يسعدني ويشرفني ان أشارك معكم في هذا المنتدى الغالي
وأهديكم هذه القصيده عسى أن تنال أستحسانكم ورضاكم.
.
أأأأوّّاااه ياجيب جديد موديله =من وارده ماسقت وارد عراوي
جيبي ولا فكّرت ادور بديله = والجيب ما دوّر بديل الرهاوي
غارن من وصوفه بنات القبيله = من كثر ما يروون عنه الرواوي
ليه الزعل ياناقضات الجديله؟!! = عندي هواكن والجيوب متساوي
جيبي حليل .. وعاشقٍ لي حليله = مركب ومركب .. وانبسط يالهواوي
مركب تحبه فالدروب الطويله = ومركب تحبه كل ما جيت ضاوي
الفرق واضح بين ميله وميله = ولا ودّي اشرح ثم اجيب البلاوي!
لا ضاق صدري والاوادم مقيله = والجيب ما ينشد على وين ناوي؟!!
انا معه مثل العميل وعميله = وبيني وبينه ما تفيد الحكاوي
اليا عطى له طرقةٍ تستوي له = ومسجله من نغمة الفن غاوي
كنه يغني في غرام الجميله = (ماني على فرقاك يازين قاوي)
واليا توّكل ما يضيّع دليله = يعرف منازيل الحضر والبداوي
وان زانت الطرقة وقمت اشتكي له = واكثر عليه من الحكي والشكاوي
قام يتمايل فالطريق ويجي له = صوت مع اللفة كما الذيب عاوي
حتى الجيوب من المحبة عليله !!= يا ويلكن يالابسات الغطاوي!!
يازين خاف الله وهات الجزيله =خلّ الهزيله يالجميل الحياوي
تكفى سجين الحب تخلي سبيله = ومن بعد فقر الحب يصبح غناوي
يازين لو بصبر ثلاثين ليله = ما عاد ينفع فيّ طب المداوي
الحال هيّن ..والخطاوي ثقيله = ابا الذهاب ويقصرن الخطاوي
واللون باهت ..والايادي هزيله =والعين ماها راح... والرمش ثاوي
عوّد على قلبي وتكسب جميله =وترى الجميلة من ورانا مناوي
.
.
كلمات / الرهـــــــــــــاوي
27-04-2007, 06:13 PM
ماني على فرقاك يازين قاوي؟؟!!
العرض العادي
