حلف ويمين؟؟ && واستغفر الله رب العالمين؟؟

[(هاوي قصيد)]

مسا الخير

والله اني فالموده علي حلف ويمين = ماطرق دروب المعاناة ودروب الشقا

من بعد ذكرٍ مضتها الليالي والسنين = ماورى جفوا المحبين ميعاد ولقا

ومن بعد مانعش فضا الحب فل وياسمين = صار فيه امن التجاريح ماراح وبقا

وياقسا يوم المفارق اوداع الضنين = كن بي مسمار لوحٍ عليه المطرقا

ياحبيبي يرفق الله مسير التايهين = كان به حبٍ مصفاً على وضح النقا

يوم بعض الناس عرايا لا دنيا ودين = مانفع شور الصدقات بعض الاصدقا

الهوى ايمان واحساس وشعور وحنين = ماهوب ابحكين تسطره في عرض ورقا

والهوى ماهوب سهلٍ على المتخيلين = من رقا حزم المضامين يصبر لا رقا

من تجارب واقعٍ فيه اهات وانين = قال حس الجرح ارحب وقلت ابك البقا

ذا انا ؟ واستغفر الله رب العالمين = يمكن اعود على الحب ودروب الشقا

وسلامتكم

[محمد المحلكم]

صح لسانك جزل وقصيدك جزله

[(هاوي قصيد)]

محمد المحلكم ,,,
صح الله بدنك , وما الجزل الا راسك يالسنافي
لاهنت على المرور الكريم

[نـاصـر]

الشاعر الجزل والخلوق / الهاجري

وياقسا يـوم المفـارق اوداع الضنيـن=كن بي مسمار لـوحٍ عليـه المطرقـا

صح لسانك ملاااااااااين

أنا أراهن عليك لو تنشر بأسمك الصريح وتدخل الساحه الشعريه .

صدقني بتقلب الموازين والله اني ماجامل

لاهنت وتقبل مروري

[مناحي الصميل]

^
^

اضم صوتي لصوت اخي ناصر



شاعر خلوق وجزل


صح الله لسانك وفكرك

ولا هنت

[مشاعر حالمه]

الهاجري

جزل يالشاعر ماشاء الله عليك

صح السانك مليوووون ولاتهون

تحيتي لك / مشاعر حالمه

[حمود بن فطيس]

صح السانك يالسنافي ولاهنت على ماابدعت




تقبل تحيات مودعك



حمود بن فطيس

[(هاوي قصيد)]

الغالي ناصر ,,,
مرحبٍ بك ومسهلا وانا صادق بعد , صح الله بدنك دبلها ولانت يالشيخ
اما بالنسبه لساحه فانا منيب اعد عمري شاعر ماغير اترجم مابي من احساس ومشاعر
والحمدالله ان قصايدي لاقت الاستحسان منكم وذا والله اللي يسعدني ويشرفني
اما الساحه الشعريه فانا مخليها لهلها يكفي اللي مثلكم وشرواكم يطرب لقصيدي
لاهنت طال عمرك على الاطراء الطيب

[(هاوي قصيد)]

مناحي الصميل ,,,
مرحبا والله ومسهلا يابو فهاد
صح الله بدنك ولانت يالشيخ , وماعليك زود يالسنافي
لاهنت على المرور طال عمرك

[(هاوي قصيد)]

مشاعر حالمه ,,,
صح الله بدنك ولانتي
تسلمين على المرور الكريم