يقول كان فيه شيخ(ن) يقاله سعدون العواجي من شيوخ قبيلة عنزه كان له ولدين
عقاب وحجاب وكانوا عياله من اشجع ربعهم ويوم من الايام رحلوا عياله مع امهم لديرة خوالهم انا مدري وين ذا الديرة بالتحديد لاكن هي احد دولتين الاردن او سوريا ويوم رحلوا سنع واحد(ن) يقاله شامخ وعرف بأن العيال رحلوا مابقى الا ذا العود الي هو سعدون العواجي فأنتزع الشيخه او الاماره منه وخلاه يطرف بالبيت
بدال ماهو وسط ربعه خلاه مطرف , فحزن سعدون العواجي بما حصل له وكان يتمنى ان عقاب وحجاب موجودين , ويوم من الايام جاء سعدون علم بأن احد ربعه بيروح جهت ماراحوا عياله فذهب سعدون الى الرجال وقاله ياولد ان كانك بتروح الديرة خوال عقاب وحجاب فأنا بعطيك رساله اباك ترسلها لعقاب وحجاب فقال الرجال ابشر .
فأعطاه هذه الابيات:
ياراكـبٍ مـن عندنـا فـوق مـهـذاب
مامـون قطـاع الفيافـي اليـا انويـت
عنـد الفضيلـه عـد يوميـن بحسـاب
أول قراهم قول : يـا ضيـف : حييـت
حرٍ صغيـرٍ تـو مـا شـق لـه نـاب
وعقب القرا ودع رجـالٍ لهـم صيـت
واليـا ركبتـه ضرّبـه خـل الاجنـاب
ونحر بصوب الجدي وان كـان مدّيـت
واسلم وسلم لي على عقـاب وحجـاب
سلم على مضنون عينـي اليـا الفيـت
بالحال خص عقـاب فكـاك الانشـاب
ينجيك كان انـك عـن الحـق عدّيـت
قله : شامخ شمخ بالمرجله عقب ما شاب
يـا عقـاب والله ذلللـونـي وذلّـيـت
ويا عقاب حدوني على غير مـا طـاب
وقالوا تودّر مـن ورى المـا وتعدّيـت
من عقب مانا سترهـم عنـد الاجنـاب
واليـا بلتـهـم قـالـةٍ مــا تتقـيـت
ما دام شامـخ مالـكٍ جـرد الارقـاب
لو زيّـن الفنجـال لـي مـا تقهويـت
يا عقاب حـط بثومـة القلـب مخـلاب
من العام في نوم العـرب مـا تهنّيـت
الجفن عـن نـوم العـرب فيـه نتّـاب
وعـد الطعـام مـدوّسٍ بـه حلاتيـت
عقب المعزّه صرت يا عقـاب مرعـاب
والناس حيينٍ وانـا مـن عقبكـم ميـت
من الضيم ياعقاب السرب عارضي شاب
وأذويت مـن كثـر العنـا واستخفّيـت
فاتاً ثـلاث سنيـن والنـوم مـا طـاب
وشكواي من صـدري عبـار وتناهيـت
البيت مـا يبنـى بـلا عمـد واطنـاب
متى يجينا عقـاب يبنـي لنـا البيـت ؟
متى بشيـر الخيـر مـع كـل هبّـاب
متى يجون إخوان نمشه هـل الصّيـت
مالـي جـدا الا عضـة البهـم بالنـاب
وراعيت كثر الحيف بالعيـن واغضيـت
وعند ما وصل العلم عقاب هو واخوه حجاب فزعوا لديرة ابوه ويوم جاء لقا شامخ
ناهرٍ وراد البل ابوه عن البير لا تشرب وجاء عقاب للراعي وقال ياعبد اسق البل
ويوم عين شامخ الا البل متجهه للبير فأتجه ينيرها ويردها عن البير الا ذا الرجال الي وسطها شنبه متعدين اذنه , ودرى شامخ انه عقاب وراح للبير ونقز وسطها
وجاه عقاب وقال والله ما أحط يدي في رخمه , وذهب عقاب الا ابوه وقال يابوي
شامخ عانه وسط البير ان كانك تبيه علمني قال خله ونا ابوك عفالله عنه , وبنى عقاب بيت ابو وسط ربعه ورد الشيخه والاماره لبوه .
هذا والله اعلم ..
وتقبلووووووووو تحياتي......
اخوكم : ثامر الدوسري
12-03-2007, 01:19 AM
العرض العادي
