قصيدة الشيخ عامر بن بدران في السابع الهجري

[راكان اليامي]

الشيخ عامر بن بدران

شيخ قبيلة الدواسر في زمنه.عاش في القرن السابع الهجري.له هذه القصيدة في الفخر و الحماسة حيث يقول ::

يقول ابن بدران مسقــــــي حريبـــــــه= مـــــرعلى كبــــــــــده تزايد وقايـــــــــــده
يقــــول ابن بدران مقــــــدي مثايلـــــه =مثايلـــــــه فيهــــــا قريــــــع وعــــايـــــدة
كب الغييثــــي يا المنيعــــي وخلـــــهم= تــــــرى حـــــربهم ماينلقـــــي منه فايـــدة
يزيد الفتى الرجال في مطلب العــــــلا =ولا طـــــــرد هزلات المعانـــــي بزايــــدة
مجاهيـــــل حرب من صهيب بن زايد= لا اشتـــــد مجهــــــود تلقــــــوا لكايــــــده
ســـــواقة المظهور مـــن يمه العــــــدا =حــــــريبــهم منـــــهــم كبــــارغـــدايـــــده
كــم هجمة من ضـــــدهم زوعوا بــــها =وجــــــا الحــــول ما جمـــع بقايا رفايــــده
أقول ذا وانا علــــى ســـــرج عنـــــدل= مبــــــرية الــــــذرعان بالفعــــــل زايــــده
عريضة الـــهامة طــــــويل معنـــــــها =ماهيب عن عـركات الا بطـــــال حايـــــده
باقفاية الفــــــــرسان للطعن تنثنـــــــي =وبا قبــــــالة الفــــــرسان للخيـــــل زابــده
عليها فتى ما اهتز قلبه من العــــــــدى =شلفاه لبطـــــــــال المناعيـــــــر ذابــــــــده
شكوا ضربها لشراف في حومة الوغى= مضايبهـــا بنحــــــــــور الا بطال جايــــده
حريبنــا نسقيه كــــــاس من الطنـــــــا= وبالعيد فـــي شهب النواصــــــي نعايــــــده
وصديقنـــا يستـــــر قلبــــــه بقربنـــــا= ونعطيـــه من لعــــــراف ماكان رايــــــــده
حريبنــــــا يشكـــــي مضارب اطعوننا= علــــــى شمخ الا عنـــــاق تزهى قلايــــده
ودخيلنا يلقى الــــــــذرى في بيوتنـــــا= لنــــــــا الناس بالمعروف والفعل شايــــــده
وحريبنـــــا يلقــــــى العنا عقب حربنا= نــــوريه بظهـــــور السبايــــــا زهايــــــده
وصديقنـــــا والجار نجزيه بالرضـــــا= مـــــايزعلـــــه حـــــي ولا احد بسايـــــــده
وديــــــارنا مــــاهيب دار لغيــــــــرنا =كم صايد من دونهـــا الرمــــــح صايـــــــده
نسعــــى بدنيانا نبــــــي طيبة الثنــــــا =وايامنـــــــا تبقـــــــى والاعمار بايــــــــــده

المرجع كتاب شيوخ وشعراء "ابوفيصل"

[مفلح]

نسعـى بدنيانـا نبـي طيبـة الثـنـا *** وايامنـا تبقـى والاعـمـار بـايـده

صدق والله الشاعر الشيخ صح لسانه ، ولسان ناقلها

الله يعطيك العـــافية يا راكـــــــــــان اليــــامي على نقل القصيدة وبالفعل الدواسر رجال مافيهم قصور...وهم ناس كريمين أهل جود ويقدرون الضيف ويقومون بحقة لهذا اليوم...

وتقبل تحياتي،،،

[راكان اليامي]

ارررررررررحب يامفلح

وتسلم على الرد

تحياتي

[السياسي]

لاهنت يا راكان ولاهان مفلح على هذه الروائع


السياسي

[راكان اليامي]

ولا انت
واشكرك على الرد يالسياسي

تحياتي

[العماني]

لا هنت اخوي راكان على هذه القصيدة الرائعة

والأمير عامر بن بدران جد أسرة (السدارى)

وقال هذه القصيدة بعد انتهاء مشكلة بين الغييثات والمخاريم الدواسر.

كب الغييثـي يـا المنيعـي وخلهـم=ترى حربهـم ماينلقـي منـه فايـدة
يزيد الفتى الرجال في مطلـب العـلا=ولا طرد هـزلات المعانـي بزايـدة
مجاهيل حرب من صهيب بـن زايـد=لا اشتـد مجهـود تلـقـوا لكـايـده
سواقـة المظهـور مـن يمـه العـدا=حريبـهـم منـهـم كبـارغـدايـده
كم هجمة من ضدهـم زوعـوا بهـا=وجا الحول ما جمـع بقايـا رفايـده

لا هنت يالسنافي مره أخرى

تقبل تحياتي،،،

[راكان اليامي]

هلا وغلا يالعماني

وتسلم على الوضيح لاني كن ابيك توضح لي سالفة البيت اللي اشر عليه انت

وتسلم ولا تندم

اخيك

[العماني]

هلا أخوي راكان
المقصود ب(المنيعي) هم المخاريم من آل سالم بن زايد وقد حدثت مشاكل بينهم وبين الغييثات وكان قتيل المخاريم بقتيلين لكن بعد هذه المعركة صار قتيلهم بواحد.وهنا ينصح ابن بدران المخاريم بعدم التعرض للغييثات .

كب الغييثي يا المنيعـي وخلهـم=ترى حربهم ماينلقي منـه فايـدة
مجاهيل حرب من صهيب بن زايد=لا اشتـد مجهـود تلقـوا لكايـده
سواقة المظهور مـن يمـه العدا=حريبهم منـهـم كبارغـدايـده
كم هجمة من ضدهم زوعوا بهـا=وجا الحول ما جمع بقايا رفايـده

[badr]

عامر بن بدارن هو جد السدارى

وكان يقال فيه بيت شعر مشهور على كرمه وعلى حكمته وطلبه لفعل الطيب

خلت نجد من فاعل الثناء والجود-----الا ضنين وسط وادى الدواسر

وهنا يقصد فيها عامر بن بدران