قصيدة محمدجارالله السهلي في نادي الهلال (زعيم اسيا)

[فزاع]

قصيده قالها محمد جارالله في نادي الهلال
في يوم خسارته امام الاتحاد في نهائي دوري الملك 1427
في يوم الجمعه 1/6/2007

البارحه من حزنها ضاقت جماهير الهلال=وانا علشان الهلال اشعر من البارح بضيق
شاعر ولا ادري ليه ماجاله على شعري مجال=وانا اعشقه عشق الملوك لخدمة البيت العتيق
اشجعه من قبل لبسي للعمامه والعقال=ويصير شعري عقد من لولو وياقوت وعقيق
بدت علاقتنا من ايام الغزو والاحتلال=يعني هو اول حب واول تجربه واول رفيق
اجامل احيانأ ولكن اليا اشغلوني بالجدال=ابلا تردد اتمادى عشق واولع حريق
اعلن هلاليتي واماريبه على روس الطوال=من قمة الضلع المويق لقمة الضلع المويق
مع احترامي للجميع من الجنوب الى الشمال=يبقى زعيم الانديه والمجد والصيت العريق
ماكنه الا ابداعي بقصيدتي اصعب سؤال=من بحرها لأفكارها لأحساسها العذب الرقيق
سؤال لايمكن يحلونه ولو طال المطال=لو يحذفون اجابتين ويستعينون بصديق
كن المحال يمر موسم فيه ماحقق محال=وهذا هو اللي صعب نرضابه وفينا مايليق
يا ليلة الجمعه تغيرتي على كل الليال=فيك السعاده مرت وتاهت وظل بهالطريق
بين الضياع وصدمة الموقف وحسره وانفعال=وصدرأ يضيق به الزفير اليا تقفاه الشهيق
اغتليت الفرحه عبث باللخبطه والاختلال=كنها المحيط اليا انتحر موجه على جال المضيق
ومن قال وشلون والا كيف صار الاغتيال=اقول له وانا ابتسم من شدة الحزن العميق
جانا باكيتا من فشل ابوظبي والمونديال=واللي محطم منتخب سهله عليه يحطم له فريق
وانا قسم بالله مافيني على الصبر احتمال=بارد على عد الاماني وارتوي وابل ريق
ياودي اتجرد من الواقع واسافر للخيال=وياودي اغفى خمسه وعسرين عام وثم افيق
ويصير ذاك اليوم لامن فقت رئيس الهلال=راشد بن عبدالعزيز المجد والفعل الطليق
وانا اشهد ان لامن ترأس مجلسه نسل الرجال=صار الهلال بوقتها فريق عن مية فريق

راشد هو ابن السامر

اتمنى ان تنال اعجابكم