. . . . شَامخَه شيخَة عَرب مِتعاليَة حسّاسَة ~

[سـمـآويـه]

طيفِج معي حَاضر بِ كل التعاليلْ
ودّي أصرفَه بَس ما فيه حيلَه

يِقِصْ أثَر شوقي لَو أروحْ لـ النيلْ
و أنا عروقي طيَّبَه مو بخيلَه

و كل ما لفاني و في يديني فناجيلْ
قهويتَه دموعْ العيُونْ العليلَه

غيبي و لجْ منّي أسَامِح و لا أشيلْ
حتّى غيابِج في حاجَة نبيلَه

طِفل الوفا بَ القَلبْ أدلّلـه تَدليلْ
ب صدّتي لا مرّت أيّة كحيلَة

نِصفْ الشّهر جيتي مَع البَدر بالليلْ
و حسيتْ فعيوني حَول يَ الجميلَة

منهو البَدر فيكُم تَعب ناظري حيلْ
إمّا إسبقي بليلة أو أخري بليلة

[سـمـآويـه]

لونَك صبَاح أفِز مَع صيحَة الدّيكْ
و لونَك مسَا شفني على طولْ سَاهركْ

صحيحْ غَايِبْ عنّي و موبْ لاقيكْ
لكنْ عَن عيوني ما غَابتْ نواظركْ

مِن شوقي بعيني أجيبِك و أودّيكْ
و أقولْ يَ ليتَه معك مِن جواهِركْ

على الأقَل خَاتَم تشوفَه بيدّيكْ
كِل ما تعضْ إمنْ التدلّع أظافِركْ

تَدري ب أنّي كِنت ما ودّي أغليكْ ؟
وشلونْ ما تِبكْ الفؤاد و تظافَركْ

جيتَه حَدا الأيّام ناوي أبَرميكْ
و أثريه مِن كيفَه حبيبي ينَاصركْ

ناداكْ شِريَانَه على شَان يَحميكْ
و لقَا وريدي في خَلايَاه حاكركْ

و تذابحوا كلٍ يقولْ أنا أغبّيكْ
.. .. .. .. .. ؟

[سـمـآويـه]

تضحك و شلاَّل الدلع منَّها يسيل
تشرق حلا وانا بـ لحظة غروبي

هذي الجميلة صدق من غير تجميل
يَ ليتها من دون هالناس صوبي



^^

[سـمـآويـه]

تغيبْ و تخلّي المولّع بينْ هجرانْ و لظا
و إنتْ الوَحيدْ اللي مَلَك قَلبَه و عاشْ بعالمَه

غيّرتْ فيه أشيَاء كانَتْ فيه مِن وَقتٍ مضَا
و أطبَاعَه اللي قَبل عِرفِك كلبيها والمَه

يرسملِك البَسمَه و خافي ما بصدرَه ما نضَا
حتّى و لو سيفْ الزّمن جَايِر عليهْ و ثَالمَه

يَدرى عليكْ مِن الزّعل ويموتْ في كَلمَه رضَا
يَشفق عليكْ مِن الهَوى يَ جِعل روحِك سَالمَه

هَذا أنا ؟ نَعَم أنا ، كوكبْ يعيشْ بلا فضَا
حبّك غرامَه فَ الحيَا و خوفْ فقدِكْ آلمَه

تغيبْ و ضلوعي تنَاثَر لِك شضَا شضَا شِضَا
ويلِك مِن الله كَان قَلبي مَا سواتِك ظَالمَه

مشيتْ دَربكْ و الهَوى بَاردْ و بي جَمرَة غضَا
أضمّها بكفي و أغنّي للعيُونْ الحالمَه

يَ حظّني بِك إيه لكن يومْ قَلبي بِك حظا
وشْ هي حيَاتَه دونْ ما تشوفَه و دونْ تسَالمَه

يَ غاويٍ مِغوي عيوني في جمالٍ و في عظَا
بيتٍ ربيت و عِشتْ فيه إستوحشَت سلالمَه

قَاسي و لا تَدري إش حَصَلْ و أهدابْ عَينَيْ إمرضَا
و حَمَد ما عادَه لك حمَد تغيَرت معالمَه

محدٍ سواكْ فـ غيبتَه آحسْ ب إهمالْ و فضَا
و محدٍ سواكْ ب عالمِي و أطمَح أعيشْ بعالمَكْ

صبَرتْ يَ لاهي و صَبري مِن جفَا صوتِكْ قضَا
و احرَقتْ قَلبي و السّببْ كلّه عشَان مكالمَه !

[سـمـآويـه]

الغلا يصعب على راع الغلا تحجيمه
انت ريح اللي بقى من واقعي واحلامي

علم عيونك تشوف ان للمشاعر قيمه
لا تسولف من وراي وتبتسم قدامي

[سـمـآويـه]

مشتاق جداً لوصلك والحقيقة
للشوق لون وطعم واحساس ثاني

اشتاق ( 90 ) مرّه ، بالدقيقة
شف بالدقيقة تعديت الثواني !

[سـمـآويـه]

يِشره عَلي عَقلي و يبكي ضميري
إليا ذكرت إنّي جرحتِك بلا أسبَابْ

تقول ليتْ الجَرحْ مِن شخص غيري
و أقول أنا هذا بلا أبوكْ يَ عقاب

[سـمـآويـه]

قالو لي إن زينش لحاله ، وجيتش
وعز الله إن زينش بـ زينش مكمّل

صدّي ، عشان أقدر أسولف فديتش
الزين ما يرحم و أنا ماااااتحمّل

[سـمـآويـه]

الكِبر في الانسان ذنب وسماجه
من جد اعاملهم على انهم مساكين

الناس ما تبغى من الناس حاجه
غير الجناب الزين والمنطق الزين

[سـمـآويـه]

أجاوب أصعب لـ أسئله لو توالت
و أضرب مثال لما أقوله و أشبّه

بس أعجز آجاوب عليها ، لا قالت :
تكفى وش أكثر شي فيني تحـبّه ؟!