مبروكـ عرسكـ

[مشاري العجمـي]

السلام عليكم

اتمنى ان تنال على اعجابكم

كيـف النجـاةُ وحُزنـي مـن تملّكنـي=وبليت بالهـم والشـوق وهـوى نـوره
امشي واهوجس وافكر ويـش مشغلنـي=واثر القمر غايب(ن) مابان لـي نـوره
قالـت فمـان الكريـم وروح وإتركنـي=واحصد غرام(ن) زرعته واقطف زهوره
قالـت مشـاري تـرا الفرقـا تلوعنـي=وانـا ضعيفـه ومنهـيّـه ومـامـوره
مبروك عرسك عسى ربـي يصبّرنـي=يانور قلبـي ونـور الكـون بحضـوره
طالبْك قبـل الزفـاف ابيـك تعزمنـي=وتشوفني واقف(ن) جمبه على الصـوره
مبروك لاجات مـن غيـري.. تعذبّنـي=وشلون لاجات مـن فمّـي وحنجـوره
ياوجد حال الشعر والقاف مـن حزنـي=وياوجد حال الحزين اللي {ملـت زوره
عبـرات وهمـوم عيّـت لاتفارقـنـي}=تطلع غصب عنّه ومن غيـر لاتشـوره
يادمع خفـفّ علـي لاعـاد تفضحنـي=وخـل العلاقـات بحروفـي ومستـوره

[/center]