هتلاني يمدح له عرجاني(قصه وقصيده)

[الجااازي]

السلام عليكم ورحمة الله وبركاته
اسمحولي ..انقلكم من احد الكتب اللي قرأتها هذه القصه والقصيده
والقصه بأختصار انه كان فيه رجال من الهتلان احد فخوذ العجمان ضايعه ابله وبحث عنها يمينا وشمالا ومالقلها,,حتى انه تأثر وتعب واصابه الم في راسه(حالة دوخه تصيب من تعود ع شرب القهوة ثم فقدها فترة طويله)ويسمونها,,{العماس} فتغير بحث الرجل عن ابله وصار يدور له احد يلقى عنده قهوه.. ولما يئس ماحصل احد لقى له رجال من ال عرجاء فرحب به وسوا له قهوة وتقهوى وعشاءه ولما ارتاح سأله عن ابله واقترح العرجاني عليه انه ينام لانهم بالليل وماراح يلقونها والصباح رباح ولما اصبحوا وتقهوو,,راح معه العرجاني يبحث معه وفعلا حصلوها,,وبهذه المناسبه قال الهتلاني له ابيات منها:

البارحه عقب السهر والتعوماس=عينت ربع(ن)وصلوني امرادي
سمرت معهم فوق دله ومحماس=مابخلوا في بنها والقنادي
الاولة منها الخوى فاخت الراس=والثانيه ماج العمس من فؤادي
والثالثه يسهر بها كل نعاس=من ذاقها ماعاد جاه الرقادي
عينت لي ربع(ن)عديمين الاجناس=سعاية في مالها للنفادي
والله لا جاء عندهم مال عباس=ان يدمرونه بالمراجل اعنادي
ماكر حرارِ من قديم لهم ساس=طيور تقنص في اليال الهدادي