روايتي الخطر القادم بقلمي احمد خالد الصياح العصيمي العتيبي

[‏وَتـے ـيــنْ]

المشاركة الأصلية كتبت بواسطة احمد العصيمي

السلام عليكم
اخوي عبدالله العريمان اشكرك
بس يا خوي انت تبيني انزللك كل يوم جزء
وانت الى الان ما قلتلي شرايك بالقصه ونقاط القوه والضعف

بنت يام
معاج حق بكل حرف كتيتيه
بس وانا اخوج.................ما عرفت رايج ولا جاوبتي على السؤال

ريم البوادي
الله علييييييييييج انتي الوحيده اللي جاوبتي على سؤالي
اشكرج

اخواني انا لما قلت اني ماني منزل اي جزء جديد لانه حتى انتوا (عبدالله وريم وساندي وبنت يام )
ردودكم تكون كالاتي
شكرا
القصه رائعه
لا تبطي علينا

تكفووووووووووون شراح استفيد بكلامكم لا تعزلون بس انا واقعي
انا ابي اعرف بكل جزء نقاط القوه ونقاط الظعف وهذا حق من حقوقي
شكرا

و عليكم السلام و الرحمة

صراحة وياك حق انه اغلب ردودنا اذا مو كلها تكون

شكرا
القصه رائعه
لا تبطي علينا << متفشلة

انا عن نفسي لو في اي سلبيات بالقصة راح اقولها لك واذا ما قلتها لك يعني القصة للحين تمام بالنسبة لي

طيب عشان ما تزعل عندي ملاحظة او ملاحظات بسيطة

الخط احسه كبير زيادة عن اللزوم يعني لو عادي يكون احسن

ولاحظت انه في بدليات بشكل خفيف بس اقدر امشيها لانني متعودة على البدليات

عجبني بالجزء السابق موقف طلال و تحرير وامهم بشاير يوم قرت قصيدة طلال عن المرأة الكويتية

صراحة تاثرت فيهم حيل لدرجة انه عيوني دمعت وتخيلتهم بدون اب وانهم مفتخرين فيه لانه ضحى بنفسه عشان الكويت الغالية

لكن غيابه شكل ثغر في حياتهم خاصة الاولاد محتاجينه و محتاجين وجوده وياهم يساعدهم و يعلمهم

وعجبني موقف امل واماني مع بعض وترابطهم ويا بعض كخوات اللي نفقدها الايام هذي

كرهت انوار امهم لانها مغرورة اهي وبنتها احلام يحبون الفلوس وعلى بالهم انها تسوي السعادة الحقيقية

عجبتني بعد تضحية ابوهم عشانهم و كفاحه بس عشان يسعدهم ويكونون عايشين مبسوطين و متهنين رغم ظروفهم الصبعة نظراً انه ما عندهم جنسية ..!


وبس ..

واي شي ثاني انا حاظرة

[بنــ ياااام ــت]

بنت يام
معاج حق بكل حرف كتيتيه
بس وانا اخوج.................ما عرفت رايج ولا جاوبتي على السؤال

اخواني انا لما قلت اني ماني منزل اي جزء جديد لانه حتى انتوا (عبدالله وريم وساندي وبنت يام )
ردودكم تكون كالاتي
شكرا
القصه رائعه
لا تبطي علينا

تكفووووووووووون شراح استفيد بكلامكم لا تعزلون بس انا واقعي
انا ابي اعرف بكل جزء نقاط القوه ونقاط الظعف وهذا حق من حقوقي
شكرا

اهاااا

انت تبي كذااا


ابشر في الاجزاء الجايه راح اسويلك تحليل كامل


وعن رايي بحقوق المرأة السياسيه

انضم لراي الشيخ نبيل العوضي بكل اقتناع

وسلاااامة الحاظرين

[احمد العصيمي]

ريم البوادي
بالنسبه للبدليات
....................انا الكيبورد مالي مخرف مرات اظغط عالحرف لكنه ما يكتبه يعني وجهي انتقادج للكيبورد خخخخخخ
وبالنسبه لرايي في القافيه

مثلما يقول تركي المريخي: فااااااااااااااااااالج البيرق

وبالنسبه الى
طلال وتحرير وامهم بشاير من موقفهم من القصيده
بصراحه معاج حق (انا بجيت وانا اكتب هالموقف)

وبالنسبه الى
ساره واماني ............انا امووووووووووت عليهم بس للاسف بما اني كاتب القصه فانا الوحيد اللي ادري شراح يصير فيهم لا حول ولا قوة الا بلله

بالنسبه الى
انوار واحلام
معاج حق وما معاج حق لانه لهم ظروفهم لا تنسين انه
انوار كانت متوهمه انها تحب عماد لكن مع السنين اكتشفت انها لا تحبه ولا شي واكتشفت انه العمر يمر بدون اي فايده
واحلام نفس الشي انا ذكرت انه احلام ما كانت جذيه لكن مع احتكاكها بالبنات (ال اي شي ) صارت احلامها فوق مستواها وهي اصلا اسمها ....احلام

بالنسبه الى الاخت بنت يام
اشكرج على كلامج

للحين الردود 2
والردين ال 2 ضد القرار اللي اقرته الحكومه الكويتيه (بمباركه امريكيه) بتصويت المراه وترشيحها
سبحان الله مع انهم ال 2 نساء لكن شتان ما بين عايشه الرشيد وريم البوادي وبنت يام
صج الوحده فيكم عن عشر
ريم وبنت يام الله يكملكم بعقلكم وانا حيل استانست انه صبايا مثلكم يمكن صغار في السن لكنكم كشفتوا الاعيب امريكا برافوا يا بنات الكويت

والله لو بس هالشي اللي اخذه من القصه اللي هو (انه ريم وبنت يام ازاحوا عن اعينهم الضباب) والله ثم والله انه شي ينحسب لي ما ينحسب ضدي


بس انا ما راح انزل الجزء الجديد الا اذا
العضوه الغاليه او اقدر اقول مفتاحي الانتخابي خخخخ ساندي بل اكتبت ردها
خصوصا انها ماشيه معانا من البدايه فحرام يطوفها شي

وانا بخاطري اني اسمع راي التماسيح اقصد الرجال لاني عرفت راي 2 من السحالي اقصد النساء

الزبده
انه الجزء الجديد راح يطول كثير كثير كثير كثير لعدة اسباب
1
انه الجزء اللي طاف فيه فكره مهمه انا ابي اثبتها بعقول القراء(لانها انا قايل في البدايه انه قصتي مو لقضاء وقت الفراغ الكبير)
2
نظرا لغياب ردود ساندي وعبدالله والجلمود
3
لانه ما ابي قصتي تمر مرور الكرام

اتمنى انه ما تتعاملون مع قصتي انها قصه لا
قصتي هي قضيه وهي خطر قادم قصتي مو لعب عيال قصتي فيها كلام ما بين الاسطر
السبب الاخير
انه ما جاني لحد الان الا ردين 2 بس
فهل معقول انزللكم الجزء الجديد وانا ما ردوا علي الا 2
طبعا لا والف الف الف الف لا

واوجه كلامي حق طيور الظلام اللي يقرون وينحاشون
تراكم بهالحركات تزعلون خواتكم ريم وبنت يام لانهم حيل حيل حيل متشوقين للتطورات لكنكم جذيه قاعدين تخربون عليهم
وانا في الحالتين ماني خسران شي لاني اذا استمر الوضع على ماهو عليه
راح ارسل القصه كامله حق بنت يام وريم البوادي عن طريق الرسائل الخاصه
اسف على الاطاله
اخوكم
احمد

[احمد العصيمي]

اقتراح الى
ريم وبنت يام وساندي
شرايكم ما ارسل مسج الى المشرف عبدالله العريمان وابلغه انه يحذف قصتي
وارسللكم القصه عن طريق الرسائل الخاصه لنكم تستاهلون الطيب كللللللله
ولانه بصراحه انا ذكرت من قبل انه انا حدييييييي مشغول وغير عن هذا انا عيوني تعبانه فانقهر لما اكتب واتعب وعيوني تعورني وفي الاخير ادش وما القى الا 3 ردود منكم انتم
فانا شخصيا من منطلق هل جزاء الاحسان الى الاحسان قاعد افكر جديا اني اسوي هالشي
ولا تلوموني لكن والله العظيم اكبر ظلم انه المشاهدات فوق ال 150 والردود من 3 عضوات شي يقهر يقهر يقهر يقهر يقهر يقهر يقهر
وبصراحه متررد على هالخطوه خصوصا اني اتوقع انه مع الايام فيه ناس راح ينظمون لكم ويردون لن والله العظيم طال انتظاري
لو تذكرون انا منزلها من متى ؟
من زمااااااااان ونزلت لحد الان 3 اجزاء

عموما اوجلكم دعوه الى
انكم تقرون قصتي السابقه وموجوده اصلا في هالقسم واسمها صراع مع النفس وصراع مع النفس اول قصه بحياتي اكتبها وهذي الثانيه فاتمنى انكم تقرون صراع مع النفس مو شرط الحين لاااااااا عادي حتى لو اجلتوها الى ما بعد نهاية الخطر القادم على راحتكم
شكرا (احس اني كثرت عليكم بالحجي بس والله العظيم من القهر اللي بقلبي )
ا ح م د خ ا ل د ا ل ع ص ي م ي ا ل ع ت ي ب ي
احمد خالد العصيمي العتيبي ...................................

[بنــ ياااام ــت]

يا هلا اخوي

استخير يا رجال


واذا مشغول حيل وكّل احد ينقل لنا القصه حرام مثل هالقصه ماتنتشر

وبالصراحه نطمع انها تكون بمنتدانا منتدى العجمان


والقرار بالاول والاخير لك

[احمد العصيمي]

ههههههههههههههههههه
السالفه مو سالفة اني مشغول
السالفه اني انزل الاجزاء ومو قاعد استفيد شي
السؤال اللي يطرح نفسه
انا ليش منزللكم القصه؟
عشان اعرف نقاط القوه واركز عليها وعشان اعرف نقاط الظعف واحاول اتغلب عليها
والى الان ما عرفت لا نقاط القوه ولا الظعف
طيب ليش انزللكم باجي الاجزاء دام اني مو قاعد استفيد ولا شي
وبصراحه الردود ما تحمس
يعني انا افضل اني احتفظ بالقصه لنفسي او
انزلها بمنتدى ثاني
مع اني قاعد احاول قد ما اقدر اني ااجل هالقرار واعطي الاعضاء اكبر فرصه لكن ماكو فايده
والله اني محتار حيييييييييييييييييل

[بنــ ياااام ــت]

مو شرط انت تستفيد اهم شي احنا نستفيد

[احمد العصيمي]

بنت يام
اسمحيلي ردج فيه كم كبير من الانانيه
وبناءا على ردج انا قررت قرار نهائي
اني ماني كاتب ولا حرف من القصه وبشوف شلون تستفيدين
وراح ارسلها عبر الرسائل الخاصه الى ساندي وريم وبس

اخر كلمه قبل ما اطلع واسجل خروجي
ترا الكاتب يحتاج الى المناقشه لانها تعنيله البانزين اللي يقدر يمشي باجي حياته فيه
وشكرا

[بنــ ياااام ــت]

اسلم وسلم


يانمدحك يا بتزعل


ماتشوف شر اخوي

[احمد العصيمي]

جنت على نفسها براقش