اليتيمه ..

[دلوعة الرياض]

تكفين

تكفين

تكفين


لاطولين يرحم والديش

حدي اندمجت

[الاجدع]

يبـــــــــــة اعتبــــــــروها مسلســــــــــــــــل مكسيكــــــــــــــــــى كـــــل يوم حلقــــــــــة "

[الجلمود]

والله اني طفشت

[الـ ـشـ ـقـ ـا ويـ ـه]

شفيكم الله يهديكم لحد يعصب

انا مااقدر اشبك جمعه وسبت عشان كذا تاخرت

والحين احاول ادخل الموقع اللي كنت اسرق منه القصه مايفتح معي <-صادوووووه هههههههه


ابشرو بسعدكم بس بنطر شوي يمكن يفتح معي

[‏وَتـے ـيــنْ]

خخخخخخخخخخ والله انكشفتي << حوبتها هي و الجلمود

بنت راكان لا تبطين علينا تكفين والله ما صارت قصة

[الجلمود]

ريم البوادي انا ماقلت ان دمهاثقيل خلصي لأعصب وتعرفيني لاعصبت شنواسوي

[الـ ـشـ ـقـ ـا ويـ ـه]

الله يهديكم بس طولو بالكم <-خقّت ههههههههههههههه

ابشرو بسعدكم واستلمو هالاجزاااء وماظن باقي واجد يعني قربنا عالنهايه السعيده



رجع تركي البيت وهو حده متنرفز من وصايف ونام وهو مقهور حده يدور بس
شي يخلي وصايف تنذل قدامه ...........؟؟؟

في البحر ..

وصايف.. ما تعبتوا خلونا نرجع
فارس.. على امرك كم وصايف عندي ...؟؟
وصايف.. وحده ..
فارس.. هااه انتي قلتيهاا ..؟
نايف. والله انا مستانس بجلس ألعب مالي شغل فيكم
فارس.. قم بس قم ..
نايف.. انشالله على امرك عمي ..

ويرجعون الشباب البيت .. وصايف على طول راحت لدارها وجلست تفكر بكلام
تركي هل هو صادق .. بس اهاني وجرحني .. مرات تعطف عليه ومرات تكرره
مشاعرهاا متظاربه ... وفارس راح يقرى له كتاب توه شاريه
ونايف .. على الكمبيوتر داخل شات ................؟؟

ضاق صدر وصايف وقررت انها تروح للمجلس وتشوف لها فلم ولا أي شي
راحت للمجلس ... واقعد قدام الفيديو تطلع الافلام الموجوده .. وشافت مسرحيه العيال كبرت
حطتها وقامت تطالعها وماتت ضحك عليها نامت وصايف على نص المسرحيه وهي ماتدري
عن نفسهاا ..؟.؟. والتلفزيون شغال ..؟.؟

طلع فارس من الغرفه وسمع صوت التلفزيون فراح للمجلس شاف وصايف نايمه
على الارض دون فراش ولا شي ومتلحفه بلفتهاا ..
فراح جاب لها بطانيه ولحفها وقام يتأمل شكلها وهي نايمه كان كل البراءه فيها ..
طف التلفزيون واللمبه عليها وسكر الباب وطلع .. وراح لغرفته نام .....؟؟


في الصباح ..... على الفطور ....
وصايف .. كانت تحظر الفطور مع رحيمه ...
ابو فارس.. ماشاء الله تسلم ايدك ياوصايف ...
وصايف.. تسلم ياعمي ..
ابو فارس.. امس انتو وينكم .. والعيال وينهم ..
وصايف.. فارس مشانا امس بالبحر والعيال راحت رحيمه تصحيهم ...؟.
نايف.. ويجلس على كرسيه .. ويطالع لوصايف ويغمز ..؟
وصايف.. مافهمت بالاول .. وبعدها .. ايه هههه
ابو فارس.. شبينكم ..
وصايف.. ولا شي ...
فارس.. ياربي ياحلو العطله أللحين دوام يؤؤؤؤؤ .. يبا ماتمدد العطله كمان .
ابو فارس.. لا يكثر .
تركي.. وهو نازل .. من الدرج .. ويدندن .. انا وخلي ..
ابو فارس.. يالله صباح خير ..؟
تركي.. افا الوالد معصب ..؟؟
ابو فارس.. وليش اعصب ...؟؟
تركي.. وكنه مايسمع ابوه .. فارس صب لي حليب ..
فارس.. لحد يكلمني عندي دوام شوي ..
تركي.. هههههههههههههههههههه مسكين ..
ابو فارس.. اشوفك مابدلت ملابسك منت رايح الشركه اليوم ..
تركي.. لا خذيت اجازه ..
ابو فارس.. من منو ؟؟
تركي. من الغالي ابوي ..
ابو فارس .. ومتى حصل هالكلام ..؟؟
تركي.. اللحين ..
وصايف.. عمي باخذ السايق اليوم وبروح السوق ابي لي كم غرض ..
ابو فارس.. اخذيه بس لازم احد يروح معك ..
وصايف.. نايف ؟؟
نايف.. اسف
وصايف.. واشتري لك اللي تبي ..
نايف.. sorry
وصايف.. كيفك ..
ابو فارس .. اجل انطري لين اجي من الشركه العصر اوديك .
وصايف.. خلاص عمي .. وقامت .. سفره دايمه ..
فارس.. وابوه .. عافيه ...؟؟

وجلست وصايف بالكنبه اللي جنب طاولة الطعام ..............؟؟؟
ولا تسمع صيحت تركي... ياااااااااااااااااااااااااااااااااااااااااااااااو صرصور..
نايف.. هههههههههههههههههههههههههههههههه
وصايف.. ههههههههههههههههههههههههههههههههههههههه
فارس.. ههههههههههههههههههههههههههههههههه
تركي.. يابن الايه انا اوريك هذي سوالفك نايفوه وربي ماخليها لك ..
نايف.. شنو بتسوي .
تركي.. تعرف شنو بسوي ...؟؟
نايف.. ويقوم يحب راسه ... لالالالا تكفه ..
تركي.. لالالالالالالا خل الحمار يتعلم ..؟
نايف.. التوبه .
تركي.. افكر ؟؟
فارس .. وابو فارس .. قاموا راحوا الدوام واما تركي طلع بالحديقه شابك باللاب توب
حقه .. وصايف ونايف .. يتهاوشون ومره يتصالحون ...؟

ولما زهق دخل .. تركي .. ولا يتصل التلفون ويرد عليه تركي ..؟؟

تركي.. نعم .
المتصله .. هذا بيت خالد الجاسر .
تركي.. أي نعم من بغيتي ..
المتصله.. وصايف عندك ..؟
تركي.. أي من اقولهاا .
المتصله.. صديقتهاا .

ويحط التلفون على الطاوله وقال .. نايف في ناس يبون اللي عندك ..
وصايف فهمت وراحت جلست وتكلمت .. اما تركي فجاه فضول بيعرف منو
هذي .................؟؟

وصايف.. مرحبا .
المتصله.. حي الله هالصوت .
وصايف.. الله يحيك .. من معي .....؟
المتصله.. نسيتيني امداك ..
وصايف.. العتب على الذاكره ..؟
المتصله .. ماني قايله اجل ..؟؟
وصايف.. منو شهد .
المتصله.. لالالا اغلى ..؟
وصايف.. اغلى من شهد منو غرام ..
المتصله.. اجل ماني بغاليه اقول اسمي لا سمع لي اهينات بعد ...؟؟
وصايف.. قولي حرقتي اعصابي تراك ..
المتصله.. انا اللي يهابني الزين ..
وصايف .. وتصرخ .. شعـــــــــــــــــــــــــــــــــــــــــــــفه هلا بالغاليه ..
شعفه.. ماني بغاليه خلاص انتهيناا ..
وصايف.. وتمسك التلفون وتروح للمجلس الثاني وتكلم شعفه .. بشري عن احوالك ..
شعفه.. راكان ؟؟
وصايف.. شفيه ..
شعفه.. وصوتها انبح .. ملك ..
وصايف.. لالالالالالا تقولين على منو لا يكون نوره .
شعفه.. لا لالالا على شعفه بنت مصلح ..
وصايف.. مبروووووووووووووووووووووووووووووووووووك يالشيخه
عقبالناا الف مبروك صبرتي ونلتي اللي تبينه
شعفه.. ويتعدل صوتها..الله يبارك فيس ...؟ الا قولي وشلون عمانك سولفي ...؟؟

وتسولف وصايف لشعفه عن كل اللي بالبيت وش صار وش ما صار وجلست وصايف
ساعه وهي تكلم شعفه ... وبعدهاا دخل عليهاا نايف ..يقولك تركي يبي التلفون بيشبك
وصايف.. اوكي.. شعفه سلميلي على البنات كلهم وقولي لهم واحشيني مووت ......؟؟
شعفه. يبلغ اجل مع السلامه ..
وصايف.. مع السلامممممه ....

وبعدها وصايف راحت جلست بغرفة نايف لان غرفتهاا قاعدين يشتغلون عليها
لمدة اسبوع ............؟؟

في الجانب الاخر وخصيصا بيت العم سعد ....؟

ام اصايل... سعد وش راح تسوي بموضوع وصايف اللي مدري من وين طلعتلنا ..؟؟
ابو اصايل.. والله جالس افكر لا يمكن يهدي لي بال الا لما اشوف لي صرفه بموضوعهاا ...؟؟
ام اصايل.. ياربي وان جلست وتفكر طول العمر تاخذ فلوسنا وحلالنا ولا تخليها تتمتع
بحلال خالد عمهاا .....؟؟
ابو اصايل. انا كل ما شفتهاا كنها جالسه على كبدي ودي اذبحهاا
ام اصايل. يارب تلحق ابوها ونفتك من شرهااا ..
ابو اصايل.. المشكله لا تزوجة واحد من عيال خالد عز الله رحنا فيهاا ..؟؟
ام اصايل .. شرايك نزوج اصايل لفارس وبكذا انتهينا من عقدة فارس ولا تركي
باين عليه ما يدانيها وامره هين بعد لزوجه بنت اختي عواطف اخت رفيقه اكيد شافها
بنت ايه من الجمال ..
ابو اصايل.. يعني حليتيهاا انتي وجهك ....؟؟؟
ام اصايل.. اجل ايش اسوي المهم انا بروح اسوي اكل لبناتي شتبي ..
ابو اصايل.. مابي شي بس اذلفي عني ....؟؟

ام اصايل .. هذي وحده مافيهاا أي مقومات الجمال كلش وفوق هذا سمينه مره
وزوجهاا صار مايحب يجلس عندهاا..و كل يوم مسافر لبنان او سوريا ... بحجت
البضاعه هناك سعرها رخيص ... وهي عادي عندها مادام السالفه فيها فلوس ...؟؟
وهي سبب تفرقت الاخوان ...لانها جلست تزن على راس سعد لين سرق الفلوس من اخوه
وبعدها صار سعد نفس طينتهاا يحب الفلوس حبا جما.. المهم نرجع لقصتنااا ............؟؟؟؟


راحت وصايف بعد مازهقت من الجلسه بغرفة نايف المرعبه على قولهاااا ............؟؟؟
تتمشى بالدور الثالث بالبيت وشافت اربع ابواب قدامها كانت كبار مره ...؟ جاها فضول
بتعرف شنو ورى الابواب ... راحت وفتحه الباب الاول ولا تشوف جناح ولا في الاحلام
كان عن جد روعه انبهرت حيل فيه ... وجلست تتمشى فيه وبعدهاا طلعت وراحت تتمشى
وفتحت الباب الثاني .. وشافت حديقه مغلقه عجيبه .... الورود والشجر والمسبح اللي فيهاا
ولون المسبح صاير وردي بسبة الورد اللي فيه غير ريحة العطر جنان استانست وصايف
وجلست على كرسي مطل على اسطبل خيل كان ورى البيت ...؟؟ وهي تفكر ...
لو ابوي عايش ويشوف الخير اللي اخوانه فيه والفقر اللي كنا حنا فيه .... وجلست
تفكر لو ان كل هالمكان لي وماعندي احد يتحكم فيني ... كان وناسه .. بس عمرها
مافكرت انها تطالب عمانها بحق ابوها بل على العكس راضيه بأمر الواقع .... المهم
تعيش عندهم لين ربي يرزقها بأبن الحلال ....,,,؟؟.

وبعدها لفت انتباهاا بيت صغير مو كبير بمستوى قصر عمها اصغر شوي ... عليه
بنتين يضحكون ويرشون على انفسهم ماي .. ضحكت وصايف لضحكهم .. وتمنت تتعرف
عليهم ......؟؟ وقفت وصايف مقابل السور وقامت تطالعهم .. وبعدها البنات ألتفتوا عليهاا..؟؟
وصايف. وتلوح بيدها لهم ...؟
هديل.. وتلوح بيدها وتناقز .. وفجأه ولا تزلق بسبة الماي الواجد اللي فيهاا ...؟؟
وصايف.. وتضحك عليها.. ههههههههههههههههههههههههههههههههههه
هديل.. وتسوي حركة هين .....
واختها منال .. تصيح نفسهاا .............؟؟

استمر حالة لقاء اسبوع فوق السطوح ....؟؟ بحذف ورقه فيها صخره على بعض ..؟
وتعرفوا على بعض وعرفوا سالفة وصايف لان خبرهم بيت جارهم ماعنده بنات...؟
وتواعدوا مره انهم يرحون يتمشون بحديقة اللي قريبه من حارتهم ..........؟؟

في الحديقه .. بنتين جالسات على فرشه ومعاهم مطارة شاهي ويفصفصون حب ...؟؟
قربت من عندهم وصايف ... وتوقعون شلون عرفتهم.. لانهم تواعدوا كلهم يلبسون
احمر مع برقع ............؟؟ بالهطريقه عرفتهم وصايف ..

وصايف .. السلام عليكم .....؟؟
هديل.. هلا وتروح تضم وصايف وش لونك بشري عن حالك ..؟؟
وصايف.. ماعلي ازقح ..؟
منال.. اول وشهي كلمة السر ..
وصايف.. لقاء الاحباء ..؟
منال.. صح .. وتحب وصايف ...........؟؟
جلسوا البنات مع بعض يسولفون ومستانسات حيل تعرفوا على بعض اكثر وحبوا وصايف
من قلب لانهم كسرت خاطرهم ...........؟؟؟
اما وصايف ففرحتها لا تقدر بثمن لانها تتعتبر هذي احسن شي صار لها بالدمام ...؟؟
وصايف.. أللحين عرفتوا كل شي عني بقى دوركم ....
هدبل.. الله يسلمك حنا خواتنا 9 بنات وماعندنا اخوان .. ابوي راح تزوج وحده ثانيه
وجاب منها ولدين توم ..
وصايف.. ماشاء الله كم اعمارهم ...؟؟
منال.. مايقارب ثلاث سنوات ....
هديل.. وابوي ماطلق امي مخليها على ذمته حاط لها بيت وسايق وخدامه وبالشهر
يترس بيتنا بالاكل والملابس مرتين غير المعاشات اللي يجي امي ........
وصايف.. انزين وليش ابوكم تركم .......
هديل.. امي رفضت ماتبي عليها مره .. فخلاها ابوي لا طلاق ولاشي وين يطلقها
وعندها 9 بنات ... اكبرنا متزوجه عمرها 24 وعندها ولد واصغرنا ام اربع سنوات ....؟
وصايف.. ماشاءالله اجل مبسوطين..
هديل.. امحق انبساط الا مندبله كبودنا لا سفر ولا شي بس جالسين بالدمام ولازم
تحرمين نفسك من شي عشان خواتك ......؟؟
منال.. مثلي دور المحرومه الا اكثر وحده تاخذ انتي ....؟؟
وصايف... ههههههههههههههههههههههه بنتي عل حقيقتك .......؟؟؟
هديل.. خليكي منها ذي ماتعرف شي ياما اثرت عليها بس ينكرون العشير ....
منال.. انا انكر العشير ..
هديل.. هص ولا كلمه ...وقامت يتضاربون هي وختها
وصايف... تعوذوا من ابليس ابليس بينكم ..
هديل.. ومنال ... انتي جالسه بينا يعني انتي بليس ..
وصايف.. انا ؟؟
الكل.. هههههههههههههههههههههههههههه بليس ...؟؟
وصايف ... يالله بنات رجعنا للبيت احس تأخرت على عمي .....
البنات.. يالله
ويقومون البنات يشولون اغراضهم ... وتقول وصايف يروح ويخليها عشان
بترجع مشي مع البنات ... بس السايق لازق لهم يمشي وراهم بطئ ..........؟؟
هديل .. وتلتفت على السايق .. انت في علك حق سنون يمال الضربه ...؟
السايق.. اس فيه قول كلام ...؟
هديل.. رح امش لا افرغ المطاره بخشتك المصونه .. ياعلهم يكفنونك بكفن فرعون
البنات. هههههههههههههههههههههههه شالدعوه ..
هديل,, امش لا امشي شحاطتي على خشتك ..
السايق.. ماما لا يسوي جنجان ..
وصايف.. خليكي منه التعب عليه ..

واول ماوصلوا البنات لبيوتهم ودعوا بعض وراحوا .. وتو وصايف داخله من البوابه ..
الا يصادفهاا ... فارس .. عند البوابه . وين كنتي ياحلوو ..
وصايف.. وتبتسم .. كنت مع بنات جيراناا هديل ومنال بالحديقه اللي جنب بيتنا..
فارس.. هديل لا لحين عايشه هالعربجيه ..
وصايف.. ليش عربجيه ..
فارس.. قبل لا تهاوشت مع عيال حارتنا انتخي فيها وتجيك طياره معني اكبر منها 6 سنوات
الا انهاا عوبه الموت الحمر ..؟؟
وصايف... ههههههههههههههههه لالحين هيه كذا ماتغيرت ..؟؟
فارس.. ههههههههههههههههه هالبنت متى تعقل .
وصايف.. ايه ايه صدناك شكو فيها تعقل ..
فارس.. ليش الاحراج .. ويسوي نفسه مستحي .. وكمل طريقه ...؟؟

وتدخل البيت وصايف وتلقى عمها جالس يطالع الاخبار .........؟؟
وصايف.. سلام عمي عسى ماتأخرت عليك .....
ابو فارس.. كثير تأخرتي صارلك ساعه ونص متأخره ..
وصايف.. خذتنا السوالف ..
ابو فارس.. عسى انبسطتي معهم ...؟؟
وصايف.. حيل بشكل ما تتصوره ........؟؟
ابو فارس.. الحمد لله ترى غرفتك خلصت روحي شوفيهاا ..
وصايف.. وراحت شافت غرفتهاا طياره ......... واول مادخلت ...؟؟

واااااااااااااااااااااااااااااااااااااو جنان ...... كانت الغرفه غرفة بنوتات مراهقات والغرفه
خليط بالاحمر والوردي الفاتح والطوفه رسم قلوب واشكال والسرير المعلق بالطوفه ونازل
على الارض وغير الديكور العجيب والكبت الكبيرمليان ملابس والصناديق بكل مكان ...
وكان على التواليت متروس مكياج واخر العطور وراحت تركض تفتح الكبت .....
مليان ملابس واكسسورات وجزمات ..... بس كان شكل الكبت مثل الباب وراها غرفه
نظام الامريكان بس كان حيل كبير لانه قسم للاكسسورات والجزمات والملابس
..........؟؟
انبسطت حيل من غرفتهاا ولفت انتباهها التلفزيون المعلق والكنبه اللي على شكل بوسه
والزوليه الحمام كان عالم ثاني... واول ماكانت بتطلع ولا تشوف كرتون كبير مغلف
على شكل هديه فتته ولا تلاقي داخله صندوقين .. الاول صغير والثاني شوي كبير
فتحت.. الاول .. ولا تلاقي موبايل اخر صرعة الموضه مزود بخط ذهبي .........؟؟
والثاني جهاز لاب توب وكان لونه وردي بناتي .....؟؟
راحت تركض لعمهاا مستانسه بالهديه ...؟؟ وحبت عمهاا وضمته ....؟؟

وفاجأها عمهاا بالسفره اللي بيسافرونها لي دبي .. بعد يومين .........؟؟
وجلست عند عمها تطقطق بالتلفون .. وعمها يضحك عليهاا.
ابو فارس.. مثل ماوثقت فيك ابيك تصونين هالتلفون يابنتي .........؟؟
وصايف.. لا توصي حريص ......؟؟

ويدخل عليهم .. فارس .... هاه شرايك بالغرفه ..
وصايف.. جناان مشكورين ..
فارس.. وخذيتي التلفون ماشي اجل بطرش لج احلى بلوتوث ..
وصايف.. ماشي .. وتضحك على فارس ....؟؟
وجلست .. ساعه هي وفارس يطرشون لبعض بلوتوثات لين دخل
عليهم تركي .

تركي.. قوه يباا ..
ابو فارس . الله يقويك ..
تركي.. خذيتي التلفون ..
وصايف.. ايه ..
تركي.. انزين لا شكرا ولا شي ..
وصايف.. اشكر منو شكرت عمي .
تركي.. واللي شاري لك التلفون منه هديه ولاب توب ..
وصايف.. استحت على وجهها يوم كلمة تركي بالاسلوب .. مشكور ..
تركي.. لا ماتكفي .
فارس.. اقول اخلص عندك بلوتوثات جديده لوصايف ..
تركي.. عندي ... ويرسل لوصايف اغاني ومقاطع بلوتوثات .........؟؟
وصايف.. خلاص ماعاد يسقبل شي ..
تركي .. ويقوم .. في اختراع اسمه مومري كارد . وياخذ التلفون من ايدها
ويضبطه لهاا .....؟؟
وصايف.. استحت من حركة تركي لها .. يوم يمسك التلفون منها ومسك ايدها ..؟؟
تركي.. تفضلي ....؟؟ يالله انا استأذن ..
ابوفارس. وين
تركي.بروح اشتري لي بدلات للسفره ..؟
فارس.. أي سفره..
وصايف.. بنروح دبي ..
فارس.. لالالالالالالالالالالالالالالا بروح معاكم .
ابو فارس.. والشركه منو فيها ..
فارس.. العمال تكفى يبا ابي اسافر .........؟؟؟
ابو فارس.. لا
وصايف.. والله السفره من غير فارس مب شي..
فارس.. تعيش وصايف تعيش ..ليتك ابوي ..
وصايف.. كان زين عندي ولد نفسك ..؟
ابوفارس.. انت وياهاا تراكم ادوختن ....؟
وصايف.. سلامتك ..؟؟

فارس يعد وصايف مثل اخته لصغيره يدللها ومافي نفسها بشي الا وجابه لها
لانه يحبها محبة اخت مب عشيقه او أي شي ثاني .. لان هو في باله وحده
ثانيه ..مع الايام بتعرفونهاا .. واما وصايف فكانت تغليه على انه اخو ودايم

تقوله .. انت اخوي اللي ماجابه ابوي ..
وصايف.. وتعطي الجوال فارس .. اقرى شكاتبه عند اسمك ..
فارس.. وين .. أي كاهو.. هههههههه
ابو فارس .. شكاتبه .. وتركي جاه فضول الا يعرف ...................؟؟؟
فارس .. عزوتــــــــــــــــــــــــــــــــــــي..
ابو فارس.. ههههههههههههههههههههههههههههههههههه
تركي.. ههههههههههههههههههههههههههه
ابو فارس.. وانا ...؟؟
فارس.. وانت خلني ادور ..حاطه .. كل الغلا ..
تركي.. وعلى اسمي شكاتبه ...
فارس.. اخاف تزعل ..
تركي.. مازعل ........؟؟
وصايف.. فارس جيب التلفون ..
فارس.. مابي ..؟؟
وصايف.. جيبه ولا ترى اغضب عليك ..
فارس.. لا خلاص اجل هاكي ...؟؟
فارس..كاتبه على اسمك ... طبينتي ؟؟ هههههههههههههه
تركي.. هههههههههههههههههههههههههههههههههههههههههههههههههه هههههههههههههاي
ابو فارس .. مات من الضحك .. ههههههههههه اثرك مطابنهاا .
تركي.. اجل طبينه طيبه انا اجيبلك تلفون ولاب توب والله خوش طبينه ...؟
وصايف.. خوش طبينه بس تحب تخثني واحس تستمتع لما تخثني ..
تركي.. من قال الا يضيق صدرها لا زعلتي ....؟؟
ابو فارس.. تراكم مصختوهاا كلش ولا بنيتي وصايف .......
تركي.. ماقلنا شي يزعل ......؟؟؟
نايف.. وهو كان نايم له ساعه على الكنبه .. وانا شنو على اسمي ..
الكل.. هههههههههههههههههههههههههههههههههههههههههههههههههه هه
تركي.. اكيد المرعب ..
وصايف.. شدراك ..
تركي.. اعرف شتفكرين فيه .....
وصايف.. اجل انت ساحر .؟؟
تركي.. تقدرين تقولين ساحر قلوب العذارى .. ويقوم يروح لداره ...
وفارس وابو فارس ..... راحو للشغل ؟؟؟؟
نايف... شو رايك نروح مع تركي السوق نجننه ....؟؟
وصايف.. بالله عليك .. لالا سوري
نايف.. يابنت ماهو قايل شي وناخذ معانا هنادي وسلطان ..
وصايف.. واذا عيا وكسحني ..
نايف.. خليه علي ...؟
وصايف.. روح شوف ...؟؟
وراح ننايف لتركي وقاله .. بنروح معاك للسوق بنشتري غراض للسفره .
تركي.. ومنو يقعد عند وصايف وفيه عمال بالبيت ..
نايف.. ناخذها معانا ..
تركي.. راح ترفض ..
نايف.. من قال هي موافقه ..
تركي..وهي قالت لك خلنا نروح مع تركي..........؟
نايف.. ايه ..
تركي.. كذاب ..بس على العمووم اسف بيروح معاي ماجد خويي..
نايف.. كيفك خسرتني ..
تركي.. بلعنتك ........؟؟؟

وراح قال نايف لوصايف انه رفض ...............؟؟
وصايف.. ماعليك حنا نروح نتمشى مع بنات جيراناا ..
نايف,, فكره
وراحت.. اتصلت وصايف بعمها واخذت الموافقه منه واتصلت على بنات الجيران .. وافقوا
وراوا تمشوا واستانسوا ولعبوا من الساعه 4 العصر الى 10 بليل وبعده رجعوا البيت
وكلن راح بيته هديل ومنال لبيتهم وهنادي وصايف وسلطان ونايف راحوا البيت
وناموا مع بعض .. وهم يسولفون ........؟؟

ياترى شنو تتوقعون يصير بالسفره ..؟.؟.



تبون الجزء اللي بعده؟؟

[الـ ـشـ ـقـ ـا ويـ ـه]

استلمو >>




موعد السفره ...........؟؟؟

ابو فارس.. يالله باقي على الطياره ساعه عجلي ياوصايف ...؟؟
وصايف.. يالله كاني جايه عمي ..؟؟
تركي.. نايف وين الجوتي حقي ..
نايف.. شدراني تلاقي فارس ماخذه ...؟؟
تركي.. فارس فارس ..؟
فارس.. نعم علامك تنافخ هدي هدي بشويش ...؟؟
تركي. هههههههههههههههههههههههههههههههه
فارس.. شرايك بالاستايل ..؟
تركي.. أخلص هات جوتيي ولا بعد لابسه تحت دشداشه يابهيم جوتي رياضي مع دشداشه
وغتره عليك ستايل عجيب ...
فارس.. انطر ان ماهبو فيهاا ..
تركي.. خلصني ..؟
وصايف.. وهي نازله من الدرج .. انا جاهزه وين هنادي لالحين ماجت ..؟
فارس.. يارب ماتجي ..
وصايف.. بالله ليش سمشويه لك ..
فارس. كذا مزاج ..
وصايف.. ماني راده عليك ..
فارس.. لالا انطرك تردين علي ..؟؟
وصايف.. وتعطي فارس ظهرها وتروح لنايف تعدل لبسه ..؟
ابو فارس.. هااه خلصتوا ..
وصايف.. ايه بس هنادي وسلطون ماجااو ..
سلطان..وتوه داخل .. هااه جينا ..
وصايف .. ليش تأخرتوا ..؟؟
هنادي.... رحت اطلع عباتي من السوق وتأخرنا ..؟؟
فارس... الله هنادي صارت مره وتلبس عبايه ..؟؟
هنادي.. اعجبك انا شفيك ازهلها وانا بنت ابوي ..؟
وصايف.. جبتي عباتي معك .
هنادي.. وهي معصبه .. في شي اخرنا غير عباتك اللي نفس وجهك .. وتقط عليها الكيس
وصايف.. شوي شوي تراهاا 900 ريال مب بلاش ..
فارس.. كم ؟؟
وصايف.. بس 900 ريال ..
فارس.. بس
وصايف. بس تصدق بالله ..
فارس.. ويمسك قلبه .. ألبي ألبي ...؟؟
وصايف.. دافع شي من جيبك ..
نايف.. كذا بتخسرين مزانية بيتنا وكلها على عباياتك ذي ..
وصايف.. وش حارك دام عمي راضي ..
ابو فارس.. يالله مشيناا ترى تأخرنا .؟.

وتوجهوا العايله الكريمه الى المطار وسوى تركي لهم الاوراق .. وكان يحاول يشوف
جواز وصايف بس ماقدر من ابوه كل مافتح الجواز نط بوجهه نايف ولا ابوه ولا سلطون ....؟
بعدها جلسوا في صالة الانتظار ... وقالت هنادي لعمهاا ..

هنادي.. عمي يا عمي يا ..
ابو فارس.. هااه .
هنادي.. وجعااه ههههههههههههه
ابو فارس.. وجع شتبين ..
هنادي.. يعني عشان ابوي مب هناا تقول وجع افا بس ..
ابو فارس .. شتبين .
تركي.. تراكي عليتي قلبي ..؟
هنادي.. من قطلك عظم هااه ..
تركي.. شافيتني كلب عندك ..؟؟
هنادي. جايز ..
تركي. انا بعرف انتي طالعه عوبه على منو لا امك ولا ابوك منو بالضبط ..
هنادي.. طالعه على هنادي ..؟؟
تركي. ماشاءالله شتبين ..
هنادي.. بنروح نتمشى بسوق اللي قدامنا ..؟؟
تركي.. مافي ..
هنادي.. يماا منك خثيث شكل طلعتنا بس جالسين بالفندق ..
تركي.. ايه مو عاجبك ..
هنادي.. لا عاجبني بس انطم ..
تركي.. صحيح قليلة ادب ..
هنادي.. ماقليل ادب الا انت كيف تكلمني وانا بنت عمك ..؟؟
تركي.. ماتنطمين ..
هنادي.. وان مانطميت .
وصايف. خلاص شفيكم انتوا..
هنادي.. وانتي شدخلك .. انا ولد عمي نتهاوش ونضحك مالتس شغل فينا ..
وصايف.. اقول ترى لا لحين ماسافرنا لانرجعك البيت فوق شينا قوات عينا .
الكل. هههههههههههههههههههههههههههههههههههههههههههههه
وصايف. من بدايتها هواش ..
هنادي. لا خلاص شفيك ماتعودتي علي انا كذا حماقيه احب اتهاوش وان ماشفت احد
اتهاوش معاها اتهاوش مع نفسي .......؟؟
وصايف. مازعلت انا ...........؟؟
هنادي.. ولعنه تلعنك من قال اني اراضيك .
وصايف.. صج هبله الله يعين بكره رجلك عليك .
هنادي.. الا امه داعيه له ..
وصايف.. الا داعيه عليه بليلة القدر ويوم الجمعه والساعه 12 بليل ...؟
هنادي.. يهبي ...
ابو فارس..يالله نادوا على رحلتناا ...؟؟

وركبوا الطياره الكل ...؟؟؟
ركب نايف عند الدريشه وسلطان جنبه وراهم ..
وصايف وهنادي يتهاوشون ... وجنبهم بالكراسي الوسطيه تركي وابو فارس ...؟؟

تركي.. يا همج انثبروا ..
هنادي.. ماني جالسه عند الدريشه ..
وصايف.. ولا انا اخاف ..
هنادي.. يعني شنو بتطيح فيك الطياره ..
تركي. اقعدوا لا أللحين ألسبكم بالعقال اقعدوا ..؟
وقعدت وصايف عند الدريشه وماتلف راسها جنب هنادي .. وهنادي تضحك ..
وتركي استانس لان شكل وصايف وهي زعلان يضحك .. بسرعه ماترضى .....؟؟

وصايف .. تلف على هنادي .. كانت هنادي مطلعه لها التلفزيون وتطالعه ..؟؟
وصايف... الله طلعي لي ..؟
هنادي.. وتلف تطالعهاا .. ما اكلمك ..
وصايف.. من زين كلامك مالت .. وتهز الكرسي اللي قدامهاا نايف بالله طلع لي شي
اشوفه او أللعب ...؟؟
نايف.. ياعقديه طقي أي زر راح يطلع ..؟
وصايف.. مشكور على المعلومه الخطيره ...؟؟
تركي.. وفيه الضحكه بس ساكت ..؟؟
عاد وصايف لجهلها بالطياره اضغطة على زر مناداة المضيفه ..؟؟ مادرت ولا فوقها مضيفه ..
وصايف.. نعم خير ..
المضيفه.. أي خدمه .
وصايف.. من ناداك ..
المضيه.. انتي ..
وصايف.. قسم بالله ماناديتك اصلن ماحكيت المصباح ..
المضيفه.. ايه
تركي ونايف وسلطان وهنادي .. ماتووو ضحك على تعليقات وصايف ..
المضيفه. أي خدمه ..
وصايف.. جابك الله طلعي لي شي اتسلى فيهاا ..
المضيفه .. حاظر .. وتضبط لوصايف تلفزيون .. تطالع فيه ..؟؟

تركي .. كان لاف صوب وصايف ويطالعها ويضحك ولا يتأمل شكلهاا ولفت انتباهه
واحد طايح له خز عند صوب البنات ..
تركي .. هنا انغاض حده وده يقوم ويذبح الرجال ...؟؟...؟.؟.
تركي ويأشر للرجال .. فيه شي .. الرجال استوعب .. وتأسف من تركي .. بس تركي
طول السفره عينه على الرجال بيشوف شسالفته يخز البنات ...؟؟؟

وبعد كم ساعه وصلوا لمطار دبي خرجوا منها وراحوا للفندق .. تركي كان
مرتب انه تجي سياره وتاخذهم .. ومأجر لهم سياره عشان الرحله ...؟؟.؟.؟.

وبعدها وصلوا للفندق ريحوا شوي تغدوا وبعدها العصر بدت مشاويرهم ...؟؟.؟..
زاروا اول شي مدينة مدهش كان فيها عرض للاطفال . ولعبوا الجهال والكبار بالهمدينه
واستانسوا فيها حيل .. ومن ثم رجعوا تعشوا بمطعم وراحوا للفندق ...؟؟.؟..؟


في الدمام .. خصيصا بيت ابو اصايل ..
اصايل.. كل منكي يما يمدينا مستانسن مع عيال عمي ..
ام اصايل.. احسن اجلسو عندي ..؟
رهف.. جلسناعندك لين ملينا بس هواش ونكد حتى خوالي ماقمنا نزورهم ..؟
ام اصايل.. انا اروح بس لخوالكم اجل تبوني اتفشل فيكم ..؟؟
اصايل.. وليش نفشل اشتري لنا ملابس جديده ومنتي متفشله .
ام اصايل.. وليش الخساير ..
رهف.. صار لنا سنه مارحنا السوق نشتري ملابس حتى العيد ماعيدنا فيه كل
هذا بخل.. ابوي يعطيك فلوس وانتي بس تاخذينها لك ..
ام اصايل.. اشيلها لك لا كبرتوا ...
اصايل.. اذا ماستمتعت بالهعمر بالملابس متى استمتع لا مت بقبري ..
ام اصايل .. فكوني من حنتكم رحوا لغرفكم ..
رهف.. خواتي لصغار ملابس ماعندهم كلها ملابسنا يوم كنا صغار حرام عليكي ..؟؟.
ام اصايل .. رحوا لغرفكم يالله مابي اسمع ولا كلمه ...؟
رهف. وين ابوي يماا ..
ام اصايل.. راح للبنان وبعد اسبوعين بيجي ..؟؟.؟
اصايل.. راح يجيب بضاعه زي عوايدوه .. وتضحك بسخريه ...
ام اصايل.. عشان غثيتوني مافي سفره ولا تروحون بيت عمكم خالد ابدا دام
وصايف لالحين عندهم فاهمين .. رهف روحي سوي لنا شاي ..؟؟
رهف.. انشالله .. وقامت رهف تسوي لمها شاي وهي حدها ضايق صدرها من
امها ام ماتعرف عيالها شيبون وما يبون وحتى البيت البنات قايمات فيه وهم بنات
صغار بس تعودوا مع الايام ...؟.؟.

في دبي ..؟؟..؟.
اليوم الثاني من الرحله ..؟؟
وصايف.. هنادي يالله بالله تقومين .
هنادي... طقي فره وتعالي لي ..
وصايف. طقيت 70 فره خلصي ..؟
هنادي..قومي العيال ..؟
وصايف..العيال من بدري قايمين ..؟؟
هنادي.. ياربي دخيلك الواحد مايعرف ينام عندكم ..؟.
وصايف.. حنا جايين نستانس مب ننام يالله قومي ... وتسحب الفراش منهاا ..
هنادي.. أأأأأأأأأأأأأأأأأأأأأأأأأأأأأأأأأأ
وصايف.. هههههههههههههههههههههههههههههه خلصي ..
وتقوم هنادي تنط على ظهر وصايف .. وصايف تطقها بس مو قادره ....؟؟.
بعد الصراخ والهواش راحوا البنات عند الصاله لقوا عمها وسلطان ونايف صاحيين
..؟.؟.
وكان تركي حاجز له غرفه .. عشان مايضايق وصايف وتاخذ راحتهاا ..؟.؟.
هنادي.. عمي وين ابنك ..
ابو فارس.. وش تبين فيه .؟.
هنادي.. بخطبه منك . يعني وش ابي فيه مستغربه بالعاده اول من يرز فيسه على الاكل هو ..؟.؟
ابو فارس.. مسوي رجيم ..
هنادي.. عمي لالحينك ماصل ..؟
نايف.. يهب كليتي ابوي ابك تركي بغرفته راقد واكله بيجيه هناك ..؟..؟
هنادي.. على بالي بعد ..
نايف.. يؤؤ ياعوبها وهذا انا بعرس عليك لا هونت ..
هنادي.. في امك خير هون العرس بكره ... وتبقق عيونها على نايف..
نايف.. اللي تشوفينه .
الكل.. هههههههههههههههههههههههههههههههههههههههههههههههههه ههههههاي

تفطروا الشباب وراحوا لبسوا وكشخوا على سنقة 10 .. وينطرون متى يشرف تركي ..
عمهم راح عنده شغل بدبي واصلن هو جاي عشان شغله فقال ليش ما اونسهم بدال جلستهم
بالبيت ...؟..

وصايف.. تأخر تريك .
نايف.. اصغر عيال تريك ..
هنادي.. لا للحين ماجابته ..؟؟
وصايف.. اللحين الساعه 10 مايمدينا نتمشى واجد اليوم ونشوف دبي ..
سلطان.. مالين منها يجي 7 مرات جاينهاا ..؟؟.
وصايف.. هذي اول مره اتعدى فيهاا كويت عاد شسوي ..؟.؟
نايف شرايكم نروح له فوق نزعجه ..؟.
وصايف.. هو بأي دور ..
سلطان.. 8
وصايف. روحوا انتوا ..
هنادي.. ياعمي امشي لا تستحين مراح يخطبك ..
وصايف.. انا بعرف علام كلامك دفش كذا ..؟
هنادي.. ربي خلقني ..
وصايف.. لا حنا بنتمشى تحت عند الاستقبال وانتوا تعالو لنا تحت ..؟
هنادي.. -حنا انا بروح معاهم ...
وصايف.. وانا بتروحين وتخليني .
هنادي.. مش ذنبي .
وصايف.. يؤؤؤؤ امرنا لله نروح نقومه ..

ويروحون الشباب لغرفة تركي .. دقوا عليه الباب ومافتح ويشوفون الا الباب شوي مفتوح ..
فتحوه ولا لقوه كان بالحمام يسبح ..؟
هنادي.. وش ذا الزباله ملابس مقططه واكياس زباله وووووووووووووووووووووع ..
وصايف.. يابنت هش لا يسمع .. الله طالعوا فطور الفندق جنان .
نايف .. نقضي عليه .
وصايف.. يالله ..
ويقومون الشباب كلهم على االاكل .. وخلوا له شويه ..وبعده ألتموا كلهم على السرير جالسبن
ووجيهم مقابله الحمام .. كنهم بيلتقطون صوره ..؟؟ طلع تركي من الحمام وكان لاف فوطه
على خصره .. بغرفته لحاله يلبس اللي يلبسه .. وكان ماسك مشط بيده وقاعد يمشط شعره
الي واصله لتحت اذنه .. وكان جسمه تحطيم ....؟ انصدم وصعق يوم شاف اربع مخلوقات فضائيه قدامه .. وصايف استحت لما شافت موقفه وراحت طلعت من الغرفه وهي حدها متفشله
وراها هنادي ..

تركي.. شنو جايبكم هناا .. هااااااااااااه ..؟.
نايف ..تأخرت علينا وينك ياراقل .. فيه ..
تركي.. انزلوا تحت أللحين جاي ..
سلطان. حاضر ياباشا ..؟..
لبس تركي بدي علاق اسود وعليه كلام بالاحمر والابيض وتحته جنز ديرتي .. وجوتي
رياضي عليه جميع شارات الرياضيه كان شكله تحفه .. عكس سلطان . اللي لابس برموده
بيج فيها جيوب كبيره مع بدي ابيض وعليه صور كريزي ولابس كبوس نص ...
واما نايف فكان لبسه حيل عادي ..؟.؟ لابس جنز عادي مع بدي لونه ابيض نفس بدي سلطان..
والبنات كانوا مطقمين .. لابسين نفس العبايه .. وتحتها بنطرون اسود وبدي لونه بيج ..؟
كل وحده تختلف البنطرون بس نفس اللون ونفس العبايه بالضبط ... هنادي كانت
لافه الملفع عادي ومطلعه لها قذيله اما وصايف اللي اول مره تلبس عبايه كتف وتحس
انه ماعليها هدوم .. وكانت لافه اللملفع ملكي وطالعه عيونها وكانت تفتن صج .. كل من
مر جلس يطالعهاا ويحاول يغمز لها .. الا انها كانت منزله عيونها بالارض ..؟.؟.
تركي وتوه نازل من الدرج انصدم ..؟.؟..

شراح توقعون ردة فعل تركي من لبس البنات ..؟.؟.



تبون اكمل؟؟؟

[الـ ـشـ ـقـ ـا ويـ ـه]

اخر جزء لليوووووم




وصايف.. اللي انصفق وجهاها ودها الارض تنشق وتبلعها من هول الصدمه ..
معقوله تركي يلعب علي ..؟.. ويكذب انه يحبني .. وانا الخبله حطيته يحبني
وهو ماقالها عشان مسج وحكمة انا الخبله اللي حبيت واحد نفسه ..؟.. ودها تقوم
تذبحه بالهلحظه وجاها فضول تعرف منو هالبنت ..؟.؟ اللي سحرت تركي ..؟.؟
وظلت طول السفره محزنه .. شاف تركي عليها تغير قبل تضحك وتعلق اللحين
فجأه انقلب حالها ..؟.

تركي.. شفيك وصايف..
وهي مالها نفس . مافيني شي ليش شايفني جايه اشكي لك الحال ..؟.؟
تركي.. علامك انقلبتي ..
وصايف.. تركي مافيني شي بس ضايق صدري ..؟.
تركي.. وليش ..
وصايف.. مدري ضيقه وتروح ,..؟.
تركي.. سلامتك يالغلا ..
وصايف.. لا تقول يالغلا ..؟
تركي.. انصدم . وسكت خلاها بحالها . واول مارجعوا كان بستقبالهم ..؟.
فارس .. وكان من فرحته يصيح .. ويركض .. يبا نايف تركي ..
ويتحاضنون هو وتركي .. وينقزون .. اللي يشوفهم صار لهم سنه مو شايفين
بعض .. وهم دايما سفراتهم مع بعض .؟.؟.؟.
فارس... اشتقت لكم ..
تركي. وانا كثر ..
وبعد السلام والمحاظن رجعوا البيت ...........؟.؟؟.؟.

في البيت ..
فارس.. شرياتوا لي هديه ..؟.؟
وصايف.. احلى هديه ..
فارس.. جد وينهاا ...
وصايف.. تعطيه عليه يوم فتحهاا .. كانت عباره عن ساعه ماركة جفنشي وقلم نفس الماركه
ومكتوب عليها اسم فارس ..
فارس.. الله يجزاك خير وربي احلى هديه جت لي ..
تركي.. ماشريتي لي هديه ..
وصايف.. ليش اشتري لك ..
تركي. زي ماشريت لك ..؟.؟
وصايف.. قصدك الجوال .. بتجيك هديه انشالله ...
تركي.. لالالا مو الجوال .. ويعطيها صندوق ..
هنادي.. وتنط عندها ..بطليها بسرعه ..
وفتحت الصندوق وصايف.. وشهقت .. وابتسمت شريتها لي .. مشكوور ياعل عيني ماتبكيك ..
فارس.. صايره تطورات بدبي وانا مدري ..
تركي.. اقول انطم انت خلها تمدح فيني .. ايه كملي ..؟.؟.
هنادي.. انا اشوفه عيا لانشتريه اثره شاريه لشيخت الحسن ... وين هديتي ..
تركي.. وكل اللي شريتيه بحساب منو هااه وصايف ما شرت شي ..
هنادي.. لالالا ابي هديه مدري عنهاا ..
فارس.. انا جايب لك هديه دسك جديد ..
هنادي.. وتركض .. عنده بالله عليك ...؟..؟.
فارس.. والله تلاقينه بالغرفه ...؟.؟.

وبعدها راحوا هنادي وسلطان لبيتهم والكل راح نام الا وصايف توها تقول وين انام والساعه 7
بروح تشوف هديل واعطيها هديتهاا ...

وراحت وصايف لبيت جيرانهم ... واستقبلوهاا وعطت البيت كله هداياهم ... وانبسطت حيل
معاهم وتعشت عندهم .؟.؟.؟

وجلست هديل ويا وصايف ومنال يسولفون عن الرحله وعن فارس وسوالفه يوم
كان صغير وتعلق هديل انها كانت تحبه وكذا الحكايه لين رجعت البيت وهي دخله البيت

... ولا تشوف تركي جالس على الكنبه متوتر ..
وصايف.. سلام عليكم ..
تركي.. ويخزها .. وين كنتي فيه ..
وصايف.. عند بيت جيرانا ...
تركي.. ماعندك صبر تصبرين لين باجر .
وصايف.. البيت كله رقد قلت اروح اتونس عندهم ...؟؟
تركي.. مره ثانيه لا تعودينها قلقت عليك كثير احسب صار لك شي وليش مغلقه
جوالك ..
وصايف.. مافيه شحن ..
تركي.. تعشيتي ..
وصايف.. ايه . انا بروح انام ..
تركي.. وصايف اجلسي شوي بكلمك ..
وصايف.. وش تبي .
تركي.. وصايف شلي قلب حالك كنتي شزينك بدبي اللحين مالك خلق تجلسين معي ..
وصايف.. انت مكبر الموضوع .. عادي واني اوله جالسه معاك تركي مافيني شي ..
تركي.. وصايف ..
وصايف.. نعم .
تركي.. انـــــــــــا
وصايف .. تركي انت وشو
تركي.. انااحبك
وصايف.. وانقلب وجهها .. تحبني زي اختك ..
تركي.. لالا مو زي اختي من قال اني اعدك اختي زي فارس انا احبك حب غير انتي فاهمتني ..
وصايف.. وجت بتقوم ..
تركي. مسكهاا .. لميتا وانتي تتهربين مني .. صارلك شهرين بيتنا وكل تتهربين مني
انا اشوفها بعيونك وصايف اشوف انك تحبيني ..
وصايف.. احبك مثل ما احب اخواني زي فارس ونايف ,,
تركي .. وعصب الله ياخذ هالفارس متى يطلع من نفوخي ..
وصايف.. لا تدعي عليه ..
تركي. يعني خايف عليه متى اشوفك تخافين علي .. ويطلع من البيت معصب ...؟.؟

وصايف.. اللي ماعرفت شتسوي وراحت لدارها وهي حدها خايفه من تركي
لا يسوي بروحه شي ...؟.؟.؟.
ارسلت له مسج ... تركي ارجع البيت لا تصير بزر

تركي.. عقب ماقرى الرساله ... اغلق الجوال ... وقام يدور بسيارته الدمام كلها ..
وبعدها فتح الجوال .. واتصل على فارس وقال يبي يكلمه ..؟.؟.
وتواعد هو وفارس بالكفي بوكس ..؟.؟.

فارس.. وهو يجلس على الكرسي ... هااه ياشيخ ..
تركي. انا احب ..
فارس.. نعم .
تركي... انا احب وحده تحبك شسوي يا ولد ..؟
فارس.. تحبني . انت شتخربط ..
تركي.. فارس افهمني .. وصايف انا امووت فيها وهي تحبك انت ...
فارس.. وهو منصدم.. وش تقول وصايف انا اعدها زي اختي وش تقول ..
تركي.. فارس تكفى قول لها هالكلام انا قسم بنجن هالبنت بتذبحني من اول مادخلت
البيت وانا ماني على بعضي وهي بس تمدح وتسولف فيك ولا شفتك تكلمون انت وياها
اموت حره ودي اقوم اشنقك وكل هواشي معاها بسبتك انت يا فارس
فارس. وانت من قالك انها تحبني .. وهو يضحك ..
تركي.. نايف .؟؟
فارس... الله وصايف تحبني من قدي ياعالم .. يحاول يغيض تركي..
تركي... ويصيح .. فارس افهم ...

اللي حوليهم طالعوا تركي وفارس .. منصدمين .. وفارس يرقع الموقف ..
يقول مجنون ..
تركي.. فارس قسم بالله لا تحلم انك تاخذ وصايف مني لدمر بيتك يا فارس.. وقام وطلع ..
فارس.. يالخبل اقعد ابك نايف يكذب عليك انا اغلي وصايف زي اختي لانها يتيمه
وتكسر الخاطر فا اعطيها حنان الاخوه يعني وراك رجال ولا اكثر وانت تعرف انا
من احب انا احب هديل وتدري اني بخطبها بس انطر جيت ابوها ..
تركي.. وصايف وش اسوي فيهاا .
فارس.. انت ابخص ..



بعد مرور 6 شهور ....


فارس .. وهو يركض عند الباب . هاه وصايف بشري وافقت ولا لأ
وصايف... مدري شقول لك بس مبرووووووووووووووك
فارس.. هيه .... كلولووووووووووووووش
الكل .. ههههههههههههههههههههههههههه
وصايف.. مبروك فارس
فارس .. الله يبارك فيك ..
وصايف .. يقولون لك ناس خل العرس بعد اختبراتي ولا ترى ماتحظر العرس
فارس.. هااه والله تسويها هالدبه تيشر
وصايف.. خله بعد شهر ونص لما تخلص الدوامات تعرف هديل بعد تدرس معاي
فارس. مو هذا اللي ذابحني انها تدرس ودي اعررس اليوم قبل بكره ..؟.؟.
نايف.. ياربي ودي اسوي لي حركه غريبه بالعرس مدري وشو من اليوم افكر ..؟.؟
وصايف.. شرايك تسوي شك بثوبك ...
نايف.. تتريقين انتي ..
وصايف.. مدري عنك يا حمار .. ويقومون وصايف ونايف يتهاوشون مثل العاده
فارس.. ياناس اليوم فرحي وتهاوشون .. اوووووووووووووف

بعد اقل من ساعه

يدخل عليهم تركي بيده كيكه احتفال بملكة فارس
تركي.. هبي بيرثدي تو يو ..
فارس.. ياحمار قول هبي مير يو
وصايف.. يعني شنو ..
تركي.. يعني خبال فارس .. المهم قومي جيبي لنا صحوون ...
وراحت تركض تجيب صحون لهم ........


بعد شهرين ...
كان طول هالمده هديل مشغوله بالسوق وتاركه الدراسه تولي واليوم يومها

العرس ...

كان عرس فارس من احلى مايكون وكانت العروس ايه في الجمال
والمعرس فارس شيخ الشباب ....؟.؟..
وصايف.. يالله خلصوا المعرس بنطرنا في القصر
هديل.. ياناس نسيت المعوذات ملونيها يماا خايفه.. شنو الدعاء اللي يخلي رجلي يحبني ..
منال..اللهم اني اعوذ بك من الخبث والخباتئث بصوت غالي قوليه
هديل.. ناويه على طلاقي ..
الكل.. هههههههههههههههههههههههههههههههههه

وراحوا القصر ..
رقصوا الحريم واستانسوا .. وبعدها جت الزفه واخذ المعرس عروسته وراحوا لفندق
يجلسون يومين وبعدها يسافرون لباريس يقضون شهر العسل ...


البيت فضى عقب ما سافر فارس وحرمته لشهر العسل ..؟؟ ومابقى بالبيت ..
الا وصايف وتركي ونايف وبس هذولا الثالثه هواش ... مايجي يوم الا متهاوشين .؟.؟

وبعدهاا
.بسبوعين دخل ابو نواف رفيق ابو فارس وكان شريك معاه الا ان كل واحد
استقل بروحه ...
ابو فارس .. هلا هلا ببو نواف .
ابو نواف .. المهلي مايولي ..
وجلس ابو فارس مع ابو نواف يسولفون وكان تركي مو مرتاح من زيارتهم ..؟.
لين بدى ابو نواف .. وقال. انهم جايين يخطبون وصايف لنواف ..
ابو فارس.. حياكم والله لو انها ذبيحه ماعشتكم ..
تركي.. هنا انصدم بتكلم ماهو قادر ينطق ..؟.؟.
وبعده استأذن ابو نواف لين يسألون ويشاوررون البنت .؟.؟.؟

دخل ابو فارس البيت .. ونادى على وصايف ..
وقال لها عن الخبر .. انصدمت وصايف .. وطالعت تركي .. وبعده نزلت راسهاا ..
وصايف .. اللي تشوفه يا عمي الشور شورك ..
ابو فارس .. الولد ماعليه قصور ..؟؟
وصايف.. اللي تبيه عمي .. وراحت لدارها .. وجلست تبكي .. من القهر تنازل عني
تركي بالسهوله ..خلاص ماعاد يبيني ...؟؟

تركي.. راح اتصل على فارس وقاله بالسالفه .
فارس.. تكلم ..
تركي .. البنت موافقه ..
فارس.. حجر عليهاا ياولد تكلم لا تطير منك البنت .
تركي.. بقول لبوي ..
فارس. والله نواف يستاهل بس شسوي اخوي ..؟.؟
تركي.. باي رح لحرمتك . الكلام ماعجبه
فارس.. بروح لهناتي باي ..

ومن بكره الصبح راح تركي كلم ابوه وابوه فرح حيل ان وصايف ماهي طالعه من بيته ..؟
وتعذر من ابو نواف .. ان ولد عمها يبيهاا ..؟.؟.
ودرت .. وصايف باللي صار .. وقامت تصيح من الفرحه وراحت اتصلت على منال ..
وتواعدوا في السطح ..
وصايف.. على السطح تنقز وتصيح .. منال خطبني ..
منال.. تصيح .. مبروووووووووووووووووووووووووووك
وصايف .. الله يبارك فيك
منال. ابي اجيك اللحين ..
وصايف .. حياك ..؟؟

وتروح وصايف لدارها تنطر منال .. واول ما جت لها قامو يمسكون ايد بعض ويناقزون
من الفرحه ..
..

وبعد مرور سبوعين .. أعلنت ملكة وصايف على تركي . على سنة الله ورسوله ..؟.
وقالت . ام سلطان .. لازم وصايف خلاص تجي عندها بالبيت تجهز ..
وعارض هالفكره .. تركي .. تجهز هنا بالبيت مالي شغل فيكم اصلن من ملكة
ما شفتها منقبه ولا من دون نقاب ..؟.
تركي.. لالا مافي ..؟
ام سلطان.. وش يقلون الناس عليناا ..؟.
تركي.. يقلون اللي يقلونه حبيبي وانا مجنونه ..

ونزلت وصايف ومعاها جنطتها .. وراحت طلعت دون لا تكلمهم ولا تسلم لانها حدها
مستحيه ...
ام سلطان.. قرارها مب قراري . عن اذنكم ..
تركي.. وانقهر منهاا حيل ..؟.؟

وجلست وصايف عند ام سلطان اربع شهور تجهز للعرس ويهالفتره تركي مشافها
ولا كلمهاا ..؟..؟

كان تركي يطالع له تلفزيون .. وفجأه ويرن التلفون .
رفعه ..
تركي.. نعم ..
المتصله.. تتزوج ولا تقولي هنت عليك لهدرجه ..؟.
تركي.. البندري ؟؟
البندري.. زين ذكرت اسمي بعد حب سنتين تتركني بالهسوله وتاخذ وحده غيري ..
تركي.. اولا يا البندري هذي اللحين زوجتي على سنة الله ورسوله ..
البندري.. لا تقول زوجتي انا زوجتك هي لا تفهم ولالا ..
تركي.. البندري اعقلي خلاص انتهي الموضوع انا اللحين متزوج ..
البندري... وربي ماراح اخليك تهنا بعرسك ...
تركي. اللي ماتوصلينه بديك واصليه بروجلك ... ويسكر التلفون منها ...

هنا قامت تبكي البندري لانها من جد حبة تركي حيل ... وقامتت تتوعد بزوجته ..
دخلت عليهاا . وداد .. هاي بنوده شو تعملي ..
البندري.. تركي تزوج ..
وداد.. او ماي قود ومتى صار هالكلام ..
البندري... امس تقول لي نوف هالكلام شمتانه فيني ..؟.؟
وداد .. وش راح تسوين ..
البندري.. راح اخرب بيتهم ..؟.؟.؟.
وداد .. خليه يولي غيره ألف واحد ..؟.؟.؟.
البندري .. مابي الا هو ..؟,

البندري حاولت مني مناك لين جابت تلفون وصايف وصارت تزعجها ليل نهار
تتصل وتتوعد فيهاا انها ماراح تخليهاا .. بحالهاا ..؟.؟.؟
وصايف .. كانت تطنشهااا وماتسمع لهاا ..؟.؟. وقالت يمكن هذيك البنت اللي كلمها
تركي ... وتبي تنتقم مني ..؟.؟




شرايكم بالاجزاء؟؟ تهبل صح؟؟

يالله عاد عطيتكم وجه ومابقا الا كم جزء انشالله بكره او بعده اجيبهم لكم هههههههههههه

[‏وَتـے ـيــنْ]

السلام عليكم ورحمة الله وبركاته

شكرا على الاجزاء الحلوة بس عندي ملاحظة << يا كثر ملاحاظاتش

الجزء اللي قبل الاخير يوم كانوا بدبي انتي كتبتي آخر شي ..

شراح توقعون ردة فعل تركي من لبس البنات ..؟.؟.

وحنا ما عرفنا شنو ردت فعله لانه الجزء اللي بعد كانوا بالسعودية ..!!

يعني في جزء ناقص صح والا لأ ؟

ارجو انش تتاكدين وننطر الباقي