطيّبه تبغى صبورن وحلحيـل=
وان مامشت له بالرضى يختطفها
وهذا زمانن منه شفنا الغرابيـل=
طيب العوايـد كلبوهـا نسفهـا
لاوالله الا راح جيل وظهر جيـل=
ناسن صراحه ماتمثـل سلفهـا
وياقلب لاتحزن على مايل الميل=
وبعض المواقف لو تضايقك طفها
وحنا من الموجز نعرف التفاصيل=
ناسن نسجلها ونـاس نحذفهـا
وياقلب ريّح خل عنـك التعاليـل=
ومجالسن فيها تكـدرت عفهـا
مجالسن تجمع هل القال والقيـل=
ونمامتن سبل الغلـط تحترفهـا
وشعاد لو ساقو بها غالي الهيل=
مـادام نقـال النمايـم ولفهـا
ناسن سواد قلوبها كنـه الليـل=
متميـزه باشكالهـا وتعرفـهـا
حرام ليديهـم تصـب الفناجيـل=
ناسن على القاله تطوّح غدفهـا
لو مالهم بالهرج كله محاصيـل=
مافيه قالـه مايجـون بطرفهـا
ولو الحقيقه كنها نجمة سهيـل=
لاجاك عطشان السوالف حرفهـا
ناسن سياستها نفاقـن وتمثيـل=
الله يلعنهـا ويلـعـن جدفـهـا

اتمنى ان تحوز على رضاكم
منقووووووووووووووووله

[سند]

شاوييش

صح الله ألساانك

ولاهنت يا السناافي

تقبل تحيااتي,,,

[فزاع]

شاوييش صح لسانك ومشكور على القصيده

[عيد بن شدقان]

شاويش
صح السانك والسان شاعرهااا
ولاهنت
اختياار رائع وجزل وتكتمل بالروعه لو كنت قد ذكرت اسم شاعرهاا
الله يعطيك العافيه
وشكرااا

[فلاح بن ملبز]

صح لسانك يا شاويش

ولاهنت على النقل الرائع

[شاوييش]

الهاوي
لاهنت على مرورك ياذيب

تقبل تحياتي

[شاوييش]

الاخ رمان
اشكرك على مرورك الطيب
تقبل تحياتي

[شاوييش]

الاخ ذياب
اشكرلك مرورك الطيب
وكلمة منقول تفكك من الاحراجات وليتني اعرف الشاعر

تقبل تحياتي

[شاوييش]

فلاح
لاهنت يالسنافي على مرورك الطيب

تقبل تحياتي

[المارد الشعري]

شااويش صح لسان ولسان الشاعر قصيده


جميله ورائعه الله يعطيك العافيه