الله يعينك لا لقينا بديلك !!

[كـميّخ الهاجري]

السلام عليكم ورحمة الله وبركاته

اول مشاركه لي في منتداكم الكريم ..

واقدم اليكم هذه المتواضع ,,

وعسى ان تنال ولو بالقليل من استحسانكم ,,

صلوا على النبي ..

لاصرت ناوي بالهجر روح مسموح = لا عاش راس(ن) خاضع(ن) ينحنيلك
يا مقطّع(ن) قلبي على غير مصلوح = جمّع بقايا وقتنا في شليلك
لا تحسبني لا تباعدت مجروح = والله لألقى في فراقك بديلك
اول بنيت لحبك آمال وصروح = وردّيت ابحّث في خفا مستحيلك
قدّمت لك قلبي على ناره إيفوح = إرحم محب(ن) مرّ عابر سبيلك
وقد قلت لك ودّي اشوف أبا أبوح = وتصد ماكنّه بشي إيعنيلك
أرخصت لك روحي وش اغلى من الروح = هذا دليل الحب وشهو دليلك
والحب بسّطته وبيّن ومشروح = ياكثر كثري وانت وشهو قليلك
إحسب حساب الوقت لا صار مشفوح = بيجيك يوم إدّور اللي يشيلك
إن كانك معزّم وناوي تبي تروح = الله يعينك لا لقينا بديلك

وسلامتكم ..

[مناحي الصميل]

صح الله لسانك اخي العزيز كميخ الهاجري


ونرحب بك في ربوع منتدى قبيلة العجمان ..

وبيض الله وجهك على القصيده الطيبه ..

[هــــــــــادي]

صح الله لسانك ياكميخ

واعتلى شانك

ابدعت لله درك


ولاتحرمنا من دررك

احترااامي

[عبدالناصر آل عبدان]

أررررحب يامحلفي


الشاعر كميخ الهاجري


صح الله قلبك ولسااانك يالقرم

وحياك الله بين اخوانك


وقصيده جزله من شاعر جزل

وحياااك الله يالقرم



ودعتك الله

[محمد المحلكم]

صح لسانك ومرحبا يالهاجري

[موج الأحزان]

صح لسانك يالهاجري وحياك الله بين أخوانك

[كـميّخ الهاجري]

صح الله ابدانكم جميع

وبيض الله وجيهكم

ولا هنتوا جميع على مروركم وتعليقكم

[راعي^الهدبا]

حياك الله اخي العزيز كميخ الهاجري في منتداك


وصح الله لسانك على مشاعرك الطيبه


وننتظر ابداع جديد من قلمك الساحر


دمت بود ,,

[كـميّخ الهاجري]

والبقا ياراعي الهدبا

بلا شك انا اعتبر نفسي من اهل المنتدى

وصح بدنك الله يطول بعمرك

وشكرا لمرورك العزيز .

[قلب]

صح لسانك ياخوي الهاجري

قصيدة جزله وعذبه

ننتظر جديدك


اختك

قلب