. . . . . . . . . . . . . . . . تذكرّته .. وياليتني .. ماتذكرّته !

[[ عسّاف خيل ]]

,




صباح الورد ..










يا نادل الحانـه ماجيتك لجل تروي لي ظماي ؟
جيتك : أتأمل بـ الغريب / اللي على بارك سكر


ذولا عيال ( أهل السمو ) , ذولا بنات الهاي هاي !
في ( دبلوماسيه وضيعه ) ! دون منطق ينذكر


أقبح عذر لـ المشكله ! لامن غدى منها , وجاي
وأبعد طموح ( أهل الأماني ) : حلم ؟ لكن محتكر ,


ومن أبشع ( أشباه الرجال ) اللي ان خذت تجحد عطاي
رجلٍ .. حسنته بـ المراجل ؟ إنــه : مسجّل ذكر !


ان كنت مذنب في وفاي ؟ الحمدالله يا وفاي
الاصايل تعود لـهلها .. والحرار إلها ( وكر ) ,


إن كان ! مالي ذكر ؟ عند اللي ماهوب يلحق جزاي
يكفيني .. اليا مت ! عند الطيبين ؟ ألقى ذكر


كثر التجارب .. علمتني : من علي ؟ ومن معاي !
والتجربه ( أم المواعظ ) , والعقل ( الابن البكر ) ,


أنماط الإستغفال .. في عقول البشر ؟ بذّت خفاي !
وسياسه ( الإيحاء ) ! أرقى من سياسه ( المكر ) ,


مدري متى الحق يقال ؟ الله يحسن لي ( عزاي ) !
حتى يتوب .. اللي يبي يصطاد في الماء العكر


ماهو ( خطأ ) ! إنك إتكلم دون أذن , ودون راي ؟
بس الخطأ .. لامن حكيت .. إبلا ( عقل ) ولا فكر


صحيح .. انا أخطيت ؟ لكن ما أستمريت بـ خطاي ؟
عرفت من غلطات غيري , كيف أفر ؟ وكيف أكر


( عزآآآه ) ماهقيت ! ان إعداي , بـ وجيه ( أصدقاي )
إلين .. ( ماجات الشدايد ) , يالله .. أسألك الشكر !


( أكبر دليل ) ؟ أني قدامهم ! وانهم .. ( وراي ) ,
وماني في عازة من شهد ! ولاني بـ حاجه من نِكر !


لوّ فيه ( أقسى من الدهر ) او فيه أتعس من سواي ؟
مافيـه : ( أعدل من عمر ) ! ولا ( أصدق من أبو بكر )


دام السحايب صافيـه ! والشمس تشرق من سِماي ؟
يبقى الأمل ( موجود ) ! رغم ؟ انه نسى , مايفتكر


الله لا يهين الطعون ! ان كانها : داي ؟ ودواي
منها قدرت : أفهم , وأميزّ , وأتعلم .. وأبتكر !


ليه أشتكي لـ الناس جرحي ! وأتشكّى من شقاي ؟
جرحٍ .. ماهو بيوجع سوى راعيـه ! وش له ينذكر ؟

[[ عسّاف خيل ]]

,







صبّح .. صبّح









لا تبرّر غلطتك .. ( وتصجّني ) !
ترتدي ثوب الصدوق ؟ وتشلحه ,


لوّ .. صحيح إنك خويّ , وتعزّني ؟
كان : مادقيت لـجل ( المصلحه ) !!!

[[ عسّاف خيل ]]

,






يتابع ( الكوره ) .. ولا يضيق ساعات
وإن جاء يصلي ربع ساعه ( تضايق ) ؟



في عينه الدنيا .. حياه / وملذّات ؟
ليته درى .. وش تنفعه ذا الدقايق !!

[[ عسّاف خيل ]]

,





صباح الخير










ما قد قهرني بعمري , غير ذا الجملتين
لا قلت : أحبّك .. وقال : تحبك العافيه


انا : أعدّه ( هواي ) و ( الأكسجين ) ؟
وهو : يعد الصداقه فـ الهوى .. كافيه !!

[[ عسّاف خيل ]]

,









قلبي ماهوب خبش لاشاف الحلا ( درعم ) ؟
ولا كل عذرا .. عجبني دافي ( حكاها ) !


كنت أستلذ الغلا ! وأشتاق ! .. وأستطعم
والحين : ما أشتاق , ماستطعم ولا أبغاها


اللي تخون الموّده , جعلها ( تدعم ) !
واللي تصون الموّده , قلبي فداها

[[ عسّاف خيل ]]

,





كانت تحبّه .. وتنسى الناس لا جاتـه
وتقول : ذا شاعري , جعلني فدا لـ حرفه


واليوم .. ( تزعل ) اذا أحدٍ ردّد أبياته
وإذا سألوها : لـمن ؟ .. تقول ما أعرفه

[[ عسّاف خيل ]]

,





ما عاد لي في ديره الحب ( أماكن )
ولا عاد أبي سهره حبيب , ولقاءات


صحيح عندي قلب وأحساس , لكن
( آخر همومي بالحياه .. العلاقات ) !!

[[ عسّاف خيل ]]

,






عيون , ومبسم , وطول عنق , وحلا زول
ماهو : كلام الناس ! .. شوفه ( عيوني )


( قوّامها ) من رزّته .. كنّه .. يقول :
إذا ؟ بغيتوا تتعبون .. ( إلحقوووني )





:d

[[ عسّاف خيل ]]

,









ماحصل لي من جهتها , صوت ولا صوره
ماحصل الا وداعاً .. مثل : ( حدّ الخنّجر )



بالجمال .. وبالكمال .. وبالحياء مشهوره !
إبدوّيه .. ماتعرف الشات , والماسنجّر

[[ عسّاف خيل ]]

,







وقفات الاصحاب في الدنيا هي اللي تدوم !
وما كل ( شربه لبن ) , تشبه شربه لبن



وما كل رجلٍ على الوقفات .. يجلي الهموم
الحيّ يحييك .. والميّت : يزيدك ( غبنْ ) !



ولا انت .. يفدونك : الرديان بعد الرخوم
اللي بعضهم عن الصملات ( ياكل تبن ) !!