شيء ما

[صمت!]

.

وصبرت على كل ما جاني منك وسكت..كنت أظن أيامك بتقبل بك علي
وكنت أظن أن قلبك لا بد يحن وخذلتني أيامك وقبلها لياليك
وعرفت ان الوقت يطلبني مثل ما خليتني اليوم اخليك وأقتل كل شيء لك بصدري
بحرك أغرقني بطاريك تخيل ما خذيت منك غير طاريك !
وجيتك اليوم أقول لك يارفيقي بس ... ويكفي ..

.

[صمت!]

.

كنت غرقان فيك بطوعي ما هو غصب عني !

وما كان يطري علي للبعد طاري ..

كنت بقتلني فيك برضاي ... وشوري ..

وانت بس ... الله يهديك ..

اخرجتني منك ... وما كان القرار قراري ..

ويومي تنفست الهواء ...

مت ..!

لأنك انت كنت النفس والهوى لي ...



.

[صمت!]

.

لايكون التحليق للأسفل ..

سوى عندما يخذلنا الصديق

وتكسرنا الأماني ...

فنحلق للحزن ...


.

[صمت!]

.

تسأل عن اخباري !!!!

وليه تسأل ..

بخير أو ماني بخير .... وش الطاري ؟؟!!!

ياللي بيوم كنت إنت يومي وناسي ودياري ...

لا تسأل ... عني ... ولا عن أخباري ...

مافيني حيل يرجعني سؤالك ... وتهل لك أمطاري ...

وش ذكرك فيني ...؟

ولا تدري لا تجاوب ...

بس ارحل عني ....

ولا تذكر ...الماضي ...

نسيتك ..

وحبيت ثاني ... هذه هي اخباري ...


.

[صمت!]

.


وش الطاري ياقلبي ..!

علامك هالليله ما كنك مني ..

وش الطاري ..

حنيت له ..؟...!

وان كان حنيت ليه تبيح أسراري ؟

وش الطاري

على خبري تفارقنا من سنين

وخفت آلامك ... وقلت قلبي بخير ..

ماعاد ينبض له ويرفض اعذاري

ومشى الحال ... او اني كنت اظنه مشى

ما دريت أن الحال ... اقفى معه ...

وش الطاري ..

خفقتك اليوم صاحت فيني ... مشتاق ...

والبعد جفف أوراقي ...!!!

نرجع ....؟

لا ياقلبي .... ما نرجع

لا ياقلبي ...

لا ....

مانسيت ؟

كنت اظنك على افعاله وما جاك منه قسيت

وما ... دريت ...

والله ما دريت ...

انك باقي تحبه ....

بس ليتك صبرت حتى تشافيت ...

ليتك صبرت ..

موجعني ....اشوفك تنتظره

وما هقيت انك تنتظر جرحه .... من جديد

وش الطاري ياقلبي

خله .... حاول تخليه ...

ماسمعت من قال

من باعنا بعناه لو كان غالي ..!!!

يا كل الطواري عن قلبي ابعدي ...

ماعدنا ... مثل ما كنا ...

تعبت ياقلبي كل ليل في ذكراه ساري ...

انتهينا من زمان ...

لا تحاول اليوم .... تبتدينا ...

وان هبت رياح الحنين فيك ...

تعال واغفى ... على جرحي .... وآلامي ...

واترك عنك هالطاري ....
.

[صمت!]

.


أطراف أصابعي ... تسألني عنك

فقد اعتادت همس اصابعك لها !


.

[صمت!]

.


أحتج نوع الخط اللي اكتب فيه ماعاد فعال ....


أنا فعلا أحتج ...

.

[صمت!]

.


أنا لا أشعر بالاطمئنان لي عندما أحتاج أن أستمع لصوت واحساس أم كلثوم ....

هنا أكون في اللاأمان ....!


.

[صمت!]

.

تعب ... ألم ... ضياع ...

ملل .... اكتئاب ....

نظرتي يملؤها ... الاحتياج ...

نعم


أحتاج الى صديق ...


لكن من خارج هذا الكون


فلم يعد لي ثقة ... بمخلوقات الارض جميعها..


.

[صمت!]

.


وببتسم ...

حتى لو صدتني الايام ..

ببتسم ..

بيبقى عندي امل ..

بيوم ...

تزورني الضحكة ...

ويسكني ... الفرح ...

ماهو وهم ...

والى ذاك اليوم ... ببتسم ..

.