كويتى على كرسى الاعتراف

[هند]

`·.·`¤¦¤( مرحبا بالأخ كويتي )¤¦¤`·.·`

اسمح لى بكم سؤال ، أسوة بغيري
بإمكانك تجاهل أى سؤال مكرر أو عدم الرد على أى سؤال لايعجبك



- هل لتواجدك متصلا? على النت أثر على حياتك الإجتماعيه وعلاقتك مع الأسرة والأصدقاء ؟
- ماهي القنوات التلفزيونية التي تتابعها ؟
- ماهي البرامج التى تستمتع برؤيتها ؟؟؟
- احترت في أمرٍ ما .. أيهما تحكم قلبك أم عقلك ؟ وهل أنت ممن يغفل جانب العقل ويتبع قلبه ( هـــــــــواه )
- هل أنت شخصية إجتماعيه .. لها شعبية في المحيط الأسرى وبين المعارف والأصدقاء ؟؟
- هل أنت مندفــــع ؟
- ماهي السعادة بنظرك ؟ وهل تملك مقومات الســـــعاده ؟
- هل حدث بينك وبين أحدهم سوء فهم .. ثم تبين لك خطأك .. ومنعك كبرياءك عن الإعتذار ؟؟
- هل سبق وجربت الفراق .. يعني فقدت شخص عزيز مثلاً ؟؟
- انتقدت أحدهم فبادرك بانتقاد .. هل تقبله ؟
- أيهما تفضل .. الذكاء أم الجمال ؟



- هل من الممكن أن تبني فكرة عن شخص من خلال موقف معين ثم تتصرف على أساسها ؟
- جرحك أحدهم جرحاً بليغاً .. ثم اعترف بغلطته وأسف أشد الأسف واعتذر
هل تقبل اعتذاره وتعود الأمور لسابق عهدها بينكما ؟
- مارأيك باسامه بن لادن ؟
- هل تؤيد ماحدث ( الحرب ) على العراق .. هل تطلق عليها حرب تحرير ؟
- مارأيك فيما يحدث الآن في العراق ؟
- لو عادت بك عجلة الزمن 5 سنوات ماذا كنت ستفعل؟ هل هناك طرق ستتجنبها ؟ وهل هناك ابواب ستطرقها ؟



- مارأيك بمشاركة المرأة في المنتديات هل تستسيغها أم تفضل أن تبتعد عن الإنترنت ؟؟؟؟
- لو رغبت بالسفر من تود أن يرافقك من منتدى العجمان ؟ ولمـــــاذا ؟ وأين تكون وجهتكم ؟
- لو كنت صاحب المنتدى ... منو أول واحد تشيله من منصبه وبمن تستبدله ؟
- ماهي أوقات دخولك للمنتدى ؟
- مالصفحات الأخرى التي تكون مفتوحة أثناء تواجدك في المنتدى ؟
- هل تستمع لشىء معين أئناء تصفحك .. ماهو ؟
- من من الأعضاء تحب أن يكون متواجداً أثناء تواجدك في المنتدى ؟
- ماهي المواضيع التي تستهويك وتجذب اهتمامك ؟
- لمن تحرص أن تقرأ من الأعضاء ؟
- هل أنت إنسان مجامل .. أقصد ترد على من تراهم أصدقاء لك فقط وتتجنب البقية .. ؟
- أساء إليك أحدهم في رد من الردود .. هل تعاود الرد عليه في موضوع آخر
أم تتجنبه ؟؟




لك كل التقدير
`·.·`¤¦¤( السؤدد )¤¦¤`·.·`

[كويتي]

يااااااااااهلا والله وغلا مره ثانيه في الطيبين يا
جماعه شنو السالفه كل الي يسؤلوني بنات
كنهم ينطرونها من الله وينتقمون مني ابي شباب
وين الفزعه وين الروح الرياضيه

اوكـــــــي كويتية انا برد عليج بس على فكره انا ما راح اغيب خلاص هونت
زين سالتيني السؤال الي من زمان انطر اي احد يسالني

شنــــــــــو لونك المفضـــل ؟؟

(الاحمــر) يعور قلبي (الأسود) لون رومنســي فوق المعتاد .

تسلمين كويتية وناطرج عند باب المنتدى وتجيبين وياج الأساله


=======

KTKOTA ياهلا والله ومليــــــــــون غلا نور الموضوع فيج يا الغاليـه
ولاهنتي على هذى المرور الي اسعدني والله

انا بــرد عليش


الآن توحدت شاشات كل التلفزيونات والمحطات العالمية لتنقل لك وعلى الهواء مباشره كلمة قصيره مترجمة بكل لغات العالم فماذا ستقول فيها ؟؟ ولمن ستوجهها ؟؟

اقــول كلمــة الـــى متـــــــــى ..!

وأوجهـــا حــق حكــــــــــــام العــرب من دون استثناء ..

-قبل ماتنام وشو آخر شي تحس أنك لازم تفكر فيه ..؟

شوفي انا فيني طبع احاسب نفسي كل مابغيت انام شنو سويت
وشنو الي غلط سويته وشنو الي صح .. وكنت افكــر اكثــر شي
اشلون اقوم الصبــح حق الدوام ويروح علي التفكيــر وانام بــعد
تفكيــر وتصيــر الساعه 3 الفجر وتروح على نومه ولا اروح الدوام
حيات العزوبي حيات الشـــقى مافي وحده تكسب اجر فيني وتتزوجني ؟

وشو أحلى برنامج عندك ؟

بــرنامج ســوكر الي يطلع على البرنامج الثالث الكويتي ..

شرايك فحليمه بولند وملاقتهااااااااااا ؟؟

يووووووووووووه حليمه قصــه صج ليش انتو البنات حترون منها
عشان دلوعه ومزيونه .. صج مليغه مرات بس الموت الحمر

اذا تشجع او تحب او حتى تميل لأحد من الأنديه السعوديه أيهم تفضل ؟

الهلااااااااااااااال .. عشان سامي الجابر ..

اممممم شدراك اني عجميه أمزززح شاللي خلاك تقول لي عن المنتدى و وش الفكره اللي كونتها عني يعني رايك فيني بصراحه ؟

والله يا الغاليـــه انا ما اقدر اكون لج فكره غير اني لقيتج وسولفت وياج
وقلتلج تعالي المنتدى عندنا وانتي ما صدقتي خبــر جبتي القش كله وياج
هههههههههههههههههههه تسلمين يا الغاليه على تلبيت دعوتي لج

تسلمين كتكوتا ولاهنتي اختي الكريمه على هذى المرور الكريم


=====

الســؤدد اخيـــرآ مابغيتي من يوم قعدت على الكرسي وانا انطــرش
انتي بذات وطولتي بس ماعليه

برد عليج خيتــــــــو ..


- هل لتواجدك متصلا? على النت أثر على حياتك الإجتماعيه وعلاقتك مع الأسرة والأصدقاء ؟

والله انا من سنة 1996 وانا ادش هذي الشبكه وبصراحه شي ما صرت اقدر استغني عنه ابد ولي علاقاتي من اشخاص من سنوات طويله .. وبنسبا
علاقاتي بره النت الوضع عادي بالعكس ما تغير اي شي كل شي له عندي
وقته ..

- ماهي القنوات التلفزيونية التي تتابعها ؟

اوربت الريـــاضيه ،، والجزيرة الرياضيه ،، ودبي الرياضيه عشان تنقل
مباريات الدوري الايطالي عشان اسي ميلان

- ماهي البرامج التى تستمتع برؤيتها ؟؟؟

بـــرنامج سوكــر هذى برنامج رياضي يطلع يوم واحد في الاسبوع ..

- احترت في أمرٍ ما .. أيهما تحكم قلبك أم عقلك ؟ وهل أنت ممن يغفل جانب العقل ويتبع قلبه ( هـــــــــواه ) ؟

شوفي والله مرات الانسان العاطفه تحكم عليه يعني قلبه ومرات العقل الي يفرض
ان تمشي وراه يعني شي بالمنطق ..

- هل أنت شخصية إجتماعيه .. لها شعبية في المحيط الأسرى وبين المعارف والأصدقاء ؟؟

اي والله انا اكثر واحد احب الجمعاااات ولا احب اقاطع احد ويعني لي شعبيه عند ربعي والجماعه وعيال عمي وكل الناس

- هل أنت مندفــــع ؟

ســؤال المفروض انتي الي تردين عليه عشان انتي عارفتني عدل ..

- ماهي السعادة بنظرك ؟ وهل تملك مقومات الســـــعاده ؟

الساعه لمن يرتاح بالي ونام وانا مافي شي شاغلني
ومقومات السعاده .. كل انسان بأيده يقدر يصير اسعد انسان وبيده
يصير اتعس انسان ..

- هل حدث بينك وبين أحدهم سوء فهم .. ثم تبين لك خطأك .. ومنعك كبرياءك عن الإعتذار ؟؟

صدقيني الأعتذار ماعمره كان عيب بالعكس الأعتذار يرفع صاحبه
ولا ينزله وانا اعتذر اذى اختيط ..

- هل سبق وجربت الفراق .. يعني فقدت شخص عزيز مثلاً ؟؟

شوفي اتعــس لحظه في حياتي هــي الفراق ومشكله اذى كنت
تفارق شخص تحبه وتعزه .. جربته وحسيت ان قلبي راح وياه
وطنش فيني ..

- انتقدت أحدهم فبادرك بانتقاد .. هل تقبله ؟

اقبــل دايم اختلاف الرأي لا يفسد الود ..

- أيهما تفضل .. الذكاء أم الجمال ؟

اكيــد الذكــاء شنو فايده جمال من غير عقــل ؟؟

- هل من الممكن أن تبني فكرة عن شخص من خلال موقف معين ثم تتصرف على أساسها ؟

لالالا ما اقدر اني احكم عليه من خلال موقف يمكن يكون مجبرو على هذى الشي
ولا انه مو قاصد او على نية ..

- جرحك أحدهم جرحاً بليغاً .. ثم اعترف بغلطته وأسف أشد الأسف واعتذر
هل تقبل اعتذاره وتعود الأمور لسابق عهدها بينكما ؟

العفــو عند المقدره ومعنها انه اعتذر معناها عرف قيمتي اكيد بسامحه ..

- مارأيك باسامه بن لادن ؟

ابن لادن انسان احترت وانا افكر فيه شنو اسميه هل ارهابي
ولا انسان يحث الناس على الجهاد اذى جيته من الناحية الأيجابيه
اقول انسان مجاهد ويحث الناس على الجهاد واتمنى انه يكون كذى
واذى جيته من الجانب السلبي اقول الي قاعد يسويه في العــالم
فيه شغلات مالها داعي وشغلات حرمها الله ورسوله وفي ناس ابرياء
مالهم ذنب في كل هذى في اطفال في شيوخ في نساء ..
الرسول اذى رح الى حرب كان يوصي اصحابه انهم لا يقطعون شجره
ولا ياذون طفل ولا شيخ ولا امرأه .. وابن لادن يسوي هذى الشي
يذبح صغير كبير شيخ امرأه كلهم واحد عنده ..

- هل تؤيد ماحدث ( الحرب ) على العراق .. هل تطلق عليها حرب تحرير ؟

انا ما اشد المعارضين على ما حدث في العراق وهذي حرب احتلال
واذلال لشعب العراق الشقيق ..

- مارأيك فيما يحدث الآن في العراق ؟

اذلال واحتلال ودوس على كرامت العرب والعرب نايمين وحاطين روسهم في
التراب مثل النعام ..

- لو عادت بك عجلة الزمن 5 سنوات ماذا كنت ستفعل؟ هل هناك طرق ستتجنبها ؟ وهل هناك ابواب ستطرقها ؟

اييييييييه لو ارد مو 5 لالالا انا ابي ارد 3 سنوات ورى بس راح اغيــر شغلااات
كثــره سويتها وندمت اني سويتها وقاعد اجني ثمارها الحين ..
قالوها الي قبلنا الي ما يطيع يضيع ..

- مارأيك بمشاركة المرأة في المنتديات هل تستسيغها أم تفضل أن تبتعد عن الإنترنت ؟؟؟؟

صــراحه ماشاء الله عندنا في هذى المنتدى بنات الوحده فيهم
عن رجال وموواضيعهم وكلامهم فوق الجمال والروعه وانا بصراحه
فيني لقافه احب ادش اي موضوع حتى اذى كان موضوع نسائي
بس والله مواضيعهم كلها كشخه شنطه ونظاره وعطر ومكياج شي

- لو رغبت بالسفر من تود أن يرافقك من منتدى العجمان ؟ ولمـــــاذا ؟ وأين تكون وجهتكم ؟

انا الو شي بسافر اسبــانية وباخذ وياي ابو تركي وابو الوليد
عشـــان نستانس عشان ابو تركي وابو الوليد اعزهم ولهم مكانه
عندي مو طبيعيه تحياتي لهم ولا قصور في الربع ..

- لو كنت صاحب المنتدى ... منو أول واحد تشيله من منصبه وبمن تستبدله ؟

هاهاهاها السؤدد تبين تخلين العالم تحقد علي شنو ههه بس بيني وبينج
وماتلعمين احد ابــو تركــي

- ماهي أوقات دخولك للمنتدى ؟

كــل وقت عمرج دشيتي ومالقيتيني ؟؟

- مالصفحات الأخرى التي تكون مفتوحة أثناء تواجدك في المنتدى ؟

مافي صفحات غيــر الماسنجر ومنو الي وياي ابو تركي ونحش في خلق الله
هههههههه مو تصدقون انا ترى ما احش بس ابو تركي

- هل تستمع لشىء معين أئناء تصفحك .. ماهو ؟

اي والله استمتع اذى شفت في حركه في المنتدى
وشفت اسماء الأعضاء تارسه القائمه تحت واذى شفت ابو تركي
وابو الوليد موجودين ولا قصور في الجماعه ..

- من من الأعضاء تحب أن يكون متواجداً أثناء تواجدك في المنتدى ؟

كــــــــــــلهم بس في عضو في بالي هذى شي ثاني

- ماهي المواضيع التي تستهويك وتجذب اهتمامك ؟

المواضيع الغريبه الي فيها اثاره ..

- لمن تحرص أن تقرأ من الأعضاء ؟

السؤدد - ابيار - ابو تركي - ابو الوليد - كويتية عشان اصيد بدلياتها

- هل أنت إنسان مجامل .. أقصد ترد على من تراهم أصدقاء لك فقط وتتجنب البقية .. ؟

لالالالا انا احب ارد على الكــل ومافي موضوع
جديد ولا قديم لازم تلقين توقيعي فيه ماعندي احد احسن من احد ..
- أساء إليك أحدهم في رد من الردود .. هل تعاود الرد عليه في موضوع آخر
أم تتجنبه ؟؟

ارد عادي يا السؤدد الدنيا اخذ وعط
وصدقيني اذى اساء لي ولقاني راد عليه
في موضوع ثاني راح يستحي ويعرف ان الله حق

تحيـــــــــــــــــــاتي لج يا السؤدد وتسلمين على هذى المرور الي
اسعدنـــي والله العظيم ..

تحيـــــــــــــاتي للجميـــع
كـــويتي

[مندوزا العجمي]

والله مدري شسالفه بس اذا فيها شي ضد كويتي انا ارحب به بس ما احب اقرى واجد ههههههههههههههههههه كويتي شرايك فيني اعجبك
هههههههههههههههههههههههههاهاهاهاهااااااااهاهاي
انا مناصر كل من يقف ضد كويتي هههههههههههههههههههههه
بسوي حزب واسوي انقلاب عليك
ههههههههههههههههههههههههههههههههههههههههههههه
وجكراااااااااااااااااااااا

[كويتي]

يا هلا والله فيك يا مندوزا انت والله ونعم فيك يا الغالي

بس فيك اشوي دفاشه الله يصلحك ويخليك لهلك

ودير بالك لا تفكر تسوي انقلاب لا اهد عليك ابو تركي
وابو الوليد يورونك شي ماعمره مر عليك

[أبــيـــار]

السلام عليكم

عدنا

ولكن بدون اسئله جيت اضحك عليك وهم يستجوبونك >>>>>>>> تشمت


لي عوده باسئله


تحياتي

أبيـــــــــــار

[كويتيه]

يعطيك العافيه كويتي
والسؤدد ماشالله والله اسالتهاا كمانت وايد حلووه.. صراحه ستمتعت وانا اقرا...


ماعندي اساله الحين نعسانه مافي براسي اي سوال..

[KTKOTA]

طلعت هلالي وتعجبك حليمه البايخه
8
8 كلهم ماأحبهم

على العموم مشكووووووور على أجوبتك واذا خطر فبالي سؤال بسأله ان شاء الله

اللحين بسأل سؤال على الماشي هو بايخ بس محيرني
اللي أعرفه ان الكويتيين يقولون ج مثلا شلونج أول مره أدري ان فيه منهم يقولون ش فسرها لي

[هند]

`·.·`¤¦¤( كويتي )¤¦¤`·.·`

يعطيك العافية ،
أنا تأخرت لحاجـــة في نفسي

المهم في سؤال إنت فهمته غلط ،
وودي تجاوبه ،


هل تستمع لشىء معين أئناء تصفحك .. ماهو ؟ مو تستمتع


`·.·`¤¦¤( السؤدد )¤¦¤`·.·`

[كويتي]

ابيــار يا هلا والله وغلا يا الغايب الحاظر وحمدالله على السلامه
نور الموضوع يا الغالي
كويتية لاهنتي وناطر اسالتج الحلـــوه خيتوو

كتكوتا تسلمين غاليه
وسؤالش مايبيله شرح كل واد وعلى لغت كلامه والعجمان
هم اهل ال ش وشششششششششش

السؤدد تحياتي لش ولاهنتي

سؤالش الي قول شنو تسمع وانت تتصفح ..

على حسب المزاج يعني مرات اغنيه ومرات ولا اي شي
بس في شي قعدت اشوفه واسمعه اكثر من اربع ايام
فيديو كلب مال موضوع لج الي اسمه هكذى تحرر القدس
ياسر عرفات وهو يبوس هذاك صج مت من الضحك


تحياتي للجميــــــــــــــع
كويتي

[كويتيه]

]اوكي خل اسال جم سوال على الطاير جذي..

1. اغنيه ادندنهاا هاليوميين وايد.. بينك و بين نفسك

2. شنو شرابك المفضل..

3. شنو اللغات اللي تعرف تتحجى فيهم؟؟

4. انت حجي ولا لا... يعني حجيت ولا لا ؟؟

5. شنو شعورك و انت مراقب