راح وتـرك لي صـورتــه في عـيالي..

[سمـــوم]

السلام عليكم ورحمة الله وبركاته


اخواني وخواتي اعضاء ومشرفي وزوار منتدى قبيلة العجمان

اعود اليكم برائعه من روائع الشاعره السعوديه هتان وهي ترثي زوجها صاحب السمو الملكي الأمير المعتز رحمه الله (الفارس)


تفضلوا القصيدهـ




قمت احسب ايامي واعد الليالي ... ولافجعني مثل بعض الصداقات

توي دريت اني وحيده لحالي ... الحين اصدق غصب : معتز قد مـات

فقدت اخوي وصاحبي راس مالي ... وغرقت عقبه في بحور عمـيقات

حتى بحزنه كان جدا مثالي ... يحمل هموم الكــون بأيمان وسكــات

توي صحيت وشفت وشهو بقالي ... بنتين وطفل وهم وجروح وأهــات

مرحوم يافارس وحيد ومثالـي ... فجأه غدره المــوت والموت غــدرات

راح وتـرك لي صـورتــه في عـيالي ... سؤال ماتـكـفيه كـل الاجـابات

ماكنت اصدق عمر ماقد طرالي ... ان فيه ناس من الحزن كنها اموات

تركـني متلعثمه في سؤالي ... هو فـيه بـعدك صـبح و الا مـّســرات


والله يرحم الامير معتز ..

تقبلوني فااائق احترامي وتقديري:

أختكم

*اليــ!!ــاميه*


منقووول

[سـعـود]

صح لسان الشاعره هتان
ولسااانش يالياميه

ولاهنتي على النقل الحلو

[بــ راكان ــنت]

صح لسانك يالياميه
بصراحه قلبتي المواجع..

لاهنتي

Dr.Corvette

[مانع العجمي]

السلام عليكم ورحمة الله وبركاته


صح ألسان اشاعره هتان
ولاهنتي ياالياميه على النقل

[سمـــوم]

المشاركة الأصلية كتبت بواسطة سـعـود

صح لسان الشاعره هتان
ولسااانش يالياميه

ولاهنتي على النقل الحلو

ومن قال

حياك الله اخوي نورتنا..

[فزو_لها]

قصيدة مؤثرة

صح لسانش يالياميه

[ابو راكان *]

الله الله

صح لسان الشاعره هتان

ولاهنتي يالياميه

على النقل المميز دائما

اختيار موفق اختي الياميه

[الاحرش]

صح السان الشاعره/ هاتان



ولاهنتي يا الياميه


على النقل

الله يعطيش الف عافيه

[الملك]

صح لسان الشاعره <هتان>
والله يرحم الامير<معتــــــز>
ولاهنتي على النقل وتسلم يمينش يالياميه بإنتظار جديدش
تحياتي اخوش/ اعصار العجمي

[سمـــوم]

المشاركة الأصلية كتبت بواسطة بــ راكان ــنت

صح لسانك يالياميه
بصراحه قلبتي المواجع..

لاهنتي

Dr.Corvette

بنت راكان

صح بدنش

يسلمو ع المرور نورتينا حبيبتي