يالعنبوها لحظة(ن) هــزّت القــااااااع !!

[سحايب يام]

المشاركة الأصلية كتبت بواسطة كـميّخ الهاجري

عسى ان تنال ولو بالقليل من ذائقتكم الشعريـه ..

قلبي من الأوجاع طفّى شموعه = والكبد فيها من غثاها تمزّاع
عيني بعينه يوم هلّت دموعه = لا عادها الله لحظة(ن) هزّت القاع
اقفى ورجلي في محلي جزوعه = والعين كن في داخل العين لمّاع
سهرت لين الصبح قرّب طلوعه = ويّا خياله بس .. ماني بطمّاع
عزّاه لا منها طرت لي إطبوعه = أضحك ودمعي يسبق الضحك ملتاع
حكيه خفيف وفيه نفس(ن) قنوعه = وما هو من اللي للمطافيق سمّاع
وإليا نظرت بعينه ألقى دروعه = متحاميه قلب(ن) عليه الزمن لاع
إقهوته الشريان وقلبي قدوعه = وصفّة فناجيلي من الويل صنّاع
انا ادري اني ساكن(ن) في ضلوعه = وهو بعد له مسكن(ن) بين الأضلاع
حالي عقب فرقاه ياويش نوعه = مدري كآبة نفس والا العقل ضاع
وهذا الزمن لا بد نمشي بطوعه = لازم نطيعه كانه ابطى ولا طاع
واللحظه اللي هل فيها دموعه = يالعنبوها لحظة(ن) هزّت القاع

وسلامتكم
.
.

صح لسانك يالهاجري
سلمت على شاعريتك الجميله