|•♥•| يا أحلامنا خفي شوي // أخاف نعاف واقعنا |•♥•|

[تـذكـار]

لمن اراد وبحث عن الحب الحقيقي لاتتعنى فـ لقد وجدت معنى ذلك الحب من بعد قرائتي لهذه السطور البسيطه لكن العظيمه بمحتواها هذه اقتباسات من كلام الشيخ الفاضل : عائض القرني ..

" نحن بحاجة إلى مدد من المحبة لأننا نعيش نقصاً في هذا الجانب العاطفي , والمشكلة أن المحبة لا تصنع كما يصنع الصابون , ولا تستورد كما يستوردُ المانجو , لكنها هبة ربانية ينبغي أن نسأل الله أن يهدينا إياها .
كثير منا يعيش بلا حب ويتعامل مع الآخرين بلا حب , ويسكن مع أهله بلا حب , ويسافر مع أصحابه بلا حب , ويدرس طلاَبهُ بلا حب , ويجتمع بموظفيه بلا حب , فقط هناك مصالح مشتركة ( ارم لي وأقطع لك ).
وهناك مجاملات وبهرج من القول وطلاء من العواطف , وأما الحب العميق فغير موجود .
دعونا نزرع الحب في قلوبنا , ونحب المسؤول ويحبنا , يحب الطالب أستاذه والأستاذ الطالب , ندخل المحبة بين الزوج و الزوجة والجندي والقائد والابن والأبِ والبنت والأم , حينها سوف نؤدي عملنا بإتقان وننجز مهمتنا بنجاح , وسوف تعلو البسمة وجوهنا وتقطر بالرحمة قلوبنا وتمطر بالعفو أرواحنا .
حينها سوف نكون خير أمة أخرجت للناس كما أراد الله ..


أجمل قطعة في الحب .. وأحسن جملة في الود .. هي قوله سبحانه : { يُحِبُّهُمْ وَيُحِبُّونَهُ }.
دعونا أولاً نحب الله بطاعته ليحبنا سبحانه و تعالي .. فإذا أحبنا الله .. فكل الذي فوق التراب تراب .


فليـتك تحـلـو والحـيـاة مـريـرة
............................... وليـتـك تـرضـى والأنـام غضـاب


مااجملها من سطور فـ لقد اهدت قلبي الى ذلك الحب الذي بحثت عنه بلاجدوى ..
فـ ليس من قال احبك ، يستطيع ان يحبك بما تعنيه الكلمه فقد تكون تخرج من
اللسان بلا مشاعر ولا احاسيس ..

[تـذكـار]

عز الله انه شاف مايكرهـ ذا القطوو <<

[تـذكـار]

مدخل

خير لفانا ولفاكم وشر تعدانا وتعداكم زور ابن الزرزور اللي عمره ماكذب ولاحلف زور
ذبح بقره وترس سبع جدور وخلى الشحوم واللحوم على الصواني تدور << ارحمينا ياحبابه

طبعاً القصه حصريه ماراح تلاقونها بالنت بكبره الا اذا بالمواقع الاجنبيه << ايه هين

نبدأ القصه :

في ظروف الحروب والغزوات القبليه في الماضي كانت بعض النساء يقعن بين نارين عندما تقع الحرب بين قبيلة اهلها وقبيلة زوجها وبطلة قصتنا هذه واحدة من اولئك النساء .

وعندما تقع الحرب تسنح الفرصة للحنشل سارقو الليل للتكسب من إبل الفريق المعادي وذات ليله بينما هذه المرأة نائمة قرب حماتها .. وزوجها في المرعى يحرس إبله جاء شقيقها متسللاً للسطو على قبيلة أنسبائه . ولكي لايكتشف احد امره ارسل الى شقيقته صوتاً يشبه عواء الذئب لتعرف بمجيئه وتدله على مكان الإبل وعجزت المرأة في العثور على طريقه لمجاوبة شقيقها بسبب حماتها القريبة منها فأخذت ترفع صوتها بالغناء لتسمع اخيها دون ان تشعر العجوز باالأمر فقالت :

ياذيب ياللي جر صوت عوى به
مدري طرب ولا من الجوع ياذيب

البوش عندك يم ( خشم اللهابه )
في فيضة السرداح والبل عوازيب

اي انها افهمته ان الابل في الموقع المذكور << قسم انها اعجبتني
وهنا ظنت أم زوجها ان الذي ارسل هذا الصوت هو عشيق لكنتها ولكنها ليست على يقين << اقول طيري ياذا العجوز انتي وتفكيرك الشين

فاالغزت العجوز لها بالقول :

حذراك من ذيب يعضك بنابه
ترى صواب الذيب مابه تطابيب

اي انها حذرتها من الانخداع للرجال المذؤوبين فعرفت المرأة مقصد العجوز واجابتها بجواب اسكتها :

وحياة جلاب المطر من سحابه
اني عفيفه مادخل عرضي العيب

انا كما عد قليل شرابه
ماتدهله بالقيض حرش العراقيب


كفووووو

مخرج

خلاص عاد خلصت القصه روحوا ناموا تصبحون على خير

[تـذكـار]

لو كل واحد يجي ودّه علـى ودّه
ماطال صبر العقيم لشوف مولوده !!

[تـذكـار]

لايـغـرك وقــتــي الحـالــي عــجــاج
مايــجــي بــعـد العـجــاج الا مــطــر


الـمـحـبــه يالـغـلا . . مـاهــي مــزاج
لاعــجـــزت انـك تـحـلــى بالصبــر


يـعنـي اصـبر/ والا / ياوسـع الفـجاج

وابو نايـف قـالهـا


{تـقــوى الهــجـر }

[تـذكـار]

غيـم و مطـر والخيـر فالجـو بــارق
ماهو بـ.. وقت فراق ..! سنع ظروفك ..!

خل المفـارق صـح ..! وقـت المفـارق
لا جاء عجاج .. تروح ما اقـدر اشوفـك

[تـذكـار]

مدخل

الشعيب كالسيف ان لم تقطعه قطعك

باك

سالفه طازه صارت من يومين كانوا جدي وجدتي رايحين يتمشون ويشوفون السيول والامطار
وقالوا بيمرون على الابل يشوفونها طبعا بطريقهم لمكان الابل لازم يمرون على شعيب المهم خافت جدتي انه يكون عميق الشعيب ومستوى المويه مرتفع فااقترحت على الشايب
تنزل تقيس مستوى الماء فوافق طبعا فخذت عصاها ونزلت من السياره تقولكم ماامداني اقفي الاعجة الشاص وطراخ في الماء الشايب ماعنده وقت قطع الشعيب وخلاها واضطرت تقطعه هي وعصاها من جهه ثانيه
قالتلنا السالفه اول مارجعوا واللي يضحك واللي مدري ايش فسالتها اختي الصغيره شسويتي يوم مرك جده : فكان ردها طر جيبي طراه بغا يدعسني اثاريه بعد من الحماس بغى يدعسها والممر ضيق

يالبى قلب جدي ماعنده وقت ومايقتنع براي احد بس لو قايل لها لا من الاول كان احسن ههه

مخرج
تقول جدتي والله ماعاد اخطي معه ولا اسير

[تـذكـار]

مدخل


هذي المشاركه برعاية الصفحه الاولى من كتاب الكيمياء المحترم

حياكم الله و اقلطوا لو مالكم حاجه
في ركني الشعر والاسلوب ماله شبيه

روحانيات .....! لمنهو تكدر مزاجه
ومن قراني فارقه همن يجيه

بلغ اللي يكتب بالطباشير احتجاجه
بلغه وافر سلامي والتميز منه وفيه

وبلغ اللي من رحل والجو ثاير عجاجه
انه اول من سكن قلبي ولاشخصن يليه

ايه اتفقنا معه بلاميعاد نتواجه
لكن يطول غيابه .. مااتفقنا عليه ...!



...................................


اقلطوا / ركن الاخ فلاح بن ملبز
روحانيات / ركن الاخ حوران
طباشير / ركن الاخ فهيد بن سالم
بلاميعاد / ركن الاخ احمد بن جوفان

مدري وش طرا علي ونسقت عليهم هالابيات اكيد تأثير التفاعلات الكيميائيه في المخيخ الشوكي

دعواتكم للمره الثانيه اختبر هالزفت

مخرج

لابوك يالشعر لابو القريحه
عزالله اني بجيب العيد من بكره

[تـذكـار]

مدخل

فرحت بشوفته ليتني مافرحت
في ثانيه تحولت فرحتي ضيق

فيني ضيقه ومتكدر الخاطر بقوه
يالله عسى تالي الضيق إفراج..

مدري علامي تو هالضيق توه
يالله طلبتك لاتطول باالإفراج ...

مخرج

مازلت متضايقه والضيقه الضيقه ..!
ومازلت ادعي عسى ربي يفرجها

[تـذكـار]

المشاركه اللي فوق من تأليفي لحد يظلم الشعار






ريّـح اللـي تعّبـه طـول النـوى
حسّسه بِ القـرب .. بعـد الغيـاب

غيبتك من جدْ .. ملعونة ثـوى ..!!
نوب أشوفك حلم .. ونوبات ٍ سرآب

لكن الله جابـك وصرنـا .. سـوآ
ضمّنـي يالعنبـو حـيّ العـتـآب

ضمني وإشـرح لمنهـو مآأنكـوى
.
ويش معنى آلضّم من بعد الغياب..؟؟