حكاية عاشق

[mohamd alyame]

السلام عليكم ورحمة الله وبركاته

سفير الهم بحكي لك حكايـة عاشـق محـروم
=وحيدٍ يقظي اوقاتـه معـى الذكـرى يرددهـا
على الفرقى جبر نفسه وجرحه بالحشى مسموم
=يحاول يخفي علـومٍ ظعيـف النفـس وردهـا
يتيه ونظرته تحكي حكايات وقصـص وعلـوم
=علومـه دايـمٍ عليـا علـى العربـان حددهـا
أنا العاشق وأنا التايه وأنا اللي خاطره مظيـوم
=وأنا من صارع جيوش الهوى ثم صار قايدهـا
سبب ذا الجرح وأهاته وليفٍ راح شهر الصوم
=هجرني وبتعـد عنـي وروح الحـب هددهـا
كلامٍ منه حيرني وصار العـرف بـه ملـزوم
=اسافر في بحور التيه وذكرى الحـب اقيدهـا
ذهب عقلي وتفكيري يفتش عن سبـب مفهـوم
=يبرر موقفـه منـي ويشـرح لـي روايدهـا
غديت بهاجسي عايـم ولا لـي قـدرةٍ بالعـوم
=غريق ٍ في بحر موجـه مـع التيـار يرعدهـا
إذا ذعذع نسيم الليـل يعانـق بـارقٍ وغيـوم
=سطى بالقلب وناتٍ طويلـه صـرت اعددهـا
مسافر مع حروف الصمت اسامرها قمر ونجوم
=كرهت الناس والديره ولا ابغى اسمع عوايدهـا
وباقيها غـدا مفهـوم ألا ليتـه يجينـي يـوم
=نعالـج مامضـى وانـزاح ونلغـي مايعاندهـا
تكرم ياسفيـر الهـم وعالـج خاطـرٍ مهمـوم
=نصيحه منك تكفينـي علـى راسـي باشيدهـا

وسلامتكم

[عيد بن شدقان]

محمد
اولاا
نرحب بك وحياك الله معناا في شبكة العجمان ويسعدنا انظمامك لناا



وصح السان الشاعر والناقل

ولاهنت يالطيب
اختيا رائع
ولكن ماعلمتنا من هو شاعر هذه القصيده



ولك تقديري

[mohamd alyame]

أخي عيد بن شدقان
اشكرك على الترحيب الحار والله لايهينك
وصح الله بدنك
وهذي القصيده انا صاحبها طال عمرك
وأشكرك مره أخرى على مرورك الكريم

[دانة الـرياض]

غديت بهاجسي عايـم ولا لـي قـدرةٍ بالعـوم
غريق ٍ في بحر موجه مع التيـار يرعدهـا
إذا ذعذع نسيم الليـل يعانـق بـارقٍ وغيـوم
سطى بالقلب وناتٍ طويله صـرت اعددهـا

هو أنا أعنيك قـل لي ياتـرى ؟!
والا الـهوى مايـوم قد دق لك باب
قلبـي يموت ولا احـد ٍ حس ودرى
عجـزت اداري وظنـي اليوم ماخاب
ليتك تشوف اللي بعد حبـك جــرى
ليتك تحـس اللي به القـلـب منصـاب
كل يوم اشوف الويل والخافي انقرى
فـي عيـون اللــي بحبـك دوم ذاب

^mohamd alyame ^

صح لسانك ..ولا هنت ياقلبي
كلمات حلوة واحساس رائع ..
ابداع لا يعلى عليه
و يعطيك العافيه
، ،
دمتـ بودـ

[mohamd alyame]

اختي العزيزه

دانة الرياض

اشكرك على مرورك الكريم
وتواجدك في متصفحي
الذي قد سررت به
ودمــــ بآلفـــــــــــ خــــــيـــــــرـــــــــــــتي
يالــــــــغــــــــالـــــــيـــــــــــه

[$الحلم الساهر$]

صح السانك العذب المميز

[mohamd alyame]

الحلم الساهر

صح الله بدنكـ
والله لا يهينكـ
وأشكركـ على المرور
الكريم

[مهرة الصمان]

اخي محمد اشكرك على هذه القصيدة الجزلة صح لسانك واعتلا شانك


ويامرحبا فيك معنى بصدى المشاعر

لاهنت وتقبل كل تحية وتقدير

وبانتظار جديدك