وش يتفعك من حنين القلب وخلاجه وجروحه اسبابها انت ولا تعالجها

[شقران السبيعي]

يا نور ياللي لا أظلم الليل لـه فلـق
مع طلّتك حلـك الدجـا تطردينـه
إمن الوناسه بعدكم خاطـري غلـق
والفكـر دايـم يالغـلا تشغليـنـه

[شقران السبيعي]

كل ما فكرت في وقت الرحيل
قلت اباصبر علّها باكر تزين

[شقران السبيعي]

بعض العرب يفرض عليك احترامه
حتى ولـو ما قـد تعاملـت ويـاه
في مظهره في سيرته في كلامـه
ودّك ليا شفته على طول تنصـاه

[شقران السبيعي]

يوم التفت وشفت ما غايب الا انت
ضاق الوجود وكل همّ ٍ غزاني

[شقران السبيعي]

الصديق اللي معه تحلى الصداقه
غيّر اطباعه بلا ذنب وخطيّـه
الله اكبر عقب هذيـك العلاقـه
عقب ما كنا سوى صبح وعشيّـه
دارت الايام واعثـت فالرفاقـه
لين كل ٍ صـار ما يذكـر خويّـه
ودي ارسله مع الاشواق باقـه
خمس ورداة ٍ حمر في مزهريّـه
لنّـي اوده ولا ودي فـراقـه
قمت افتش في ملفات القضيّـه

[شقران السبيعي]

الغايب اللي راح ما قال دعواه
كذا بدون اسباب ما قال لي ليه
يجرفني احساس الوله وآتمناه
وادوّره بين الغياب ومساريه
ولا لقيت الا اثر مشية خطاه
باقفاية ٍ مدري على وين تنويه
وشلون ابقوى غيبته واتناساه
وطيفه مقيـّد ناظري من عراويه

[شقران السبيعي]

ما دام حلو النوم للعين ما ناش
وبنات فكري كثرنّ المطاريش
سر يا قلم وإكتب ولو خاطري ماش
وعروق قلبي ضاميات ومعاطيش
من سبّة اللي شفته وخاطري طاش
خشف ٍ صغير ٍ توّه بحزة الطيش
من صادفه ما ظنتي يسلم إن عاش
ما من سلامه من وساع ٍ مراييش

[شقران السبيعي]

يا مل قلـب ٍممتلـي نصفـه همـوم
والنصف الآخـر بـه جـروح ٍ تتلّـه
ويا مـل عيـن ٍ كل مـا تبغـي النـوم
جاهـا بلاهـا عافـت النـوم كلّـه
يطري عليها وقت به صارت علـوم
مـع صاحـب ٍياجعلنـي فـدوة ٍ لـّه
ماله وصيف ومـن تحـداه مهـزوم
وكم عاشق ٍ قبلي تعب ما وصـل لّـه

[شقران السبيعي]

صبرت وطال صبري والموده تذبـح الرجـال
ولا حصلت مع زود العنى شفّـي ومقصـودي

[شقران السبيعي]

تنشد عن علومي وانا منك منصاب
لولا الحيا باقول لولاك ما جيت
الله بلاني فيك يا سيد الاحباب
وان جيت عندك يالغضي ما تحاكيت
اثر المحبه تنسف قلوب الاشناب
وأنا بحبك والله أني تبليت