مسابقـة (إكـمال الـبيت النـاقـص) .. أيـقـض قـواك الخفـيــه .!!

[العنوود]

عوجٍ الحاهم من لطمهم مشانيف
غير التصوب والتوجد مصاويـم
يزميلهم بيتٍ يخرع اليـا شيـف
يشفي غليل اللي اكلاهم مهاضيم
بيت الصخى ريفٍ اليا كمل الريف
تسمع ورى القاطع ضريس (...)

التكملة ..

تسمع ورى القاطع ضريس الخداديم

[((الذيب))]

العنوود

صح

بحطلش ممتاز ونجمه

[@الشيــــــــــــنه@]

طيب يالذيــب وين بيتك

[((الذيب))]

وش بيتي عطيت اليبت حلته العنوود
يادايمى مافيه غيري

انتي عطينا بيت لا تصيرين شينه

[@الشيــــــــــــنه@]

طيب صحيح اني شينه لكن علومي زينه

بذمتك وبجاه رب البرايا = كم عدت آذاني علشانك هروج

وكم مره لعينك قهرت المنايا = وذخرت من حزني عشانك مية فوج

خلها ع الله ياحميد السجايا= تهديني غيابك ع طفحة الموج

ذبحت في صدري سمان الحكايا = وهذي سكاكينك ع منحر العوج

لكن قبل ترحل بعين الخفايا= اسمع تناهيدي ع غصن عسلوج

كنت احسب انها ماتجور الخطايا= الين جرت وضاقت بعيني فجوج

الله يسود وجه بيض النوايا= اللي رمتني بين جاهل و........

[((الذيب))]

خابر ان اعلومش زينه امزح معش لا تصيرين حساسه

مرجوج

[@الشيــــــــــــنه@]

ههههههههههههههههههههههههههههه صح عليك

[((الذيب))]

طيب طيب

ياهل الجمس حنو الجمس ومشوا عليه بزين=تراه السنافي لا بدا للرجل حاجه
ولو هو قديم امشو وكنه على التمرين=امشوبه شوي البنص لا يوصل (......)

[غـشـام]

المشاركة الأصلية كتبت بواسطة ((الذيب))

طيب طيب

ياهل الجمس حنو الجمس ومشوا عليه بزين=تراه السنافي لا بدا للرجل حاجه
ولو هو قديم امشو وكنه على التمرين=امشوبه شوي البنص لا يوصل (......)

الصاجـه

صـح .؟

[((الذيب))]

غشام

الله يسعد مساك ومساء الجميع


صح

تحياتي و تقديري

للجميع