,
جَو المطَر و الغيمْ و أنا وزانِكْ
يحيي هَشيمْ عروقْ قلبٍ يباريكْ
قلبٍ يحبّك صدقْ و يعِز شَانِك
و ما يصدّق الهَرجات لا ذي و لا ذيكْ
و لَو كنت تَدري فـ الحشَا وشْ مكانِكْ
ما سِقت لي شرهَه و لا قلتْ وشفيكْ ؟
ريحْ المطَر طرّا غَلاكْ و زمَانِكْ
و أنا عَلي بِه نَذر ماني بناسيكْ
الغيمْ وجهِكْ و المِطر مِن حنَانِكْ
و الجَو كنّه ضحتِك كِل ما جيكْ
صُوتِك دفايْ و مَسمعِي تَرجمانِكْ
إدع المشَاعر كلّبيها و تَاتيكْ
الثّلجْ كنّه ذايبٍ في ثمانِكْ
و المِلحْ كنّه ينتشِر في خطاويكْ
و إليَا إلتفًت و فاح ْلي زعفرانِك
شِفت الجديلْ اللي ليَا السّاق يَضفيكْ
دلّوع أبيك اللي يِحَشمك و صَانِكْ
رجلٍ على عذب السّجايا مربّيكْ
و الله و أمانْ الله و أمَاني و أمانِكْ
إنّي مولع بِك و أحبّك و شَاريكْ
تَدري أنا ليه أتنفّس عشَانِك !
و تَدري وشْ يصبّر خفوقي رجَاويكْ
أجمَل حكَاوي الشّوق تَسكن لسَانِك
و أغلى الدّقايق كلّها يومْ أحاكيكْ
اللي بقولَه و إنت عَارف مكانِكْ
لا تَبطي ب وَصلك تَرى القلب يَدعيكْ
~
25-11-2011, 05:08 PM
العرض المتطور
