الـنـاس عـابـت زمــان ٍ غـيَّـر اطـبـاعـه
مــا تــدري إن المعـابـه فـعــل امانـيـهـا
احـدن يكيـل الحسـد مـا يكتـرث صـاعـه
مـا يبغـي الا حضـوض النفـس يرضيهـا
واحدن على حزن غيره يضرب اصباعه
والـنـار مــا تـحـرق إلا رجــل واطـيـهـا
واحدن شرى كنـز فانـي يطلـب اشباعـه
مــا يــدري إن القنـاعـه كـنـز شـاريـهـا
واحدن يهجر القرابه فـي غضـب ساعـه
حـتـى الحسـايـف يجـنِّـب ذكــر طاريـهـا
واحـدن يـدوس الصداقـه والـوفـا بـاعـه
مــا يـركـب إلا ذلـــول الـصــدِّ راعـيـهـا
واحــدن يهـاجـر ديــاره يبـغـي امتـاعـه
نفـسـه دنـيّــه يـبــي يـشـبـع مشاهـيـهـا
واحـدن يجـنِّـب دروب الـدِّيـن واتبـاعـه
يتـبـع طـرايـق دخيـلـه خـــاب ماشـيـهـا
ياكيـف نبغـي حـلـول الـوقـت واسنـاعـه
وهـذي مماشـي عـبـاد ٍ صــوب باريـهـا
ياكيـف نبغـي غـيـوم الغـيـث وارجـاعـه
وقـلـوبـنـا عـايـفــه غــيــث ٍ بـيـاديـهــا
وشلـون نبـغـي نـحـلَّ الفـقـر واوجـاعـه
وحـنــا نـمـانـع زكـــاة الـمــال جـابـيـهـا
وشلـون تامـن هنـوف السـتـر واقنـاعـه
فــي غـابـة ٍ صــار حامـيـهـا حرامـيـهـا
هــذا زمــان ٍ عجـيـب ٍ تلـهـث اسبـاعـه
مـا همَّهـا غـيـر كـسـب ٍ فــي مساعيـهـا
المجتـمـع فــي سفيـنـة حـلـم واشـراعـه
صــدق وأمــان وتفـانـي فـــي مبـاديـهـا
كانـك تعيـب الـزمـن والـهـمِّ واصـراعـه
حـنـا سـقــوم الـزمــن نـقــدر نـداويـهـا
حنـا قـصـور الأمــل والـنـور واشعـاعـه
نبـنـي سـعـادة شـعـوب ٍ غـــاب بانـيـهـا
نجبـر صـدوع الأمــل لا بـيَّـن اصـداعـه
ونشعـل فوانيـس عتْمـه ضـاع ساريـهـا
نِخْضِع بعزم القوي ما يصعـب اخضاعـه
وراعـي المهـونـه دروبــه مــا نداريـهـا
يـلِّـي تعـيـب الـزمـن لا غـيَّــر اطـبـاعـه
حـنـا عـيــوب الـزمــن نـهــدم مبانـيـهـا
ياسلام ابداع وجزاله وتمكن
صح لسانك يامحمد بعدد جمال هذا النص
12-12-2010, 11:19 PM
العرض العادي
