اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى القـــصص والروايـــات ::

إضافة رد
 
أدوات الموضوع انواع عرض الموضوع
  #1  
قديم 12-07-2004, 01:01 AM
الصورة الرمزية نـاصـر
نـاصـر نـاصـر غير متواجد حالياً
 عضو خاص
 
تاريخ التسجيل: Jul 2004
الدولة: KUW
المشاركات: 8,816
لي بنت عمن ماوطت درب الادناس سالفه وقصيده

القصة والقصيدة لرجل وزوجته وهما من أهل جبة في منطقة حائل وهما من شمر وتحديدا من الرمال ، والرجل اسمه شرعان بن فهيد الفاران ، وزوجته إسمها / فـزّه بنت لفف الفاران


رجل من البادية وقع في مشكلة من أقاربه سكان جبه / إحدى المدن التابعة لمنطقة حائل وهو شمري من عائلة الفاران الموجودين في مدينة جبه. احب ابنة عمه وتزوجها، ونتيجة الإحتكاك الذي حصل بين جماعتين من اقاربه البدو والحضر كان نتيجتها سقوط قتيل من إحدى الجماعتين . وفي لحظة غضب منه ضرب ابنة عمه وطلقها وذهب للعراق ومن جنوب السماوة في العراق ارسل هذه القصيدة مبديا ندما شديدا وهي ليست كاملة لكن هذا الذي استطعت جمعه.



ياراكب ثنتين يشدن الاقواس=من دار ريضان الحجر حركني
مافوقهن كود الدويرع وجلاس=وسفايفبين اربعه يلعبني
توجهن من عندنا حين الادماس=ومضى سواد الليل ما بركني
حطن علم عذفا يسار من الراس=والظهر مع ورد الحفر يشربني
حطوا لهم مع هثلة البدو بلاس=عن الحضر واللي بالخلا يسرحني
واليا لفيتوا عند مدقوق الالعاس=الجادل اللي بالمحبه محني
قولوا على حبل الرجا نطوي الياس=والبيض غيره كلهن يحرمني
لو يندوي جرحي دويته بزفواس=ولا بني برفاف البيت منكم ومني
والله يعلم بالخفايا والاوجاس=حب بدا من صغر سنك وسني
مريت دارن ما تقل جته الاوناس=ونيت ودموع العيون اذرفني
جيت المراح اللي به العشب محتاس=العشب في مضرب وساده معني
محذا سماد النار ومشاقة الراس=وثلاث لا يبكن ولا ينبكني
لي بنت عم ما وطت درب الادناس=ولا دنست يوم النسا يدنسني
ضربتها ونا احسب الضرب نوماس=وطلقتها يوم افخت العقل مني
ياناس كيف العين تبكي على ناس=وكيف العيون بلا رمد يسهرني
لو ينشكي حبه على الطير قرناس=جاه الضحى في ماكره مستكني
ولو ينشكي حبه على قب الافراس=عين نهار الكون لايفزعني
ولو ينشكي حبه على الميت ماناس=يثور من بين النصايب يوني
ولو ينشكي حبه على ذيب الاخماس=يسرح مع الطليان ما يجفلني
ولو إن غوطه وام سنمان وضراس=يدرن بما قلبي لحبه يكني
تلقى سهل جبه هضابن ومنحاس=وحتى الجبل بالقاع صار امتثني
وحتى النجوم اللي مع الليل غلاس=لو ينشكي حبه لهن وقفني
اشرفت راس ضراس من فوق الاطعاس=ولا لوم طراد الهوى لو يجني
وهليت دمع العين واوميت بالراس=ورافقت كور العيس لين ابعدني
وابعدت نفسي عن شفا كل وسواس=البعد أحلى من حياة التمني
ياعم ياللي طعت بي حكي الانجاس=طاوعت حكي الناس واخلفت ظني
طاوعت بي ياعم دايس ودرباس=وعواض صدقتها وابعدني
من لا خذا من درس الاسلاف نبراس=تمضي حياته بالرجا والتمني
واقفيت أدير بضامري كل هوجاس=على وليف بالحشا غاب عني
تكبي خواطرهم اليا جيت عساس=ما تقل انا منهم ولا صار مني
ونا زبون الحر للخيل مدباس=ياكلشن شهب الشوارب نخني
نفسي تشوم عن التدلبح مع الساس=ولاعاش منهو عن خصيمه يكني
لو صرت انا المقلاع ما شلت الاضراس=الموس ما يقطع بليا مسني
لاصار ما ربعك على الراي جلاس=وجنحان طيران السعد يلفحني
تصير دوم للصقاقير مدواس=مثل الذي يسمع صفير المغني
الحمد للي خالق كل الانفاس=اعطى وساع القاع ما فيه مني
دار بدار ولا مناحاة الانجاس=لا صار مايمناك عينك تزني
في بلدة الغراف من جملة الناس=ولاني بمن يرجي الفطايس تحني
دار بها الاجواد لولا بها الحاس=دايم تذكرني ليال مضني

__________________
قطفت منك ماتهيا ومالاق ورميت باقي ذكرياتك خلافي..!


التعديل الأخير تم بواسطة المستشار ; 12-07-2004 الساعة 02:02 AM
رد مع اقتباس
  #2  
قديم 12-07-2004, 01:47 AM
مـحمـد مـحمـد غير متواجد حالياً
 عضو خاص
 
تاريخ التسجيل: Feb 2004
المشاركات: 17,249

الاخ ابن هادي

اشكرك جدا على القصه الجميله والابيات الاروع

ولكن في جمله مافهمتها الاو هي : ارسل هذه القصيدة مبد يا ند ما شديدا ..!

وشاكر لك

ALAJMI

__________________
ليسـت هنـاك وسـادة أنعـم من ضميـر المستريـح

رد مع اقتباس
  #3  
قديم 12-07-2004, 02:09 AM
المستشار المستشار غير متواجد حالياً
 عضو فعال
 
تاريخ التسجيل: Feb 2004
الدولة: Kuwait
المشاركات: 1,209

تسلم يا بن هادي على القصة والقصيدة الرائعة .

واسمحلي بتعديل التصميم والتعديل اللغوي للكلام.

والأخ العجمي ما لم تفهمه بسبب تقطيع الكلمات وتم تعديله ليصبح " مبديا ندما شديدا"

مع أجمل تحية وتقدير للجميع

المستشار

__________________
المستشار

سبحانك اللهم وبحمدك أشهد أن لا اله الا انت أستغفرك وأتوب اليك

رد مع اقتباس
  #4  
قديم 12-07-2004, 02:14 AM
الصورة الرمزية العماني
العماني العماني غير متواجد حالياً
 عضو فعال
 
تاريخ التسجيل: Apr 2004
المشاركات: 2,856

ابن هادي

لا هنت على القصة والقصيدة الجميلة.
تسلم وما قصرت.

تقبل تحياتي،،

__________________

رد مع اقتباس
  #5  
قديم 12-07-2004, 02:48 AM
الصورة الرمزية نـاصـر
نـاصـر نـاصـر غير متواجد حالياً
 عضو خاص
 
تاريخ التسجيل: Jul 2004
الدولة: KUW
المشاركات: 8,816

شاكر لك المستشار علي التعديل وشاكر للجميع علي المرور

__________________
قطفت منك ماتهيا ومالاق ورميت باقي ذكرياتك خلافي..!

رد مع اقتباس
  #6  
قديم 12-07-2004, 04:32 AM
ولد ال صالح ولد ال صالح غير متواجد حالياً
 عضو ذهبي
 
تاريخ التسجيل: Mar 2004
الدولة: منتدى العجمان
المشاركات: 514

بن هادي

لاهي بغريبه منك

بس لاتبخل يالسنافي على السوالف والقصايد

تقبل

سلااااااااامي

__________________


إن كانكم سيل(ن) يطم العدامه = حنا زبار(ن) يشرب السيل لاعام


للتـواصل : AL_Sal7y@hotmail.com

رد مع اقتباس
  #7  
قديم 12-07-2004, 05:31 AM
الصورة الرمزية نـاصـر
نـاصـر نـاصـر غير متواجد حالياً
 عضو خاص
 
تاريخ التسجيل: Jul 2004
الدولة: KUW
المشاركات: 8,816

الله يسلمك يالصالحي
وانشالله انها نالت علي اعجابك واعجاب الاخوه

__________________
قطفت منك ماتهيا ومالاق ورميت باقي ذكرياتك خلافي..!

رد مع اقتباس
  #8  
قديم 12-07-2004, 08:07 AM
عـزام عـزام غير متواجد حالياً
 عضو خاص
 
تاريخ التسجيل: Apr 2004
المشاركات: 6,240

ابن هادى

لا هنت يا السنافى على القصه والقصيده


تحيــاتــى:

الولـــــهـــــــان

__________________


إذا المـرء لا يرعـاك إلا تكلـفـاً=فدعـه ولا تكثـر عليـه التأسـفـا

ففي الناس أبدال وفي الترك راحـة=وفي القلب صبر للحبيب ولـو جفـا

فما كل مـن تهـواه يهـواك قلبـه=ولا كل من صافيته لـك قـد صفـا
سلام على الدنيا إذا لم يكن بها صديق=صـدوق صـادق الوعـد منصـفـا

رد مع اقتباس
  #9  
قديم 12-07-2004, 08:38 AM
الصورة الرمزية اطياف الماضي
اطياف الماضي اطياف الماضي غير متواجد حالياً
 عضو خاص
 
تاريخ التسجيل: Mar 2004
الدولة: ريـ العـزــاض
المشاركات: 9,507

بن هادي

الله يعطيك العافية على هالقصة

بس اتذكر ان عمه رد عليه بقصيدة ياليت لو تضيفه اذا كانت موجودة عندك


واكون شاكرة لك

تحيتي

رد مع اقتباس
  #10  
قديم 12-07-2004, 09:03 AM
جالس بن مبارك جالس بن مبارك غير متواجد حالياً
 عضو خاص
 
تاريخ التسجيل: Jun 2004
الدولة: كويت العز
المشاركات: 7,851

لا هنت يا ابن هادى
جزل دائما

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 09:49 PM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com