بسم الله نبدأ ياابن شعلان .

[الفايز]

ياهل الجوف وين اللي سمعني = من الراس صيحتي من الراس
عميلي تركني ما نفعني = خواله عمامه طيب الساس
لاجاو الدكاتر صدي عني = وكني غديت من أطرف الناس
ومعهم ظبي مشيه تثني = وعينه تشافي وتذهب الباس

[ريح الشمال]

حرمني الفايز آه حرمني = وتحتاس أموري منه تحتاس
يامن ياخذه تراه خدمني = وبلاس طبعه فيني بلاس
في دارن خلا ماحدن عرفني = والفايز يجرلي التعوماس

[ريح الشمال]

عجمان ياللي كل ما صاح فسقان = عصابة راسن للي جته الليالي
لكم غلامن صرت انا فيه بلشان = دايم علي الفسقات طربان سالي
ليت الحكومه تقلعه يم نجران = ولا تكبه في ذرا الربع الخالي
ماشافته عيني ولو مره زعلان = بيض الثنايا دايمن فيه تلالي

[الفايز]

ويلان ياللي فعلكم يوم الأكوان = عسف الشيوخ من اول الوقت وتالي
بشكيلي شيخن متعب الراس شعلان = طبعه شديد ما رجا الأعتدالي
زيارة المرضان يلحقها غفران = أجر وثوابن فيها مع طيب فالي
فعل المكارم عندما مثل عنوان = حقن وواجب عارفين الأفعالي

[ريح الشمال]

راع المعروف مفنجل عينه بالنسوان = ما طوف الفرصه لاجا فيه مجالي
حاسبها زياره يرجي وراها غفران = والكل يدري انه فيها يحتالي
أجرك في مكه زيارة البيت العمران = ولا في لندن اترك الكل سالي
دربك غلط ما هو على نهج عدنان = أمرك غريب ومنته معنا موالي

[الفايز]

ياناس أنا من خدمته صرت حيران= قلبي ضعيف وزاد حبه هبالي
ياجعل تدعم دعمه في وسط ميدان= وانا قاعد واشوفك وانته قبالي
يصيح حمزه من قوها بقصرعمان= وانا اتنومس منها ياهملالي
وصفوت المصري عميلك الخربان= يموت بجلطه يالله تقبل سؤالي

[اطياف الماضي]

الله

لاهنتوووووا

[ريح الشمال]

ياشين لا تدعي وانا وانت خلان = الظاهر اني ماني عندك بغالي
ياعل نمرن يختليبك وجيعان = من جمعتن ماذاق لحم الغزالي
ولا صاروخن عابرن من باكستان= حطك نصع ولاله عنك بدالي
لا تحسب اني عقب موتتك زعلان= افرح واغني يالي لالي يالالي

[الفايز]

الله عليك يا قلب حاقد ومليان= لا تحسبني ضايعن مالي والي
والله لاأخلي يكرهونك العجمان= وانا احمد الله منته عمي وخالي
حرمتني القهوه وانا معك خرمان= ومن الحسد نثرت حتى الحثالي
حتى البرامك يوم سادوا خراسان= ما يفعلون اللي فعل ذالشمالي

[ريح الشمال]

عرقك دسيس ودس به عرق طهران= قبل الصلاه تقول نبدأ ابتهالي
عندي خبر من سالف الوقت وهمدان= مع الفتن يوم القتل والجدالي
ترى لندن مافيها جكسار ونيسان= من حكمة الخالق عزيز الجلالي
الكسب تدريبه ورى نجد ونجران= لكن هنا القانون عالي وعالي