بسم الله الرحمن الرحيم
الشاعر ابراهيم محمد الجربوع ( البدائع )
اعجب بموقف الشاعر سعد شبيب الطريسي بعد
حادث طالبات الجامعه من الرس في مفرق الشيحيه
والذي فقدنا فيه مها وسميه تغمدهن الله
بواسع رحمته
والذي جرى فيه احداث مؤسفة من احد الشباب المتخلفين
بمحاولته تصويرهن ولكن ولله الحمد والمنه
لم يتحقق له ذلك لوجود رجال نبلاء بموقفهم النبيل
ومنعه مما اراد وتأ ديبه
حيث لم يتأخر الشاعر سعد بالتعبير عن ماحصل
بقصيدة رائعة لما سمعها الشاعر ابراهيم الجربوع ايضا
لم يتأخر بمجاراتها برائعة اخرى ايضا
لكن جهاد هو الذي تأخر عن انزالها
للمنتدى لبعض الظروف
معتذرا للشاعر ابراهيم الجربوع
ولجميع الاعضاء والزوار عن
هذا التأخير
وهذه هي القصيده من تحياتي
واهنـيـه واهنـيـه واهـنـيـه واهـنـيـه=
الشاعر اللي مايدور خلف قافـه مـن طرايـا
ماغير قامت وسط صدره تشتعـل نارالحميـه=
باسباب فعلة واحد غرقان فـي بحـر الخطايـا
يالتميمـي وصـل الابيـات واحلاهـا تحيـه=
للذي سـاق القوافـي مثـل ماتسـاق المطايـا
سلام ياللي بنظـم الابيـات الجـزال اثرعليـه=
ابياته اللي صاغهـا سبـة شنيعـات السوايـا
ياسعـد واكبـر تحيـه والله بحقـك شـويـه=
لكن القـول الطويـل ينقـص بزيـن الحكايـا
يشهـد الله يشهـد الله ياسـعـد والله قـويـه=
فعلتـه والله يشهـد مـن كبـيـرات البـلايـا
ليتهـا ياصاحبـي بيديـك وإلا فـي يـديـه=
كان علمنا سويد الوجـه وش حسـن السجايـا
السافل اللي مـن رداتـه مايعـرف الشاذليـه=
ولا يعرف المرجله ولا يعرف اهـل العطايـا
السافل اللي في سواته كـان ينـوي لـه بنيـه=
نيـة وسخـه خبيثـه مـن خبيثـات النوايـا
لوفيه ذرة مرجلـه او طيـب ماسـوى كذيـه=
ولا داس عرض المحصنات اللي من الخسه نقايا
ياسعـد ياهـي خطيـه فعلتـه ياهـي خطيـه=
فعلته مـا يفعلـه غيرالرخـوم أهـل الدنايـا
بس الردي ما خبر عنه غير الافعـال الرديـه=
ولا خبرت البوم يفعـل فعـل حـر بالعلايـا
والأصابع يالطريسـي ماهـي بيدينـك سويـه=
مثلهـا مثـل المراجـل مابهـا نـاس سوايـا
البعض يفزع لاطلبته حتى لـو مانـت بخويـه=
والبعـض لـو هوخويـك يتقلـب كالحيـايـا
وصلاة من يسمع دبيب النمل وسط الخرمسيـه=
على شفيع الخلق في يـوم بهـا العالـم عرايـا
لا تحـيـة لا تحـيـة لا تحـيـة لا تحـيـة=
إنما اهديها لـك يـا صاحبـي جملـة تحايـا
وهذه هي قصيدة
الشاعر سعد شبيب لمن لم يتمكن من سماعها
لاتحيـة لا تحيـة لا تحـيـة لا تحـيـة=
أنما اُهدي هاك الابطال مجموعـة تحايـا
وقفة الابطال للترفـات بالحـادث حميـة=
مفخره للي مربيهـم عـل حسـن النوايـا
طيب على طيب على طيب من كفٍ نديـة=
كف تعشق للوفا عشق العشاشيق الظمايـا
وقفـةٍ ماهـي كـذا ولا كـذا ولا كذيـه=
درس مجاني من أهل الطيب للجاهل هدايا
أبـك حنـا مسلمين(ن)ماعشقنـا للرديـة=
وأنت ميت قلب ميت قلب من خلف الحنايا
أبك لا هالحين عايش في زمان الجاهليـة=
أبك متبلد حساسك ليـه تعشـق للخطايـا
ابك ما هزك ممات البنت مها مـع سميـة=
أبك ما هزك نداء الحيات من تلك الصبايا
ابك تتفرج عليهن تقل شايـف مسرحيـة=
زود هذا قمت تتفاخر على شيـن السوايـا
لين جـاب الله جـاب لله رياجيـل وفيـة=
يعشقون الطيب عشق النحل لركون الخلايا
مايبون المدح من هاذيـك ولا عـاد ذيـه=
راضعين الطيب من عد (ن) ينومس للروايا
ماتهزالريح شعـرة كنهـم عالـي طميـة=
روحوا لهن فدايـا روحـوا لهـن فدايـا
الخطية مـا يبـرد حرهـا الا مخومسيـة=
على وجه اللي بدال الطيب يعشق للرزايـا
صادق اللي قايل(ن) ياعالم النيـة مطيـة=
أبك ذاك الخبل ناوي له عقب فعلـه نوايـا
بس رد الله كيده بنحـره عقـب الخطيـة=
جاهل (ن)يعشق دنايا جاهل يعشـق دنايـا
ما وصل للي يبي مدام روح الطيب حيـة=
في صدور الطيبين الطيبين أهـل الحمايـا
12-01-2006, 03:35 PM
العرض العادي
