يا ليتك تعود واضمك بالاحضـان

[ابن الاجواد]

الناس واجد مير ما مثل الاخـوانما مثل اخوك اللي يحبك ويغليـك
ما مثل اخوك اللي صدوق ومعوانتفديـه بالغالـي وبالـروح يفديـك
يشكي لك جروحه وهمه والاحزانولا ضاقت الدنيا بهمـك يواسيـك
لو كان لك ربعٍ ونـاسٍ وجيـرانما مثل اخوك اللي عن الناس يغنيك
أخوك هو عزك ولو كان ما كـانيبيع كل الناس لأجلـك ويشريـك
أنا أشهد أنه لك على الصدر نيشانتاجٍ على راسـك وستـر يغطيـك
وانا اشهد انه مـا يثاقـل بميـزانمثل الذهب والماس مافيه تشكيـك
وانا اشهد إنه مـا يقـدر بالاثمـانعن العـدو حصـن ودرع يوقيـك
إيـاك لا تفتـح طريـق لشيطـانبينك وبينـه جعـل ربـي ينجيـك
ولا تستمع لاجاك عـلان وفـلانيا كثر ما تسمع من اللـي يعاديـك
ولا تجعل لغيرك على العقل سلطانترى كثير اللي بشـوره يدهويـك
ترى الدهر دوار يا سرع الأزمـانيومٍ تواريـه الثـرى أو يواريـك
تقول يا ليت الـذي كـان ماكـانيا ليتني بالقبـر جنبـك واخاويـك
يا ليتك تعود واضمـك بالاحضـانأضمك لصـدري واقبـل أياديـك
يا ليتك تعود تـرى القلـب ندمـانوده يسوق المعذرة ثـم يراضيـك
مير البلا يا ليت مـاردت إنسـانويا ليت ما تمحي ظلام بما ضيـك
تماكن الدنيـا وواصـل بالاحسـانقبل الندم يطويـك والهـم يبريـك
ونهاية المشوار ما غيـر الاكفـانويبقى مع السارين ذكرك وطاريك








اخيكمـ: العـــرجاني

صصصصصصصصصح لسانك

وانا اشهد انك صاااادق بكل كلمه قلتها ومعنى في هالقصيده


بعض الناس يقولون الاخوو صعب تشكي له

وانا اخالفهم واضم صووووتي معك ياللعرجاني


لاهنت وصح لسانك وسلم بنانك