وش يتفعك من حنين القلب وخلاجه وجروحه اسبابها انت ولا تعالجها

[شقران السبيعي]

يا بدر خلي بالهوي شاتنـي شـوت
شوتت لواعيب ٍ .. تشـاوت اكورهـا
ما عاد ينفع به قصيدي مع الصـوت
رايات حبي .. فـي يدينـه كسرهـا

[شقران السبيعي]

جوارحي لرضاك مقتادها قــود
تقول حاكمني بشرع وعقيده

[شقران السبيعي]

القلب في سوق الهوى لاجلك يغيـض ويمتلـي
ما هوب راع مساومـه أمّـا أشتـره وإلاّ بعـه
يوم الشعور مداوله .. وش قلت لك وش قلت لي
راجع حديث العاطفـه وأقتـصّ دربـه وأتبعـه
وألاّ بلاش أنسى ما فات مات .. وأسمع ما يلي
لا تترك الملتاع واقف لك على راس أصبعـه

[شقران السبيعي]

خليتني يا حادي ركابي على حيد الطريق
والمعرفه هانت وشانت واختلف قانونها

[شقران السبيعي]

تعال يا نور عيني وسط عيني ونام
جفني وسادة حنين ورمشها لك غطا

[شقران السبيعي]

أتحصّـن ميـر ما عنـدي منـاعـه
يستر الله مـن دواي ومـن طبيبـي
خاطري مشحون من كثـر إلتياعـه
يجحد العلّـه وأنـا جرحـي عطيبـي
منكسر مـا بيـن حبسـه وإندفاعـه
و واقف ٍ بيـن المنـادي والمجيبـي

[شقران السبيعي]

يا مرحبـا ترحيبة ٍ تشـرح الـبـال
فيها للصـدر المستضيـق أنشراحـي
احلى من السكر ومن طعـم الأعسـال
واخف واسرع مـن هبـوب الرياحـي

[شقران السبيعي]

من عذا ب الشوق غنّينا بـروح
ومن جفى الاحباب فارقت المزاح
لي حبيب ٍ عادته نقض الجـروح
تل قلبـي مـن معاليقـه وراح
باللقا والوصل دايم لي شحـوح
فز قلبي مـن سواياهـا ونـاح

[شقران السبيعي]

ياللي سرقتوا قلبـي اليـوم ردوه
باسبابكم ذقـت العنـى والمضـرّه
اتلا العهد مع صيحة الناس تلّـوه
صيحه لها من بين الاضلاع صرّه

[شقران السبيعي]

سر يا قلم حسب القوافـي والاوزان
واتعب على بدع البيـوت الجزيلـه
ما حيلتي غير القوافـي والالحـان
لي حيلة ٍ وللوقـت تسعيـن حيلـه