جيب الفناجيل تكفى وقـرب التمـره
هاجس خيالي عشق هاوي وطرباني.
اليوم جلسـه نغـم بسامـر القمـره
أنا وهيـا سـوا عاشـق وولهانـي.
البذره إللي إرتوت ثم(ن)غدت ثمـره
تسلب مجامع خفوقي زيـن ربانـي.
هي إختلاف الكواكب زينـه وشـره
ماتقبل الطرح والقسمه علـى ثانـي.
أزين ملوك الثرى عنق المها عطـره
عفت بنات الخلايق سيـد وجدانـي.
ماتمهلك نظرت(ن)تشفع إلـى بكـره
زود(ن)على حسنها سطوه وسلطاني.
ماينعرف بحرها مده علـى جـزره
تسبي فؤادي غصب ظلم(ن)وبهتاني.
هي أجمل من القمر إلا إكتمل بـدره
هي أقسى من الصخر يابس ولالاني.
هي أقرب من الثريا لكوكب الزهـره
هي أبعد من الظلوع أقرب لأجفانـي.
هي إختلاف النصيحه لك مع العبـره
أبعد من النجم لي أقـرب لاوطانـي.
تسقيك ماهـا غـرام وتبعـد الجـره
تسقيك منها عطش ظامي ورويانـي.
أسهل من الظمه وأصعب من الكسـره
تبكيك فن وطرب بأروع الألحانـي.
لاقلت لانت تصير أقسى من الحسـره
تعطيك منها بخل وتزيـد الأثمانـي.
هي أغنى من بالخلايق يدفنـك فقـره
خوانت(ن)بس هي لي سيـد خلانـي.
دكتورت(ن)بس علمها على الفطـره
أمية(ن)فكرها فـي ثـوب علمانـي.
ضعيفت(ن)لابغت ولابغـت جسـره
هي الغرام الوفـي شفتـه ولاجانـي.
هي بيضه الوجه بس أقرب إلا السمره
طويلـةٍ قصرهـا مامثلـه إنسانـي.
طويله الشعر لاشفتـه علـى قصـره
كنه ظلام الليالـي سـود الأزمانـي.
هي الكلام الجميل الا إكتمـل سطـره
تحيك منها غزل ميـت ولا أحيانـي.
الحاضر المهتوي أقـرب إلا الذكـره
الماضي المنصرم مستقبـل أعيانـي.
تجيك نسمه عطـر تسابـق المهـره
تجيك جور الزمان بواقـع أمزانـي.
وإن جعت أبشر بها بمناصف الكسره
وإلا إشبعت نمت ليلك منه جوعانـي.
ياليل ليل المسامر لـي مـع القمـره
ألهب خفوقي سببها تعبـت أيمانـي.
دوك الفناجيل خذها لك مـع التمـره
ياحسبي الله عليها ضـاق شيطانـي.
قصيده روووووعه لشااعر اروع اتمنى له التوفيق
وصح لساانه
وسلمت يمنااك يا الجامحه على النقل الطيب والاختيار المميز والرائع
تقبلي تحياااتي 
21-12-2006, 01:49 PM
العرض العادي
