( لـبـعـض اعــضــاء مـجـلـس الامـــــــــة )

[جراح بن ضيدان العجمي]

السلام عليكم ورحمة الله وبركاته
اعتذر عن انقطاعي لظروفي الخاصه
ولا احب ان اطيل عليكم لكل حديث ُ حدث
والان احب ان اضع بين اياديكم هذه المتواضعه وارجو
ان تحوز على رضاكم
//
//
//
صلو على النبي

ياوقت ياللي خاب فيك الظن ( ماكان العشم )=أغراك ناسك وأختلف مبداك عن مثايله


تحطّمت ذيك السنين وقصرها العود أنهشم= واللي بقى ذكرى قصور العزّ وأهل النايله


تغيّرت واللي نخبره بين خدّام وحشم = اليوم ياكثر الخدم عنده وكفّه طايله


بالعام الأول يلعب اللعبة على بعض الغشم= وأشوف ربعه كل واحد ينتخي قبايله


يسوم وجهه للمصالح والثمن حبّة خشم=يركض وراها لين ما يجني مكاسب هايله


وإذا كسبها صار كنّه بنت دايم تحتشم= ما يظهر إلا بالخفا .. ولاّ معاه العايله


لا خير فيه ومنصبه لاصار جاره ما يشم= ريح النفل في مجلسه للي لحاجه جاي له


أنا أحشم الطيب ولكن ماأحشم الي ما أنحشم=أعطيه مثل اللي عطا ولا أحتري فضايله


هذي تجارب والحياه دروسها مثل الوشم= تبقى على وجه الرجل من لدّ فيه يخايله


لكن يا وقت الشقا والله ماكان العشم=تخلف هقاوي كاسبين الطيب.. وأهل النايله
//
//
جراح بن ضيدان العجمي