~~كـــاــــمــــاتـــــــ~~

[ناصر العسكر]

اهداء للجميع











/

\

/


أسبوع مرّ !! ولاوصل منك مرسـال
ياقوّ قلبك كيـف تقطعنـي أسبـوع ؟!

/

الجوع كافر ! وانت ماترحـم الحـال
وانا عليك مـن الولـه ميـت ٍ جـوع

/

ياللي غيابك صعب يطري على البـال
تركتنـي ضايـق وحايـر ومفجـوع

/

ماكنّـي الا: شايـب ٍ فاقـد عـيـال
وماكنك الا: محرم ٍ حق مشـروع !!

/

يفوع لـك قلبـي ليـا مـر الاطـلال
ياليت مالـي قلـب يشتـاق ويفـوع

/

حسبي عليك شلـون قطعـت الامـال
بآآآموت لاصار الامل فيـك مقطـوع

/

ياصاحبـي ماكـل نـزّال رحّــال
انت الحيّا من وين مارحت متبـوع !!

/

نسيانـي لـزول ٍ بالاعمـاق يختـال
اصعب على صاحبك من حبة الكـوع

/

لو الثمن في شوفتـك عمـر رجـال
كان الثمن من يوم ماغبت مدفـوع !!

/

ولو القدر مـا تـم قولـه ليـا قـال
ماضاق صدر ولا انحنى راس مرفوع

/

ياصاحبي عشقتنـي فعـل وخصـال
وانا عشقتك شعر واحسـاس وطبـوع

/

وشلون تتركني كذا لا اشهـب الـلال
وقدّام عيني تجف ينبوع .. ينبـوع !!

/

وانا عشانـك جيـت والغيـم همّـال
اسيّـل الوديـان واداحــم جـمـوع

/

ماردّنـي عنـك سوالـيـف عــذال
تزعل عليّ ربوع وتقـدّر ربـوع !!

/

كان المهم اعيشـك جنـون ووصـال
ويكون لي كلمه ولـي راي مسمـوع

/

واليوم ضاقت بي من الجـال للجـال
فرقاك تقصـم ظهـر وتحـز وتلـوع

/

لو جيت شفت الحال ماسـرّك الحـال
في غيبتك ضايـق وحايـر ومفجـوع

/

هذا غياب اسبوع وشلـون لـو طـال
طالبك .. لايطوّل غيابك عن اسبوع !!

/

[ناصر العسكر]

انا بليت بحبكم من هبالي .=
ولا انت ظلن مالنا فيه منزال .
خيرك لغيري والشقا والعنا لي .=
والمشكل انا فاهمن كل الاحوال

[ناصر العسكر]

يآج ــــرح بســـك مآبقــى دآخ ـلــي دم
ج ــفـت ع ــروقي وآنت للح ـين بآقــي


ع ـآمـين صـآبر لج ــــل ترضى وتلـتـم
وآح ــآول آتآقلــــم برغ ــــم آخ ـتنـآقي

[ناصر العسكر]

يـاآ عين گثر السھر مآهوب نافعني ، ،
نامي ترى النفس عن مآ صار منسدّھ /~

وأعروق قلبي مِن الفرقا تقطّعني ، ،
أثنينگم ضدّي ولآ عاد بي شدھ /~
...
والزين قلبي معھ عيّآ يطآوعني ، ،
أنوي بـصَدھ لگن مآ يصمل بصدّھ /~

مدري علآمي ليا قفّيت رجعّني ، ،
وگل الأحاسيس يمھ دوم منشدّھ /~

مدري هذا ضعف لآ مِن قام يردعني ، ،
والا هذا الحـب الأول لعنبـو جدھ

[ناصر العسكر]

( بانت ) ولا لك عذر واضح ومفهوم
...............كم لك تدوّر لك على الصد ( سبّه )

( منت ) بحبيبي يا حبيبي من اليوم
................انا حبيبي ؟ ما ( يخون المحبه ) !




.

[ناصر العسكر]

.



اتبعك !. كيف اتبعك .! وانته مقفّي

غشيم من يتبع غرام المقفين

وان كان حلمي معك معناه ضعفي .!

حسبك .! ترى تحت الرواسي براكين

[ناصر العسكر]

ياللي خذيت القلب لا هنـت رده=
رده اذا ما عاد لك حاجـةٍ فيـه

الشاهد الله ما نويـت أستـرده=
ومفارق الأحباب ماني بناويـه

ياكثر مـا يغليـك والـود وده=
يبقى معك لين المنيـة توافيـه

مير الهوى قتال لا رحـم جـده=
والبعد والحرمان أقسى معانيـه

أنا أدري أنـك بالمـودة تـوده=
وتحاول أنك في حياتـه تهنيـه

لكن ظروفك ما هـي بمستعـده=
تمنعك عن صاحبك ما تقدر تجيه

حاجز طريقك ما أنت قادر تهده=
محتار ما تدري وش اللي تسويه

لن كان في خاطرك شـيٍ تعـده=
تعـال قـدام المقاديـر تطويـه

مهما حصل صاحبك ما باح سده=
ما يلحقك ملام منـه ومشاريـه

[ناصر العسكر]

[ناصر العسكر]

اهداء



للمتابعين

[ناصر العسكر]

من اجمل قصائد الغزل








اترككم للاستمتاع