!! .. واحـــــــات صمـــــت اليتـــــامــا .. !!

[صمــت اليتــاما]

,

هذا الغياب اللي خذانا على وين=كل ٍ مع الايام عاش بـ( سكاته )
نزعل ونتضايق ونبعـد وبعديـن؟=كل ٍ يدور له عـذر فـي حياتـه
لو صاحبك عن دنيتك غاب يومين=ومنك ولا حتى المراسيـل جاتـه
عادي اذا طال الجفا فوق شهرين=( يمكن يموت ومادريت بوفاتـه )

,

[صمــت اليتــاما]

,

ياهيه حنا بالاشاره يكفـــــــــي=ونشوم شوم الي يضفه جناحه

ماحن من الي يطردون المقفي= مامن ورى طرد المقفي رباحه

والى غدى شفه على غير شفي=حطيت من بيني وبينه مساحه

لودمع عيني جاري مايجفـــي=من لايبي لاماي فرقاه راحـــــه

,

[صمــت اليتــاما]

,,



أبطلبـك ... حاجـه وأمانـه .. اذا لـي،،
معزهـ / وخاطـر / وحشمـه / وتقديـر ،،


تكفى بـ... غلاة أمك .. اذا كنـت غالـي
لا جيت في بالك ( تذكّرني بخيـر ) ...!!!



,,

[صمــت اليتــاما]

,,

طوَّل غيابك يابعد كل من غـاب=ضيَّقت كل الكون من عقب وِسعِه
في غيبتِك صدري من الهمّ شبّاب=كنّك نفضت القلب بعيـار تسعـه

,,

[صمــت اليتــاما]

,

البارحه ضاق صدري واتحرى لـك=وانته مع الناس ما تدري عن احوالي

,

[صمــت اليتــاما]

,

صحيـح بعض السوالف مالها داعـي=ياليت ، مـن قال له كلمه !! يثمنهـا ،

تدري وش اسباب ضيقي واغلب اوجاعي=وْجيه ماتستحي .. وانا استحي منها !

,

[صمــت اليتــاما]

,

أنت ما نِلحقك شرهه يا أبو خوّت إسبوع=وخابرين إن ما ورا عِرف شرواك إثمره
الرخامه عدّة أنواع .. مير أخسّ نوع=واحدن يخسر خويّه لأجل يكسب مره

,

[حـــوران]

المشاركة الأصلية كتبت بواسطة صمــت اليتــاما

,

أنت ما نِلحقك شرهه يا أبو خوّت إسبوع=وخابرين إن ما ورا عِرف شرواك إثمره
الرخامه عدّة أنواع .. مير أخسّ نوع=واحدن يخسر خويّه لأجل يكسب مره

,

انشهد انه صادق

وانشهد إن هالمتصفح ماصام من الجزاله

[صمــت اليتــاما]

,

وين أنت .؟ يا أمحلّي أيامي \ عن أيامي=تركتني في يدين الشوق والغيره
علّقت في قربك أحلامي .. لو أحلامي=ماهيب واجد ولا صعبه ولا غيره
في غيبتك ماتت الآمال قدّامي=ولا أرّثت غير حزن وضيقه وحيره

,

[صمــت اليتــاما]

,

لا تنبش الجرح فيني ما يكفّيني=والصبر دلّه على جمر الهوى فاحت
ولا عاد ترجع ترا وصلك يعنّيني=خلّك على غيبتك .. وأيامنا راحت
وإن قلت وشفيك ما يحتاج وشفيني=عوّدت نفسي على فرقاك وأرتاحت

,