توكل على الله واضرب الخط عرض وطول ...

[(هاوي قصيد)]

مسا الخير

مشاركه متواضعه , راجي ان تنال على اعجابكم ,,,

توكل على الله واضرب الخط عرض وطول = على موترٍ ماهوب يحتاج تمرينه

من المانيه ماهوب من وارد المنغول = تميز بدقة تقنياته وتدشينه

صنع في وكالة بنز ومورد ومكفول = على الدرج الايمن تاجد اكروت تامينه

علامه من العصر الحدث مثلما ابو الهول = بقا رمز للعصر القديم وتفانينه

عليه الله اكبر ويش اوصف وويش اقول = من إيساره إيساره , من إيمينه إيمينه؟

الا يانديبي شيك الزيت والبترول = وحول على دار الغضي وانشده وينه؟

انا مرسلك وانت الذي رحت يامرسول = مراسيل قلبٍ ياوجوده ويا سينه

عطه ماجرى للعين والخافق المشغول = قبل عام الفينه , بعد عام تسعينه!

وقله تراه التايه المخطي المسؤول = وصله الكتاب اللي وضح من عناوينه

على كل قافٍ اكتبه للفراق اوصول = تركز على ركبه ويومي بيدينه؟

انا سرت في حبه على السايد المجهول = ومرٍ على عسره ومرٍ على لينه

مدام ان غرامه باقي وساري المفعول = فلا اصك من رمشه ولا اصك من عينه؟

يبين مع الايام للمترف المجمول = عذاب المهاجر يوم خلا بلادينه

وسلامتكم

[سعد بن سريّع]

يـــــا ســـــــــلام عليــــــك وللــــــــه درك ..
جـــــــزل الى ابعــــد الحــــدود قســـــم باللــــه
القصيـــده ذي في غيـــــبة ٍ منـــــي ..


دمت في تجدد وابداع ..

الغناوي

[(هاوي قصيد)]

الغناوي ,,,

مرحبا ومسهلا , وتسلم طال عمرك على الاطراء الطيب

لاهنت على المرور الكريم

[المـــرقاب]

الهاجري


صح السانك مدد يالطيب ولاهنت على هذه الفاتنه






المـــــــــــــــــــــــــرقاب

[سند]

صح اللسانك

ولي عوده

[الدالوب]

صح السانك
علي البيوت الطيبه
الله لا يهينك
وبالتوفيق

[مناحي الصميل]

الهاجري

حيّه وحي ما جاب





صح الله لسانك يا ذيبان على ذا الجزله



اخيك

[فهيد بن عصيدان]

الهاجري

انت شاعر جزل

صح لسانك ولاهنت

[ناصر البرغش]

الهاجري


صح الله لسانك



جزل ومبدع


وشهادتي فيك مجروحه


تحياتي لشخصك الكريم

[سلطااان العتيبى]

الهاجري




صح لسانك لاهنت





تقبل مروري