اقتباس:
|
المشاركة الأصلية كتبت بواسطة حمود بن فطيس
السلام اللي بدابه راعـي القـول الرزيـن
مثل همالٍ على القلب المشقى من سحابـه
مرحبا بك يالسنافي عـد مـن رد الونيـن
كن قلبي عقب شوفك يعزف الحون الربابه
أقلط وعطني علومك واخذ منـي كلمتيـن
من خفوقٍ كل ماشافـك يتمتـم مرحبابـه
الاوله تمم صلاتك قبـل تطغـاك السنيـن
العمر فاني وخل اللي مضى وافهق حسابه
واترك اللي لا قسى وقتك عليكـم مايليـن
ثم خلاكم مثل حب الخرز وسـط العقابـه
الله الله فـي صبـيٍ عنـد سلـم الاوليـن
ماتردى للزمن حتـى تـردى عنـد بابـه
حافظٍ دينـه وسلمـه عنـد نـاسٍ طيبيـن
عارفٍ كل العلوم الطيبـه قبـل اتحدابـه
هو خويٍ للخوي سعد الخـوي يامسلميـن
دامح الزلـه ولا قـال الفلانـي ماحكابـه
وخلك اللي طامعٍ للطيب ياإبـن الغانميـن
المراجل دربها صعبٍ على اللي قد مشابه
سج رجلك في دروب الطيب واحذر للكمين
الزمن غدار لو زان الدهر واللي طرابـه
وصح قلبك يالسنافي مـن دروب الغافليـن
العزايم لا تهـاوت مالهـا غيـر الخرابـه
والرجل لامن بغى كلمة نعم في كل حيـن
يكسب الكلمة بفعله لا نشـا بـأول شبابـه
ثم يخلي راس ماله لاكتـب لـه بالجبيـن
الكرم والطيب والمعروف ودروب الذيابـه
قلتها يا محمـد المنعـور يـاذرب اليميـن
وقالها قلبٍ عليه الدهـر والسـلال صابـه
يابو فهيـد الليالـي مابهـا غيـر الدفيـن
والدفين الياظهر عود علـي وشـق نابـه
دارت الدنيا ودار الوقـت والحـق اليقيـن
ماعرفناله طريق الا مع دروب الصحابـه
من تمسك باليميـن أنااشهـد انـه باليميـن
ومن خذا اليسرى حياته عودت كنها نهابـه
هـذي أول قولتـي والثانيـه بالوالـديـن
مانسيت اللي لهم بالنفس مقـدار ومهابـه
مانسيت اللي يوصي الرب فيهم كل زيـن
يوم قال أخفض جناح الذل والرحمه حسابه
هـذي آيـه نزلـت لقلوبنـا حتـى تليـن
ومن بغى الجنه ينفـذ ماطلبـه الله وجابـه
خذ نصيحة واحدٍ قلبه مـن الدنيـا حزيـن
ماعرف للحزن مخرج ضحكة أيامه سرابه
داعيٍ ربـه يغفـر ذنـوب كـل التايبيـن
وأن يوم الاخره يجعل من إيمانـه زهابـه
|
حمود بن فطيس
ما فيك حيله
صح الله لسانك وجاد بيانك
سجل
اعجابي اللا محدوود
28-08-2007, 04:56 AM
العرض العادي
