دعوه للجميع اطلب قصيده ونحن نجلبها لك(2).

[موكب]

اخي الكريم bander al_ajmi

إليك طلبك واسمح لي لأني لم استطع ان اجدها كامله سوأ في النت أو في الصوتيات

لشاش راسي وابيض الشيب لاشاش=ولاصار شقمانه على الخط نغمات
وكن الصدا منه تقاطيع رشاش=وكن يقول اقضب طريق الجوازات
معذوريا قل يا خفوق تمناش=سبت خشيف سيد البنيات
مادام مسياري هوى دواي ودواش=والله لا اهد الجمس روحه وجيات
جيتش اسوق الرجل والعرض يفداش= دامك تمنني ريقش العذب مزات
لا كبروا ربعش وسادوات وفراش= والليل سترن للخطا والخطيات
جيتش اسوق الرجل والعرض يفداش=ماهمني يابنت اكبر عمامات
ربعي سلالة يام ماهم بدنواش=ربعن على يمناي لا قلت فزعات
والله لولا الجيش ورزقي وأبعتاش= ولولا محاتى عجيزي طول غيبات

تقبل تحيتي وتقديري لشخصك الكريم

[موكب]

اخي الجلمود

إليك ما طلبت واتمنى ان تحوز على رضاك

دخاني ماهوب دخان الزقاره=ياهجوس الشاعر اللي ما يحايد
من يباس الشعر ولا من خضاره=أستثير العاطفة والجو هايد
يا أبو حمدان المكارم والنعاره=وأبو راشد وأبوأحمد وأبو مايد
سيدي والشعر ذا من مداره=الفريدة والبديعات الفرايد
ياطويل العمر ما عندك عماره!!=كنها ضلعٍٍ من الضلعان نايد
والله العظيم مابيها إعارة !=ولا عطية وأنت تعطي ولك عوايد
بس أبشرف على راس المنارة=ثم أصيح بعالي الصوت المحايد
كم سجينٍٍ ضايق الوقت استثاره=يوم جاك أبوه بالعلم الوكايد
اعتزيت ولأن في قلبك حراره=وانتخيت ولأن في صدرك وقايد
قلت روحوأ لأمه وسوقوا البشارة=لا يحول دمعها وانا ابو مايد
جبتها وعلي الطلاق انه خساره=من قضى عمره كذا والعمر بايد
كل (جزء) من الثواني لك حضاره=لأن جدانك وسيعين البنايد
وكل (دقيقة) لك يصلون استخارة=الأرامل والفقراء الدهايد
وكل( ساعه) لك من العالم عبارة=ماتقول الا عسى عمرك مدايد
وكل (يوم) وخطوتك على الصدارة=الزمن ينقص لكن طاريك زايد
وكل (أسبوعٍٍ )لك لعندي مشاره=ياسنايد واحدن ماله سنايد
وكل (شهر) العز في ايدينك قراره=لين حققت الريادة وانت رايد
وكل( عام) ترد للمجد اعتباره=بوقوفك في الثقيلات الشدايد
وكل( صبح) يعانق ايدينك نهاره=ترقصه شمسك بطاريه الورايد
وكل (ظهر) الشعب دارك مثل داره=الكرم من كفك يصف الموايد
وكل (عصر) الرياح والغصن وثماره=تعزف الفزعات وتغني يا كايد
وكل (مغرب) من سنامه لا فقاره=الفخر يبرك على رجل وعلايد
وكل ما مر (العشاء) ضوء الإناره=قال يكفيني سناء وجهك يا رايد
وكل(بيت) وكل (شارع) كل (حارة)=كل (كوبري) كل( لفٌٌة) كل (سايد)
كل (رجالن) على العلياء مساره=كل (بنتٍٍ) عندها يدها القلايد
وكل (راسٍٍ) ينحني لأجلك وقاره=وكل (عينٍ) تشتهي شوفك ودايد
وكل (شخصٍ) بكل مكتب من إداره=و(العساكر) من مجند لين رايد
كلها ثم كلها تارة وتارة=أمدحك وتقول لي وش لك تزايد
خذني من البدي عندك في الغماره=واصنع الثورة بعذبات النشايد
واعتبرني أي شي إلا الحقارة=استغفر الله واتوب من المكايد
ويش أبي في شيخ تنقصه النعارة=تجربته من السلاح إلى الوسايد
وأنت منت بشيخ الشيخ إستعاره=أنت راس المجد والباقي زوايد
وشاعرٍ ماهو يسوي له إداره=لاوقف على منصات القصايد
ودك إنه يدعمه عند الإشاره=سقسوين من الموديلات الجدايد
أنت (غيثٍ) لا همل يسقي الزباره=يحيي اليابس وغصون الجرايد
وأنت (سيفٍ) سطر الوقت استطاره=ضربته تثني قويات الحدايد
وأنت (صقرٍ) ما صقروه أهل الصقارة=من خلقه الله وهو ياشيخ صايد
وأنت (ذيبٍ) لا عوى في راس قاره=يرعب اللي نارهم دايم رمايد
وأنت دولة ثم حكومة ثم وزارة=ثم قايد وابن قايد وأخ قايد
والعرب في هالزمن تحتاج إنارة=كيف تجوي بالنسل ويصير جايد
والنتيجة كثروا شيوخ التجارة=ماحصل لشعبوهم منهم فوايد
ولا عصر جدودنا يفقر اطاره=تناكح وتكاثر وتزايد
وتعصر الكثرة وتفرز هالعصارة=واحدن لكن يسوى له بدايد
مثل من ؟ هذي ما تحتاج استشاره=مثل ابوك اللي يوقف عليه يامايد

تقبل تحيتي وتقديري لروحك العطره

[فلاح بن ملبز]

ارحب يا موكب

وبيض الله وجهك

ولاهنت

[موكب]

ابقاك الله يافلاح

ووجهك ابيض طال عمرك

حق واجب يالامير

[bander al_ajmi]

الله لا يهينك يا موكب وماقصرت
والله صارلي اكثر من سنتين وزود بعد وانا ادورها
بس ماقصرت وبيض الله وجهك
مافي حل الا اروح للشاعر نفسه
ومشكورين على الفكره الرائعه

[موكب]

ولا يشينك اخي الكريم bander al_ajmi

واسمح لي كان ودي البي طلبك ولكن الجود من الموجود

والعفو وحياك الله يالغالي

تقبل تحيتي وتقديري لشخصك الكريم

[althani]

افا محد حصل اللي بغيته الصفحه الخامسه طلبي..
لاكن بذكركم انا..لول ساعدوني

[فهيد بن سالم]

المشاركة الأصلية كتبت بواسطة althani

افا محد حصل اللي بغيته الصفحه الخامسه طلبي..
لاكن بذكركم انا..لول ساعدوني

althani إظاهر محد عينها أنت طلبت وهم ماعينوها وهم معذورين ولكن أنا دورت على الشطر بقوقل وهذا الرابط :
http://www.thbthbat.com/vb/showthread.php?t=3919

وإنشاء الله هي,,, وترى الشطر لشاعر والأمير / خالد الفيصل ,, ولاني متأكد وسامحنا على القصور

,.,., البشـر,.,.,

[موكب]

اخي الكريم البشر

بيض الله وجهك وعساك على القوه يالغالي

ولكن للأسف حصلت قبلك هذه القصيده ولكن ليست هي المطلوبه

وإن شأ الله نبلي طلبك اختي العزيزه althani

دمتم بـــود

[فهيد بن سالم]

المشاركة الأصلية كتبت بواسطة موكب

اخي الكريم البشر

بيض الله وجهك وعساك على القوه يالغالي

ولكن للأسف حصلت قبلك هذه القصيده ولكن ليست هي المطلوبه

وإن شأ الله نبلي طلبك اختي العزيزه althani

دمتم بـــود

ووجهك أبيض ,, والله يسلمك ,, وكلنا واحد سواء أنا عينتها أو أنت